1 Kings 12:31 - Pijin Bible

³¹ King Jeroboam hemi bildim olketa tambuples antap long olketa hil, an hemi siusim olketa man wea i no long traeb blong Livae an mekem olketa fo kamap prist.

Pijin Deuterocanon

³¹ King Jeroboam hemi bildim olketa tambuples antap long olketa hil, an hemi siusim olketa man wea i no long traeb blong Livae an mekem olketa fo kamap prist.

1 Kings 12:31 ပူးပေါင်းရင်းမြစ်များ

1 Kings 13:24

Nao taem hemi wakabaot go, wanfala laeon hemi lukim hem, an hemi kilim hem dae. So hemi foldaon long rod, an laeon wetem dongki ya, tufala gohed fo stanap long saet long hem.

1 Kings 14:23

Olketa mekem olketa tambuples long antap long olketa hil, an long andanit long olketa bikfala tri. Olketa stanemap tu olketa tambu ston, an wakem olketa tambu kaving blong disfala woman god Astarot.

2 Kings 17:28

So wanfala prist wea olketa bin tekemaot from Samaria, hemi gobaek moa. Hemi stap long Betel, an hemi gohed fo tisim olketa ya long wei fo wosipim Yawe.

2 Kings 17:29

Nomata olsem, olketa pipol blong olketa deferen ples wea i stap long olketa taon long Samaria, olketa gohed yet fo wakem olketa tambu kaving blong olketa god blong olketa seleva. Olketa stanemap olketa tambu kaving ya long olketa tambuples wea olketa pipol blong Israel i bin wakem fastaem.

2 Kings 17:32

Olketa pipol ya i wosipim Yawe, bat olketa siusim enikaen man nomoa fo kamap prist. Olketa prist ya i lidim wosip long olketa deferen tambuples.

2 Kronikols 13:9

Bat yufala no garem eni barava prist. Yufala bin raosim olketa prist blong Yawe hu i long laen blong Eron, an yufala raosim olketa Livaet tu. Nao yufala bin mektambu long olketa prist blong yufala seleva olsem olketa hiden man i gohed fo duim. Sapos eniwan hemi tekem kam eni man buluka o sevenfala sipsip fo mekem sakrifaes, bae yufala save mektambu long hem fo kamap prist blong olketa god wea i samting nating nomoa.

Esikiel 16:25

Long saet long evri rod, yu bildim ples fo duim waka blong yu olsem juri. Nomata mi mekem yu luknaes tumas, bat yu spoelem yu seleva nomoa long wei wea yu gohed fo openem tufala lek blong yu fo evri man hu i gopas falom rod, fo kam an slip wetem yu.

Hosia 12:11

Nomata mi duim olketa samting, bat plande long yufala long Gilead long ist i wosipim yet olketa narafala god. !Olketa god ya i samting nating nomoa! Oltaem nomoa, yufala long Gilgal long west i sakrifaesim olketa man buluka. !Olketa olta blong yufala ya i yusles nomoa olsem olketa hip ston wea yufala kliarem from gaden!”

Emos 7:10

(Profet) Amasaea hu hemi prist long Betel, hemi sendem ripot abaotem mi go long King Jeroboam hu hemi king long Israel. Ripot ya hemi olsem, ?Disfala Emos hemi gohed fo mekem olketa pipol i kam tugeta wetem hem fo mekem plan agensim yu. Olketa toktok blong hem, bae hemi barava spoelem disfala kantri blong yumi.

Nambas 3:10

Yu mas makem Eron wetem tufala san blong hem nomoa fo duim waka blong prist. Bat sapos eni narafala man hemi kam insaet long tambuples, yufala mas kilim hem dae.”

Diutronomi 24:15

Evri de, bifoa san hemi godaon, yufala mas peim hem long waka blong hem, bikos man ya hemi pua tumas an hemi nidim seleni. Sapos yufala no peim hem, bae hemi go komplen long Yawe, an bae yufala fitim fo garem panis long disfala rong samting.