1 Jon 5:13 - Pijin Bible

¹³ Mi raetem olketa samting ya long yufala hu i biliv long San blong God, mekem yufala barava save dat yufala garem disfala tru laef wea hemi no save finis.

Pijin Deuterocanon

¹³ Mi raetem olketa samting ya long yufala hu i biliv long San blong God, mekem yufala barava save dat yufala garem disfala tru laef wea hemi no save finis.

1 Jon 5:13 ပူးပေါင်းရင်းမြစ်များ

Gudnius abaotem Jisas Kraes wea Jon hemi raetem 1:12

Bat nomata olsem, olketa pipol hu i hapi wetem hem an hu i biliv long hem, hemi mekem olketa kamap pikinini blong God.

Gudnius abaotem Jisas Kraes wea Jon hemi raetem 2:23

Taem Jisas hemi stap yet long Jerusalem long disfala Fist blong Pasova, plande pipol i biliv long hem bikos olketa lukim olketa mirakol wea hemi mekem ya.

Gudnius abaotem Jisas Kraes wea Jon hemi raetem 20:31

Bat olketa samting wea hemi stap ya, hemi fo mekem yufala biliv wea Jisas nao hemi disfala Mesaea an hem nao San Blong God. An sapos yufala biliv, bae yufala save garem tru laef long nem blong hem.

Gudnius abaotem Jisas Kraes wea Jon hemi raetem 21:24

Disfala disaepol ya nao hemi stori abaotem evrisamting ya an hem tu hemi raetem olketa samting insaet long disfala buk ya. An mifala save dat wanem hemi talem hemi tru nao.

Gudnius abaotem Jisas Kraes wea Jon hemi raetem 3:18

Eniwan hu hemi biliv long disfala San ya, God bae hemi no jajem hem. Bat eniwan hu hemi no biliv long hem, God hemi jajem hem finis nao. God hemi duim olsem, bikos man ya hemi no biliv long San blong hem wea hemi wanfala nomoa.

Gudnius abaotem Jisas Kraes wea Jon hemi raetem 5:24

“Mi talem yufala tru samting nao, sapos eniwan hemi herem an obeim evri toktok blong mi an hemi biliv long Dadi hu hemi sendem mi kam, man ya hemi garem tru laef wea hemi no save finis. Man olsem ya, bae olketa no jajem hem ya bikos hemi olsem man hu hemi dae finis bat hemi laefbaek moa.

Aposol 3:16

From mitufala biliv long nem blong Jisas, nem blong hem hemi givim strong long disfala man wea yufala lukim an save long hem finis. Disfala biliv wea hemi kamaot long nem blong Jisas, hemi mekem hem gudbaek finis olsem yufala evriwan i lukim.

Aposol 4:12

Jisas nomoa hemi save sevem yumi. Bikos God hemi no givim kam eni narawan moa long wol, wea hemi save sevem yumi.”

2 Korin 5:1

Yumi save dat taem disfala bodi blong yumi long wol hemi dae, bae yumi go stap long niu bodi wea God bae hemi givim long yumi long heven. God nao hemi mekem disfala niu bodi, an diswan hemi save stap evritaem olowe nomoa.

Galesia 4:6

An fo somaot dat yumi olketa pikinini blong hem tru, God hemi sendem kam Spirit blong San blong hem fo stap long laef blong yumi. An Spirit ya hemi singaot olsem, “!Oo Aba, Dadi blong mi!”

1 Pita 5:12

Saelas nao hemi helpem mi fo raetem disfala sot leta fo yufala. Hemi wanfala Kristin brata wea mi save trastem hem tumas. Long disfala leta mi wande strongim moa tingting blong yufala, an talem yufala abaotem barava kaenfala lav blong God. Hem nao yufala mas stanap strong long hem.

1 Jon 1:4

So mifala raetem disfala leta long yufala, fo mekem yumi barava hapi.

1 Jon 2:1

So olketa pikinini blong mi, mi raet go long yufala, mekem yufala no duim eni ravis samting. Bat sapos eniwan hemi duim eni ravis samting, bae Jisas Kraes save helpem hem. Bikos hem nao hemi barava stret, an hemi save tok go long Dadi blong yumi fo helpem yumi.

1 Jon 2:21

So taem mi raetem disfala leta, mi no tingim dat yufala no save long disfala tru toktok. Nomoa, mi raet go long yufala bikos yufala save finis long disfala tru toktok, an yufala save tu dat no eni laea hemi save kamaot long disfala tru toktok.

1 Jon 2:25

An wanem Kraes hemi promis fo givim kam long yumi, hem nao disfala tru laef wea hemi no save finis.

1 Jon 2:26

Mi raet go long yufala abaotem olketa pipol hu i traehad olowe fo konem yufala.

1 Jon 3:23

Lo blong hem hemi sei yumi mas biliv long San blong hem Jisas Kraes, an yumi mas lavem yumi evriwan olsem Kraes hemi talem finis.

1 Jon 4:9

God hemi somaot lav blong hem long wei olsem. Hemi sendem kam disfala wanfala barava San blong hem long wol mekem yumi save garem tru laef long hem.

1 Jon 5:10

So eniwan hu hemi biliv long San Blong God, hemi garem strongfala tingting abaotem disfala toktok. Bat eniwan hu hemi no biliv long God, hemi no bilivim disfala toktok wea God hemi talemaot abaotem San blong hem. Diskaen man hemi mekem God fo luk olsem man fo laea nao.

1 Jon 5:11

Nao wanem God hemi talemaot finis hemi olsem, God hemi givim yumi tru laef wea hemi no save finis, an disfala laef nao hemi long San blong hem.

1 Jon 5:20

An yumi save tu dat San blong God hemi bin kam long disfala wol fo givim gudfala save long yumi, mekem yumi save long tru God. An yumi stap joen wetem tru God taem yumi stap joen wetem San blong hem Jisas Kraes. God nao hemi tru an hem nao hemi givim yumi disfala tru laef wea hemi no save finis.