1 Kings 13:5 - Pijin Bible

⁵ An semtaem nomoa, olta ya hemi brek an asis blong hem hemi foldaon go long graon, barava olsem Mesij blong Yawe wea man ya hemi jes talem.

Pijin Deuterocanon

⁵ An semtaem nomoa, olta ya hemi brek an asis blong hem hemi foldaon go long graon, barava olsem Mesij blong Yawe wea man ya hemi jes talem.

1 Kings 13:5 ပူးပေါင်းရင်းမြစ်များ

1 Kings 13:3

Den man blong God hemi talemaot wanfala saen, “Saen fo somaot dat toktok ya hemi blong Yawe, hemi olsem: Disfala olta bae hemi brek, an asis long hem bae i foldaon go long graon.”

1 Kings 13:4

Taem King Jeroboam hemi herem man blong God tokagensim olta ya, hemi apem han blong hem an hemi poen go long man ya. Den hemi tok olsem, “!Holem man ya!” Bat seknomoa, han blong hem hemi dae, an hemi had fo benem moa.

1 Kings 13:6

Nao king hemi tok long man blong God olsem, “Plis, yu prea go long Yawe, God blong yu, fo mekem han blong mi gudbaek moa.” So man ya hemi prea go long Yawe, an han blong king hemi gudbaek moa.

1 Kings 17:16

Flaoa hemi no finis from kontena, an oel hemi no finis from botol, barava olsem Mesij blong Yawe wea Elaeja hemi talem.

1 Kings 22:28

Den Maekaea hemi tokaot olsem, “Sapos yu kambaek an yu oraet nomoa, hem nao hemi minim dat Yawe hemi no talem toktok ya long mi.” An hemi tokaot moa olsem, “!Yufala evriwan mas herem nao wanem mi bin talem!”

1 Kings 22:35

Bat faet ya hemi gohed strong, an olketa holem king ya fo stanap stret insaet long kaat fo faet, an hemi fesim go olketa soldia blong Siria. An blad blong hem hemi gohed fo ran godaon, an kavaremap botom blong kaat, an long datfala ivining hemi dae.

Emos 3:14

Long datfala De wea bae mi panisim olketa from evri sin blong olketa, bae mi spoelem finis tu olketa olta long Betel. Olketa fofala hon tu long evri olta bae i brek an foldaon long graon. Ya, bae mi spoelem evri ples fo haed long hem.

Gudnius abaotem Jisas Kraes wea Mak hemi raetem 16:20

Nao bihaen nomoa, olketa disaepol olketa goaot nao, an olketa gohed fo talemaot Gudnius ya long evri ples. An Masta hemi helpem olketa, an hemi somaot dat wanem olketa tokabaotem ya hemi tru, bikos long semtaem, olketa save mekem plande mirakol long paoa blong hem.

Diutronomi 18:22

Wei fo save long diskaen samting hemi olsem, sapos wanfala profet hemi toktok long nem blong Yawe, bat olketa samting wea hem bin talem i no hapen, hem nao hemi somaot dat toktok ya hemi no blong Yawe. Profet ya hemi bin toktok nating nomoa, so yufala mas no fraet long hem.’”