1 Kings 18:22 - Pijin Bible

²² Nao hemi tok moa olsem, “Baal hemi garem 450 profet, bat mi nomoa mi stap long olketa profet blong Yawe.

Pijin Deuterocanon

²² Nao hemi tok moa olsem, “Baal hemi garem 450 profet, bat mi nomoa mi stap long olketa profet blong Yawe.

1 Kings 18:22 ပူးပေါင်းရင်းမြစ်များ

1 Kings 18:23

Yufala tekem kam tufala man buluka. An olketa profet blong Baal bae i tekem wanfala an kilim hem dae, an katem long smolfala pisis an putum long faeawud ya, bat olketa mas no mekem faea long hem. An mi tu bae mi duim semsamting long narawan.

1 Kings 19:10

An hemi ansa olsem, “Lod Yawe, yu garem evri paoa. Oltaem nomoa mi barava tinghevi tumas long yu. Bat pipol blong Israel i les long spesol agrimen blong yu. Olketa bin brekemdaon olketa olta blong yu, an olketa bin kilim dae olketa profet blong yu. Mi nomoa mi stap an olketa traehad fo kilim mi dae tu.”

1 Kings 19:14

An hemi ansa olsem, “Lod Yawe, yu garem evri paoa. Oltaem nomoa mi barava tinghevi tumas long yu. Bat pipol blong Israel i les long spesol agrimen blong yu. Olketa bin brekemdaon olketa olta blong yu, an olketa bin kilim dae olketa profet blong yu. Mi nomoa mi stap an olketa traehad fo kilim mi dae tu.”

1 Kings 20:13

Bat long semtaem, wanfala profet hemi go lukim King Ehab, an hemi tok olsem, “Yawe hemi sei, ‘Olketa soldia ya i plande tumas, bat yu no wari bikos tude bae mi mekem yufala fo winim olketa, an bae yufala save dat mi nao mi Yawe.’”

1 Kings 20:32

So olketa werem olketa ravis kaleko nomoa, an olketa taemapem olketa rop raonem nek blong olketa, an olketa go lukim King Ehab. Den olketa tok olsem long hem, “King Ben-Hadad hemi wakaman blong yu nomoa. An hemi askem yu fo no kilim hem dae.” An King Ehab hemi tok olsem, “?Waswe, hemi stap laef yet? Hem olsem brata blong mi.”

1 Kings 20:35

Long datfala taem, Mesij blong Yawe hemi kam long wanfala profet hu hemi memba long wanfala grup blong olketa profet. From disfala mesij, hemi sei long narafala profet, “Yu mas hitim mi mekem mi garekil.” Bat taem hemi talem long wanfala man, man ya hemi les fo duim.

1 Kings 20:38

Oraet, profet ya hemi putum bandes long fes blong hem, mekem pipol i no luksave long hem. An hemi go stanap long rod, an weit long taem King Ehab hemi kam pas.

Leta wea Pol hemi raetem go long sios long Rom 11:3

“Masta, olketa kilim dae olketa profet blong yu, an olketa bin brekemdaon olketa olta blong yu. Mi nomoa mi stap an olketa traehad fo kilim mi dae tu.”