1 Kings 10:21 - Pijin Bible

²¹ An evri kap blong King Solomon, olketa wakem long gol. An evri narafala samting wea olketa yusim long disfala Haos long Olketa Tri blong Lebanon, olketa wakem long gol nomoa. Olketa no yusim silva fo wakem olketa samting ya bikos long taem blong Solomon, olketa tingse silva hemi samting nating nomoa.

Pijin Deuterocanon

²¹ An evri kap blong King Solomon, olketa wakem long gol. An evri narafala samting wea olketa yusim long disfala Haos long Olketa Tri blong Lebanon, olketa wakem long gol nomoa. Olketa no yusim silva fo wakem olketa samting ya bikos long taem blong Solomon, olketa tingse silva hemi samting nating nomoa.

1 Kings 10:21 ပူးပေါင်းရင်းမြစ်များ

1 Kings 10:17

An hemi yusim gol fo wakem 300 smolfala sil. Hevi blong wanfala hemi kolsap kasem tu kilo. Hemi putum olketa sil ya insaet long Haos long Olketa Tri blong Lebanon.

1 Kings 10:22

An King Solomon hemi garem plande bikfala kago sip wea i waka tugeta wetem olketa kago sip blong King Haeram. Nao evri trifala yia, olketa sip ya i kambaek wetem gol, an silva, an bikfala tit blong elifan, an olketa animol olsem enikaen mangki.

1 Kings 7:2

Hemi bildim wanfala haos wea olketa kolem “Haos long Olketa Tri blong Lebanon”. Olketa givim nem ya long hem bikos hemi bildim long olketa sida tri from Lebanon. Long blong haos ya hemi kasem foti-faev mita, an waed blong hem hemi kasem tuenti-tu an haf mita, an hae blong hem hemi kasem tetin an haf mita. Haos ya hemi garem fofala laen blong olketa bikfala pos blong sida. Evri laen blong pos hemi garem fiftin pos long hem. Antap long olketa pos, olketa putum foti-faev bikfala timba blong sida. An antap long olketa bikfala timba ya olketa wakem ruf long olketa timba blong sida.

Esta 1:7

An olketa kap wea olketa pipol i yusim fo dringim waen long hem, olketa wakem long gol, an olketa evriwan i deferen. An long taem ya, king hemi hapi tumas fo givim plande long spesol waen blong hem fo olketa pipol.

Stori abaotem Job 28:1

Ples fo maenem silva hemi stap, an olketa garem ples fo digimaot gol wea hemi kamap nambawan.

Sekaraea 9:3

Olketa pipol blong Taea bin wakem strongfala sefples, an i hipimap plande silva an gol long ples blong olketa. Olketa garem plande tumas olsem dast long olketa rod.

Diutronomi 17:17

An King ya hemi mas no garem plande waef, bikos sapos hemi tekem plande woman, bae olketa woman ya i tanem tingting blong hem, an mekem hemi no tinghevi long Yawe. An hemi mas no hipimap silva an gol fo kamap risman.