1 Kings 1:12 - Pijin Bible

¹² Sapos yu wande sevem laef blong yu an laef blong san blong yu Solomon,

Pijin Deuterocanon

¹² Sapos yu wande sevem laef blong yu an laef blong san blong yu Solomon,

1 Kings 1:12 ပူးပေါင်းရင်းမြစ်များ

Jenesis 19:17

Nao wanfala long tufala ya hemi tok olsem long olketa, “!Yufala ran kuiktaem! !Yufala no lukbaek long ples ya! Yufala ran go antap long hil ya, an yufala no res go-go yufala lusim flat ples ya long daon, an go antap long hil ya. Long wei ya nao bae yufala save laef. !Sapos nomoa, bae yufala dae ya!”

1 Kings 1:13

hemi gud fo yu go lukim king distaem. Yu mas tok olsem long hem, ‘Masta, king blong mi, yu bin mekem wanfala strongfala promis finis long mi olsem Solomon, pikinini blong yumitufala ya, bae hemi sensim yu an kamap king. ?So waswe nao Adonaeja hemi kamap king?’

1 Kings 1:21

Sapos yu no talem olketa distaem, taem yu dae, bae olketa panisim mitufala Solomon olsem olketa enemi blong king.”

2 Kings 11:1

Taem Kuin Atalaea, mami blong King Ahasaea long Jiuda hemi lukim dat san blong hem hemi dae, hemi stat fo kilim dae evriwan long laen blong king blong Jiuda.

2 Kronikols 21:4

Nao taem King Jehoram hemi rul strong ovam Jiuda, hemi kilim dae olketa brata blong hem, an hemi kilim dae tu samfala bikman blong Jiuda.

2 Kronikols 22:10

Taem Kuin Atalaea, mami blong King Ahasaea long Jiuda hemi lukim dat san blong hem hemi dae, hemi stat fo kilim dae evriwan long laen blong king blong Jiuda.

Provebs 11:14

No herem advaes, kantri bae foldaon, herem plande advaes, bae stanap strong.

Provebs 15:22

No eni advaes, bae plan gorong, plande advaes, bae plan gohed.

Provebs 20:18

Lisin long plande advaes taem yu mekem eni plan. Yu laek fo mekem woa, lukaotem gudfala tingting.

Provebs 27:9

Insens an naesfala oel save mekem yu hapi, bat fren hemi save mekem yu hapi moa.

Jeremaea 38:15

Jeremaea hemi tok olsem long hem, “King. Sapos mi talem olketa tru toktok nomoa long yu, bae yu kilim mi dae. ?Tru? An sapos mi givim olketa gudfala toktok long yu fo helpem yu, bae yu les fo lisin.”

Matiu 21:38

Bat taem olketa man hu olketa haerem plantesin ya olketa lukim hem, olketa tok olsem tugeta long olketa seleva nao, ‘Hem ya nao man hu bae hemi sensim dadi blong hem fo onam plantesin ya. Kam, yumi kilim hem dae, mekem plantesin ya hemi blong yumi nao.’

Aposol 27:31

Bat Pol hemi tok olsem long bikman blong ami an olketa soldia blong hem, “Sapos olketa kru ya no stap kuaet long sip, bae God hemi no sevem yufala ya.”

Jajis 9:5

Nao hemi go long ples blong dadi blong hem long Ofra. Oraet, antap long wanfala ston, hemi kilim dae seventi brata blong hem hu i san blong Jerub-Baal. Long datfala taem, Jotam hu hemi lasbon san blong Jerub-Baal nomoa hemi no dae bikos hemi haed.