1 Kings 19:4 - Pijin Bible

⁴ Oraet, hemi wakabaot fo wanfala ful de go long drae eria. Hemi lukim wanfala smolfala tri, an hemi go sidaon long sado blong hem. An hemi prea olsem, “!Inaf nao! Lod Yawe, yu mas tekemaot laef blong mi. Hemi moabeta fo mi dae olsem olketa olo blong mi nomoa.”

Pijin Deuterocanon

⁴ Oraet, hemi wakabaot fo wanfala ful de go long drae eria. Hemi lukim wanfala smolfala tri, an hemi go sidaon long sado blong hem. An hemi prea olsem, “!Inaf nao! Lod Yawe, yu mas tekemaot laef blong mi. Hemi moabeta fo mi dae olsem olketa olo blong mi nomoa.”

1 Kings 19:4 ပူးပေါင်းရင်းမြစ်များ

1 Kings 13:14

an hemi raed go falom hem. Go-go hemi faendem hem wea hemi sidaon andanit long wanfala ok tri. An hemi askem hem olsem, “?Yu nao man blong God from Jiuda?” An hemi sei, “Ya.”

1 Kings 19:3

Den Elaeja hemi fraet tumas, so hemi ranawe fo sevem laef blong hem. Hemi tekem wakaman blong hem, an tufala go long saot long Jiuda. Nao hemi letem wakaman ya fo stap long taon long Beereseba.

1 Kings 19:5

Den hemi leidaon andanit long tri ya, an hemi slip. An taem hemi slip, seknomoa, wanfala enjel hemi tasim hem an hemi tok olsem, “Yu getap, an yu kaikai.”

2 Kings 2:11

Tufala gohed fo wakabaot an toktok. Den wanfala faea hemi kam wea hemi luk olsem kaat fo faet wea olketa hos i pulum. Hemi gopas long midol long tufala, an semtaem nomoa, strongfala win i kam tekem Profet Elaeja goap long heven.

Stori abaotem Job 6:8

?Waswe nao God hemi no save givim kam samting wea mi askem? ?Waswe nao hemi no save ansarem kam prea blong mi?

Stori abaotem Job 6:9

Mi laekem hem fo kilim mi dae. Mi laekem hem fo katemaot laef blong mi.

Jeremaea 20:9

Sapos mi ting olsem, “Distaem bae mi fogetem Yawe. Bae mi no talemaot profesi moa long nem blong hem.” Bat taem mi ting olsem, hemi olsem faea hemi bone insaet long mi, an hemi fil olsem evri bon blong mi hemi bone. Mi traem fo holem hem insaet, bat mi no save duim.

Emos 6:2

Sapos yufala go lukim fastaem taon long Kalne an bikfala taon long Hamat, an go lukim tu bikfala taon long Gat long Filistia. Bae yufala save lukim dat no eniwan long olketa hemi strong moa o bik moa winim yufala long Israel an Jiuda.

Jona 4:3

Bat Yawe, letem mi dae. ?Fo wanem nomoa mi laef? Hemi moabeta fo mi dae nomoa.”

Jona 4:8

An long taem wea san hemi kamap, God hemi mekem ist win fo blou wea hemi barava hot fogud. An hot san ya hemi saen daon long hed blong Jona, mekem hemi wik fogud. Nao hemi tok olsem, “?Fo wanem nomoa mi laef? Hemi moabeta fo mi dae nomoa.”

Neiham 3:8

(Profet) !Olketa blong Nineve! ?Waswe, yufala tingse paoa blong yufala hemi strong moa winim taon long Tebes, wea hemi kapitol blong Ijip bifoa? Nael Riva nao hemi bin go raonem bikfala taon ya, an gadem gudfala olsem bikfala wolston, mekem olketa enemi no save spoelem.

Nambas 11:15

Sapos yu laek fo duim olsem long mi, hemi moabeta fo yu kilim mi dae, an bae mi no save filnogud.”

Matiu 6:26

Yufala tingting fastaem long olketa bed wea olketa flae olobaot ya. Olketa nating wari fo wakem eni gaden o fo tekem kaikai kam from gaden fo hipimap long eni haos tu. Bat nomata olsem, Dadi blong yufala long heven, hemi fidim olketa bed ya. Bat yufala ya, yufala nao bik samting long ae blong God winim olketa bed ya.

Gudnius abaotem Jisas Kraes wea Jon hemi raetem 4:6

Wanfala wel wea Jekob hemi bin digim, hemi stap yet long ples ya, so Jisas hemi go an sidaon long saet long disfala wel ya, bikos hemi taet tumas from hemi wakabaot kam. Long taem ya, hemi kasem samting olsem midol long de nao ya.

Leta wea Pol hemi raetem go long sios long Rom 3:9

?So wanem nao yumi save talem? ?Waswe, yumi olketa Jiu nao yumi gudfala moa winim olketa nara pipol? !Nomoa ya! Mi talemaot finis nao wea olketa Jiu an olketa pipol hu i no Jiu, tingting fo duim enikaen ravis samting hemi bosim evriwan.