1 Kings 20:34 - Pijin Bible

³⁴ Den King Ben-Hadad hemi tok olsem long hem, “Olketa taon wea dadi blong mi i bin tekemaot from dadi blong yu bifoa, bae mi givim olketa evriwan gobaek long yu. An bae yu save mekem wanfala maket long Damaskas fo mekem olketa bisnis blong yu, olsem wea dadi blong mi i bin mekem long Samaria bifoa.” An King Ehab hemi tok olsem long hem, “Bikos yu agri fo duim olsem, distaem mi letem yu go fri.” So tufala mekem agrimen, an hemi letem hem go fri.

Pijin Deuterocanon

³⁴ Den King Ben-Hadad hemi tok olsem long hem, “Olketa taon wea dadi blong mi i bin tekemaot from dadi blong yu bifoa, bae mi givim olketa evriwan gobaek long yu. An bae yu save mekem wanfala maket long Damaskas fo mekem olketa bisnis blong yu, olsem wea dadi blong mi i bin mekem long Samaria bifoa.” An King Ehab hemi tok olsem long hem, “Bikos yu agri fo duim olsem, distaem mi letem yu go fri.” So tufala mekem agrimen, an hemi letem hem go fri.

1 Kings 20:34 ပူးပေါင်းရင်းမြစ်များ

1 Kings 15:20

So King Ben-Hadad hemi agri long toktok blong King Asa. Den hemi sendem olketa komanda blong hem wetem ami blong hem fo go faetem olketa taon blong Israel long not. An olketa winim trifala taon long Ijon, an Dan, an Abel-Bet-Maaka, an olketa ples kolsap long Leik Galili, an olketa ples long distrik blong Naftali.

1 Kings 20:33

Nao olketa bikman ya i trae fo faendem eni saen olsem hemi hapi long olketa o nomoa. An taem hemi sei, “brata”, seknomoa olketa pikimap toktok ya, an olketa tok olsem, “Ya, yutufala Ben-Hadad i brata nomoa.” So king hemi tok olsem long olketa, “Yufala go tekem hem kam.” An taem Ben-Hadad hemi kamaot, hemi kolem hem fo kam sidaon wetem hem long kaat fo faet blong hem.

1 Kings 20:42

Den profet ya hemi sei long hem, “Yawe nao hemi tok olsem, ‘Mi talem finis dat King Ben-Hadad mas dae. Bat yu letem hem laef, so bae yu mas dae fo sensim laef blong hem. An olketa pipol blong yu tu bae olketa dae fo sensim laef blong pipol blong hem.’ ”

1 Kings 22:31

Oraet, king blong Siria hemi bin talem olketa teti-tu komanda blong olketa kaat fo faet blong hem olsem, “Bae yufala mas no faetem enikaen soldia nomoa, yufala mas go faetem nomoa king blong Israel.”

2 Kronikols 16:4

So King Ben-Hadad hemi agri long toktok blong King Asa. Den hemi sendem olketa komanda blong hem wetem ami blong hem fo go faetem olketa taon blong Israel long not. An olketa winim trifala taon long Ijon, an Dan, an Abel-Maem, an olketa taon fo kipim olketa samting long distrik blong Naftali.

2 Kronikols 18:30

Oraet, king blong Siria hemi bin tokstrong long olketa komanda blong olketa kaat fo faet blong hem olsem, “Bae yufala mas no faetem enikaen soldia nomoa, yufala mas go faetem nomoa king blong Israel.”

Aesaea 26:10

Nomata yu kaen long olketa nogud pipol, bae olketa no save lanem nomoa, hao fo falom stretfala wei blong yu. An nomata olketa stap long midol long olketa stretfala pipol, bae olketa gohed nomoa fo falom olketa nogud wei, an olketa nating luksave dat yu nao King hu hemi hae tumas.

Aesaea 8:12

“Aesaea. Olketa tingse yu nao yu mekem ravis plan agensim disfala kantri, bat yu mas no tingting olsem. An yu mas no fraet long olketa samting wea olketa fraetem.

Diutronomi 7:2

bat bae hemi putum olketa pipol ya long han blong yufala, an yufala winim olketa. Oraet, long datfala taem, yufala mas kilim dae olketa evriwan. Yufala mas no mekem eni agrimen fo stap gud wetem olketa. An yufala mas no kaen long olketa.

1 Samuel 11:1

Long datfala taem, King Nahas blong Amon hemi tekem kam olketa soldia blong hem long eria blong Gilead, nao olketa hipap raonem taon long Jabes fo mekem faet. Bat olketa pipol blong taon ya i tok olsem long hem, “Mifala laekem yumi fo mekem wanfala agrimen distaem olsem, sapos yu no kam fo mekem faet wetem mifala, bae mifala letem yufala fo rul ovarem mifala.”

1 Samuel 15:8

Olketa kilim dae evriwan blong Amalek bat olketa no kilim Agag, king blong olketa. Olketa holem hem nomoa. An olketa holem tu olketa nambawan buluka wetem pikinini blong olketa, an olketa nambawan sipsip wetem pikinini blong olketa. An olketa narafala gudfala samting moa, olketa no spoelem olketa samting olsem. Olketa spoelem nomoa evrisamting wea i luk nogud.