1 Kings 15:20 - Pijin Bible

²⁰ So King Ben-Hadad hemi agri long toktok blong King Asa. Den hemi sendem olketa komanda blong hem wetem ami blong hem fo go faetem olketa taon blong Israel long not. An olketa winim trifala taon long Ijon, an Dan, an Abel-Bet-Maaka, an olketa ples kolsap long Leik Galili, an olketa ples long distrik blong Naftali.

Pijin Deuterocanon

²⁰ So King Ben-Hadad hemi agri long toktok blong King Asa. Den hemi sendem olketa komanda blong hem wetem ami blong hem fo go faetem olketa taon blong Israel long not. An olketa winim trifala taon long Ijon, an Dan, an Abel-Bet-Maaka, an olketa ples kolsap long Leik Galili, an olketa ples long distrik blong Naftali.

1 Kings 15:20 ပူးပေါင်းရင်းမြစ်များ

Jenesis 14:14

Ebram hemi herem nius wea fofala king ya i bin holem finis Lot an tekem hem go, so hemi kolem olketa man fo faet long ples ya fo kam tugeta, an mekredi fo go faet. Olketa ya, i kasem 318. Nao olketa goaot bihaen long olketa fofala king ya, go-go kasem taon wea olketa kolem Dan wea hemi stap farawe tumas long not.

1 Kings 12:29

Nao hemi putum wanfala tambu kaving long taon long Betel, an narawan long taon long Dan.

1 Kings 20:1

King Ben-Hadad long Siria hemi kolem olketa soldia blong hem fo kam tugeta. An teti-tu narafala king wetem olketa ami blong olketa i kam fo helpem hem. Olketa kam wetem olketa hos an kaat fo faet blong olketa. So olketa go long Samaria, an hipap raonem taon ya fo faetem olketa.

1 Kings 20:34

Den King Ben-Hadad hemi tok olsem long hem, “Olketa taon wea dadi blong mi i bin tekemaot from dadi blong yu bifoa, bae mi givim olketa evriwan gobaek long yu. An bae yu save mekem wanfala maket long Damaskas fo mekem olketa bisnis blong yu, olsem wea dadi blong mi i bin mekem long Samaria bifoa.” An King Ehab hemi tok olsem long hem, “Bikos yu agri fo duim olsem, distaem mi letem yu go fri.” So tufala mekem agrimen, an hemi letem hem go fri.

2 Kings 15:29

Long datfala taem, King Tiglat-Pilesa blong Asiria hemi kam fo faet long Israel. Hemi winim olketa taon long Ijon, an Abel-Bet-Maaka, an Janoa, an Kedes, an Hasoa, an olketa vilij blong tufala eria blong Gilead an Galili, an long distrik long Naftali. Hemi tekova long olketa ples ya, an hemi fosim olketa pipol fo go long Asiria.

Josua 11:2

Hemi sendem go toktok tu long olketa paramaon sif wea i stap long olketa taon long hil long saet long not, an long olketa paramaon sif wea i stap long olketa taon long vali long Jodan Riva wea hemi stap long saot kolsap long Leik Galili. Hemi sendem go toktok tu long olketa paramaon sif long olketa smolfala hil long west saet, an long olketa paramaon sif wea i stap kam long daon long saet si kolsap long taon long Doa.

Josua 12:3

Spialaen blong hem long west hemi stat long not long Leik Galili an hemi ka-kam long vali long Jodan Riva go kasem Ded Si long saot. An taon long Bet-Jesimot an maonten long Pisga i insaet long eria blong Sihon.

Josua 19:39

Hem nao olketa taon an olketa vilij wea olketa laen long traeb blong Naftali i onam.

Jajis 18:29

So olketa sensim nem blong Laeis mekem olketa kolem hem Dan, wea hemi nem blong grani blong olketa hu hemi san blong Jekob.