1 Kings 2:25 - Pijin Bible

²⁵ So King Solomon talem Benaea fo kilim Adonaeja dae. So Adonaeja hemi dae nao.

Pijin Deuterocanon

²⁵ So King Solomon talem Benaea fo kilim Adonaeja dae. So Adonaeja hemi dae nao.

1 Kings 2:25 ပူးပေါင်းရင်းမြစ်များ

2 Samuel 1:15

!Yu nomoa yu tokagensim yu seleva! Rong blong yu seleva nomoa bae hemi mekem yu dae, bikos yu talemaot dat yu bin kilim dae king wea Yawe hemi siusim.” Nao hemi kolem kam wanfala soldia blong hem, an hemi tok olsem long hem, “!Yu kilim dae man ya!” So disfala soldia hemi kilim hem dae.

2 Samuel 12:10

Long wei wea yu go tekem woman ya, yu spoelem mi. Dastawe oltaem samfala long olketa wea i bon kam long laen blong yu, bae i dae long faet.

2 Samuel 4:12

So hemi talem olketa soldia blong hem fo kilim tufala dae. Olketa kilim tufala dae, den olketa katemaot han an lek blong tufala, an hangem bodi blong tufala antap kolsap long raonwata long Hebron. Bat olketa tekem go hed blong King Isboset, an berem long ples wea olketa bin berem Abna long hem.

2 Samuel 8:18

Benaea, san blong Jehoeada, hemi komanda long olketa sekiuriti hu i olketa man blong Keret an Pelet. An olketa san blong Deved i olketa prist.

1 Kings 2:29

King Solomon hemi herem dat Joab hemi ranawe go long Tambu Haostent an hemi stap long olta, so hemi tok olsem long Benaea, “Yu go kilim hem dae.”

1 Kings 2:31

Den king hemi tok olsem long hem, “Yu go. Yu duim olsem hemi talem. Yu kilim hem dae an berem hem, mekem mi an laen blong dadi blong mi i no fit fo panis long wanem hemi bin duim taem hemi kilim dae nating tufala man.

1 Kings 2:34

So Benaea hemi go kilim Joab dae, an olketa go berem hem long hom blong hem long drae eria.

1 Kings 2:46

Den king hemi talem Benaea fo kilim Simei, an Benaea hemi go kilim hem dae. So paoa blong Solomon fo rul olsem king hemi barava strong tumas finis.

Jajis 15:12

Nao olketa tok olsem long hem, “Mifala kam fo taemapem yu fo tekem yu go long olketa.” So hemi tok olsem long olketa, “Oraet, bat fastaem yufala mas mekem wanfala strong promis long mi, sei bae yufala no kilim mi dae.”

1 Samuel 15:33

Bat Samuel hemi tok olsem, “Naef fo faet blong yu hemi mekem plande mami fo lusim olketa pikinini, oraet, mami blong yu tu bae hemi lusim pikinini blong hem.” Nao long frant long olta long Gilgal, hemi ka-katem bodi blong king Agag long olketa smolfala pisis.