1 Kings 1:18 - Pijin Bible

¹⁸ Bat distaem Adonaeja hemi kamap king, bat yu no save long samting ya.

Pijin Deuterocanon

¹⁸ Bat distaem Adonaeja hemi kamap king, bat yu no save long samting ya.

1 Kings 1:18 ပူးပေါင်းရင်းမြစ်များ

2 Samuel 15:10

Bat wea, Absalom hemi talem samfala man fo gohaed an tekem toktok blong hem go long olketa traeb blong Israel. Mesij blong hem hemi olsem, “Taem yufala herem trampet, yufala mas singaot bikfala olsem, ‘!Absalom hemi kamap king long Hebron!’”

1 Kings 1:11

Den Profet Natan hemi go lukim Batseba, mami blong Solomon. Hemi sei olsem, “!Batseba! ?Ating yu herem o nomoa? Adonaeja, san blong Hagit, hemi kamap king. An King Deved hemi nating save long samting ya.

1 Kings 1:17

Den hemi ansa olsem, “Masta blong mi, yu bin mekem wanfala strongfala promis finis long mi, long nem blong Yawe hu hemi God blong yumi. Yu bin promis dat Solomon, pikinini blong yumitufala, bae hem nao sensim yu fo kamap king.

1 Kings 1:19

Hemi bin tekem plande buluka an sipsip wetem plande fatfala smol buluka, an hemi go mekem sakrifaes. An hemi kolem olketa pikinini blong yu, an Prist Abiata, an Komanda Joab, mekem olketa joenem kaikai blong sakrifaes ya. Bat hemi nating kolem Solomon fo go wetem olketa.

1 Kings 1:24

Den hemi tok olsem, “Masta blong mi, yu nao yu king. ?Waswe, yu bin talem dat Adonaeja bae hemi sensim yu fo kamap king an sidaon long tron blong yu?

1 Kings 1:27

Masta blong mi, mifala ya olketa wakaman blong yu nao. Nogud yu king, yu agri finis long samting ya, bat yu nating talem mifala hu nao bae hemi sensim yu fo kamap king.”

1 Kings 1:5

Adonaeja hemi san blong King Deved, an mami blong hem hemi Hagit. Hemi bon bihaen long Absalom, an hemi luknaes fogud. Bat hemi bikhed tumas, bikos dadi blong hem hemi no tokstrong long hem fo stretem hem. Nao hemi laek fo kamap king an hemi sei, “Bae mi kamap king.” So hemi redim olketa kaat fo faet wetem olketa hos, an hemi tekem fifti man fo ran fastaem long hem fo gadem hem.

Aposol 3:17

“Olketa wantok, mi save dat yufala an olketa lida blong yufala tu, yufala no savegud wanem nao yufala duim long taem ya.