1 Kings 2:7 - Pijin Bible

⁷ “Bat yu mas kaen long olketa pikinini blong Basilae, man blong Gilead ya. Yu mas tekem kam olketa fo kaikai long haos blong yu. Bikos bifoa, long taem wea mi bin ranawe from brata blong yu Absalom, olketa ya i barava kaen tumas long mi.

Pijin Deuterocanon

⁷ “Bat yu mas kaen long olketa pikinini blong Basilae, man blong Gilead ya. Yu mas tekem kam olketa fo kaikai long haos blong yu. Bikos bifoa, long taem wea mi bin ranawe from brata blong yu Absalom, olketa ya i barava kaen tumas long mi.

1 Kings 2:7 ပူးပေါင်းရင်းမြစ်များ

Jenesis 40:14

!An taem wea yu goaot from prisin ya, plis yu no fogetem mi! Plis yu kaen long mi, an talem king abaotem mi mekem hemi save tekem mi aot from prisin ya tu.

2 Samuel 19:28

Bifoa, hemi fitim fo yu kilim dae nomoa mifala evriwan long laen blong grani blong mi, bat yu talem mi nomoa fo kam kaikai olowe long tebol blong yu. Mi no garem eni raet fo askem enisamting moa from yu king.”

2 Samuel 9:10

An yu wetem olketa pikinini blong yu an olketa wakaman blong yu, yufala mas wakem gaden fo hem, an tekemaot kaikai long gaden fo hem. Long wei olsem, grani blong masta blong yu bae hemi garem evrisamting wea hemi nidim. Bat Mefiboset ya, bae hemi save kaikai wetem mi olowe long tebol blong mi.” (Yu save, Siba hemi garem fiftin pikinini boe, an tuenti wakaman.)

2 Samuel 9:7

Oraet, Deved hemi tok olsem, “Yu no fraet. Bae mi laek fo kaen long yu bikos dadi blong yu, Jonatan, hemi gudfala fren blong mi. Evri lan blong grani blong yu, King Sol, bae mi givim gobaek long yu, an mi laekem yu fo kam kaikai wetem mi olowe long tebol blong mi.”

2 Kings 25:29

So King Jehoeakin hemi aotem kaleko blong prisin, an evri de, stat long taem ya go-go kasem en long laef blong hem, hemi gohed fo kaikai wetem king ya long hae tebol blong hem.

2 Kings 25:30

An evri de, king blong Babilonia hemi givim seleni long Jehoeakim, go-go kasem taem Jehoeakim hemi dae.

Esra 2:61

An samfala prist tu i gobaek from Babilonia, wea i bon kam long olketa laen blong Hobaea, an Hakos, an Basilae. (Disfala Basilae hemi bin maritim wanfala dota blong wanfala man wea nem blong hem nao Basilae blong Gilead, so hemi bin tekem nem blong dadi inlo ya.)

Provebs 27:10

Yu no fogetem fren blong famili blong yu. Taem trabol hemi kam, no go long wantok. Neiba blong yu hemi moabeta winim wantok hu hemi stap farawe.

Jeremaea 52:33

So King Jehoeakin hemi aotem kaleko blong prisin, an evri de, stat long taem ya go-go kasem en long laef blong hem, hemi gohed fo kaikai wetem king ya long hae tebol blong hem.

Gudnius abaotem Jisas Kraes wea Luk hemi raetem 12:37

Olketa wakaman ya olketa hapi tumas taem bikman blong olketa hemi kambaek an lukim dat olketa redi finis weitem hem. Mi talem yufala tru samting nao, bae bikman blong olketa hemi talem olketa fo sidaon fastaem, an bae hemi putum redi kaleko blong hem an gohed fo mekem kaikai fo olketa nao.