1 Kings 11:22 - Pijin Bible

²² Den king hemi tok olsem, “?Waswe nao yu wande gobaek? ?Waswe, yu nidim enisamting wea yu no garem long hia?” Nao hemi ansa olsem, “Mi laek fo go hom nomoa.”

Pijin Deuterocanon

²² Den king hemi tok olsem, “?Waswe nao yu wande gobaek? ?Waswe, yu nidim enisamting wea yu no garem long hia?” Nao hemi ansa olsem, “Mi laek fo go hom nomoa.”

1 Kings 11:22 ပူးပေါင်းရင်းမြစ်များ

1 Kings 11:21

Taem nius hemi kasem Hadad long Ijip olsem King Deved wetem Komanda Joab, tufala dae finis, hemi go askem king olsem, “Plis, yu letem mi gobaek long kantri blong mi.”

1 Kings 11:23

Nao God hemi mekem King Reson long Siria fo agensim King Solomon tu. Reson hemi san blong Eliada, an bifoa hemi bikman blong King Hadadesa long Soba, bat hemi bin ranawe from hem.

Sams 37:8

Yu no kros, an yu no wari, tufala samting ya i wei fo mekem trabol hemi kasem yu nomoa ya.

Provebs 27:8

Man hemi stap farawe long hom, hemi olsem bed wea hemi lusim ples blong hem.

Jeremaea 2:31

!Lisin kam gudfala long Mesij blong mi Yawe, yufala pipol blong Israel! ?Waswe, mi bin lusim yufala enitaem, mekem hemi olsem yufala stap long drae eria, o mekem hemi olsem yufala stap long ples fo dae? !Nomoa nao! ?So waswe nao yufala pipol blong mi i talem dat yufala i fri nomoa fo duim enisamting wea yufala laekem, an wea yufala no laek fo falom mi?

Gudnius abaotem Jisas Kraes wea Mak hemi raetem 14:31

Nao Pita hemi tokstrong moa olsem, “!Nomoa ya, nomata olketa kilim mi dae wetem yu, bae mi no save sei mi no save long yu!” An evri disaepol olketa talem semsamting tu.

Gudnius abaotem Jisas Kraes wea Luk hemi raetem 22:35

An Jisas hemi sei moa, “Lastaem, taem mi sendem yufala fo goaot, mi stopem yufala fo no tekem eni paos an basket an sandol. ?Waswe, yufala sot long enisamting?” Nao olketa sei, “Nomoa ya.”