1 Jon 5:8 - Pijin Bible

⁸ Trifala ya nao i Holi Spirit an wata an blad. An trifala evriwan i somaot semsamting nomoa.

Pijin Deuterocanon

⁸ Trifala ya nao i Holi Spirit an wata an blad. An trifala evriwan i somaot semsamting nomoa.

1 Jon 5:8 ပူးပေါင်းရင်းမြစ်များ

Matiu 28:19

So yufala mas go an mekem pipol long evri kantri long wol fo kamap disaepol blong mi. Yufala mas baptaesim olketa long nem blong Dadi an long nem blong San an long nem blong Holi Spirit.

Gudnius abaotem Jisas Kraes wea Mak hemi raetem 14:56

Plande man nao olketa stanap fo talem laea stori abaotem Jisas, bat toktok blong olketa nao hemi nating wankaen.

Gudnius abaotem Jisas Kraes wea Jon hemi raetem 15:26

“Holi Spirit wea hem nao fo helpem yufala, hemi stap wetem Dadi ya an bae mi sendem hem kam long yufala. Hemi save somaot evri tru samting an bae hemi kam talem yufala abaotem mi.

Gudnius abaotem Jisas Kraes wea Jon hemi raetem 19:34

Bat wanfala long olketa soldia ya, hemi pusum go wanfala spia long saet long bele blong Jisas, an long semtaem nomoa blad an wata ran kamaot long hem nao.

Aposol 15:15

An toktok blong olketa profet hemi barava stret wetem diswan tu, wea olketa raetem olsem,

Leta wea Pol hemi raetem go long sios long Rom 8:16

Holi Spirit nao hemi talem spirit blong yumi dat yumi pikinini blong God.

2 Korin 1:22

An hemi putum mak long yumi fo somaot dat yumi blong hem seleva. An mak ya nao hemi Holi Spirit hu hemi stap insaet long yumi. Hem nao somaot dat olketa promis blong hem, bae olketa kamtru long yumi.

Hibrus 13:12

Long sem wei tu, Jisas hemi safa an dae aotsaet long taon ya, mekem blad blong hem seleva hemi save mekem olketa pipol i kamap holi.

Hibrus 6:4

Nao olketa Kristin hu i tanem go baeksaet blong olketa long Kraes, hemi had tumas fo olketa tane kambaek long Kraes moa ya. Bikos fastaem, olketa save finis wea God hemi tru, an olketa tekem disfala presen wea God hemi givim kamdaon long heven, an Holi Spirit hemi stap long laef blong olketa finis.

1 Pita 3:21

An disfala wata hemi saen blong baptaes wea God hemi sevem yufala long hem distaem. Baptaes ya, hemi no fo wasimaot olketa doti long bodi blong yufala bat hemi fo som yufala mekem wanfala promis long God dat tingting blong yufala hemi stap tru long hem. An bikos Jisas Kraes hemi laefbaek moa, baptaes ya hemi garem paoa fo sevem yufala.

1 Jon 5:9

Yumi save bilivim nomoa wanem wanfala man hemi talemaot, bat wanem God hemi talemaot, hemi bikfala moa. God nao hemi talemaot finis toktok abaotem disfala San blong hem.