1 Kings 11:29 - Pijin Bible

²⁹ Nao long wanfala de, Jeroboam hemi goaot from Jerusalem, an Profet Ahaeja blong Saelo hemi faendem hem long rod long open ples aotsaet long taon. An Profet ya hemi jes werem wanfala niufala kaleko.

Pijin Deuterocanon

²⁹ Nao long wanfala de, Jeroboam hemi goaot from Jerusalem, an Profet Ahaeja blong Saelo hemi faendem hem long rod long open ples aotsaet long taon. An Profet ya hemi jes werem wanfala niufala kaleko.

1 Kings 11:29 ပူးပေါင်းရင်းမြစ်များ

Jenesis 4:8

Nao wanfala de, Kein hemi tok olsem long brata blong hem, “Yumitufala go long gaden.” Nao taem tufala stap long gaden, Kein hemi agensim brata blong hem ya an hemi kilim dae nao.

2 Samuel 14:6

Mi garem tufala pikinini boe. Wanfala de, tufala ya go long gaden, an tufala raoa go-go tufala faet. An bikos no eni man hemi stap fo stopem tufala, wanfala hemi kilim dae narawan.

1 Kings 11:11

God hemi sei long Solomon, “Bikos yu garem ravis tingting an yu brekem agrimen blong yumitufala, an yu no obeim toktok blong mi, oraet, bae mi tekemaot raet blong laen blong yu fo king long Israel, an bae mi givim go disfala raet ya long wanfala bikman blong yu.

1 Kings 12:15

So Rehoboam hemi no lisin long toktok blong olketa. Hemi olsem bikos Yawe hemi laek fo mekem toktok blong hem fo kam tru, disfala toktok wea Profet Ahaeja blong Saelo hemi bin talem long Jeroboam.

1 Kings 12:2

Long taem Jeroboam, san blong Nebat, hemi herem nius abaotem King Rehoboam, hemi stap yet long Ijip. Bifoa, hemi bin ranawe go long dea bikos hemi fraetem King Solomon.

1 Kings 14:2

So king hemi tok olsem long waef blong hem. “Yu werem deferen kaen kaleko, mekem no eniwan save dat yu waef blong King Jeroboam. Den yu go long Saelo fo lukim Profet Ahaeja long dea. Hem nao profet hu hemi talem mi bifoa olsem bae mi kamap king blong Israel.

1 Kings 14:4

So woman ya hemi duim olsem wea hemi talem. Hemi go long haos blong Ahaeja long Saelo. Nao profet ya hemi olfala tumas, an ae blong hem hemi blaen finis.

2 Kronikols 10:15

So Rehoboam hemi no lisin long toktok blong olketa. Hemi olsem bikos Yawe hemi wande mekem toktok blong hem fo kam tru, disfala toktok wea Profet Ahaeja blong Saelo hemi bin talem long Jeroboam.

2 Kronikols 9:29

Olketa narafala samting wea King Solomon hemi duim, from taem wea hemi stat fo rul kam kasem en blong hem, olketa raetemdaon long trifala buk wea olketa kolem, Rekod blong Profet Natan, an Olketa Toktok blong Profet Ahaeja hu hemi man blong Saelo, an Olketa Spesol drim blong Profet Ido abaotem King Jeroboam long Israel.

Josua 18:1

Bihaen long taem wea pipol blong Israel i winim faet long olketa enemi long lan, olketa kam tugeta long Saelo an putumap Tambu Haostent blong Yawe long ples ya.