1 Kings 20:21 - Pijin Bible

²¹ An King Ehab an ami blong Israel i goaot an kilim dae olketa soldia blong Siria. An olketa barava spoelem olketa hos an kaat fo faet blong ami blong Siria.

Pijin Deuterocanon

²¹ An King Ehab an ami blong Israel i goaot an kilim dae olketa soldia blong Siria. An olketa barava spoelem olketa hos an kaat fo faet blong ami blong Siria.

1 Kings 20:21 ပူးပေါင်းရင်းမြစ်များ

1 Kings 20:20

Olketa ya i kilim evri soldia blong Siria wea i kam fo faetem olketa. So olketa soldia blong Siria i fraet an ranawe, bat olketa soldia blong Israel i aftarem olketa. Bat King Ben-Hadad hemi go long hos blong hem an ranawe, wetem samfala soldia blong hem wea olketa raed long hos.

1 Kings 20:22

Bihaen, profet ya hemi kambaek moa an tok long King Ehab olsem, “Yu mas tekem plande man moa fo kam joenem olketa soldia blong yu, an yu mas tingting gudfala fo mekem olketa gudfala plan. Yu save, neks yia bihaen long taem wea hemi kol tumas, king long Siria bae hemi kambaek moa fo faetem yu.”

2 Kings 3:18

An Elaesa hemi tok olsem moa, “Hemi wanfala isi samting nomoa fo Yawe hemi duim. Bat bae hemi mekem wanfala samting wea hemi bikfala go moa. Bae hemi mekem yufala fo winim olketa pipol blong Moab.

2 Kings 3:24

Bat taem olketa soldia blong Moab i kam kasem ples ya, olketa soldia blong Israel i go faetem olketa, an ronem olketa gobaek. Olketa blong Israel i go long lan blong Moab an aftarem olketa soldia blong hem, go-go olketa kilim olketa dae.

Josua 10:20

Nomata Josua wetem olketa man blong hem i gohed fo kilim dae olketa pipol ya, bat samfala long olketa ranawe go an haed insaet long taon blong olketa. Olketa no dae bikos wolston long taon blong olketa hemi gadem olketa.

Jajis 11:33

Hemi stat long Aroa an hemi kilim olketa ya go-go kasem eria long Minit, an hemi spoelem tuentifala taon blong olketa go-go kasem disfala taon long Abel-Keramim. Long datfala taem, olketa Jefta i kilim dae staka pipol blong Amon. Hem nao wei wea olketa blong Israel i winim laen blong Amon an mekem olketa barava wikdaon.

Jajis 3:28

Nao hemi tok olsem, “!Yufala kam falom mi! Yawe hemi putum finis laen blong Moab long han blong yumi.” So olketa falom hem godaon long ples wea rod hemi krosim Jodan riva. An olketa no letem eni man blong Moab fo hemi go akros long riva fo go long Moab.

1 Samuel 17:52

Long datfala taem, olketa soldia blong Jiuda wetem olketa soldia blong Israel i singaot bikfala, an olketa ronem olketa go-go kasem taon long Gat an long geit blong bikfala wolston blong taon long Ekron. Olketa kilim dae plande soldia blong Filistia olobaot long rod from Saaraem fo go long Gat an Ekron.

1 Samuel 19:8

Ami blong Filistia i kam faet moa, an Deved wetem olketa soldia blong hem i go faetem olketa. An hemi faet strong agensim olketa, so olketa ra-ranawei.