1 Kings 2:1 - Pijin Bible

¹ Taem Deved hemi kolsap dae, hemi talem las toktok blong hem long san blong hem, Solomon. Hemi tok olsem,

Pijin Deuterocanon

¹ Taem Deved hemi kolsap dae, hemi talem las toktok blong hem long san blong hem, Solomon. Hemi tok olsem,

1 Kings 2:1 ပူးပေါင်းရင်းမြစ်များ

Jenesis 47:29

An taem hemi save dat hemi kolsap taem blong hem fo dae, hemi kolem pikinini blong hem ya Josef fo kam an lukim hem. Nao hemi tok olsem long hem, “Yu kam. Sapos yu barava lavem mi, yu putum kam han blong yu andanit long lek blong mi, an yu mekem promis long mi, sei bae yu no berem mi long hia long Ijip.

2 Samuel 7:12

Taem yu dae an olketa berem yu wetem olketa olfala grani blong yu, bae mi mekem wanfala pikinini blong yu fo kamap king. An bae mi mekem kingdom blong hem fo kamap strong.

1 Kings 1:53

Den hemi sendem go samfala man fo go long olta ya, mekem olketa tekem kam Adonaeja long hem. Taem Adonaeja hemi kam, hemi baodaon long frant long King Solomon. An king hemi tok olsem long hem, “Yu mas go hom.”

1 Kronikols 22:6

King Deved hemi kolem kam Solomon, an hemi talem hem fo wakem wanfala Tambuhaos blong Yawe hu hemi God blong Israel.

Diutronomi 3:28

Bat mi laekem yu fo toktok gudfala long Josua, an yu mas mekem tingting blong hem fo strong, bikos hem nao bae hemi lidim olketa pipol fo katkros long Jodan Riva fo tekova long olketa lan wea bae yu lukim.’

Diutronomi 31:14

Yawe hemi tok olsem long Mosis, “Distaem, taem blong yu fo dae hemi kolsap nao. Kolem kam Josua, an tekem hem kam long Tambu Haostent blong mi. Den bae mi mekem hem fo kamap lida blong Israel.” So Mosis an Josua tufala go long Tambu Haostent.

Diutronomi 31:23

Nao Yawe hemi tok olsem long Josua, “Tingting blong yu mas strong, an yu mas stanap strong olowe. Yu nao bae yu lidim pipol blong Israel go long lan wea mi promis finis fo givim long yufala. An mi nao bae mi stap wetem yu.”

Diutronomi 33:1

Mosis, hemi man blong God, an kolsap long taem wea hemi dae, hemi talemaot wanfala blesing long pipol blong Israel. Toktok wea hemi talemaot hemi olsem,

1 Timoti 1:18

Yu Timoti san blong mi, olketa toktok wea mi talem go long yu, olketa falom nomoa olketa toktok wea olketa profet i bin talemaot abaotem yu finis. Yu mas letem olketa toktok ya fo helpem yu fo faet agensim olketa ravis wei blong wol.

1 Timoti 6:13

Long ae blong God hu hemi save givim laef long evrisamting, an long ae blong Jisas Kraes hu hemi bin talemaot barava strongfala biliv blong hem long taem Pontias Paelat hemi jajem hem, mi tokstrong long yu.

2 Timoti 4:1

Nao mi talemaot disfala toktok long yu, long ae blong God an blong Jisas Kraes hu bae hemi jajem olketa hu i laef yet an olketa hu i dae finis. Bikos Kraes bae hemi kambaek moa fo stap rul olsem King olowe, mi talem strong long yu,

2 Timoti 4:6

Taem blong mi fo dae hemi kam kolsap nao. An laef blong mi hemi olsem nao waen wea olketa kapsaetem antap long olta fo mekem sakrifaes long hem.