1 Jon 3:17 - Pijin Bible

¹⁷ Sapos wanfala man hu hemi garem plande samting hemi lukim nara man hu hemi sot long enisamting, bat hemi no laek fo helpem hem, oraet, man ya hemi no garem disfala lav blong God.

Pijin Deuterocanon

¹⁷ Sapos wanfala man hu hemi garem plande samting hemi lukim nara man hu hemi sot long enisamting, bat hemi no laek fo helpem hem, oraet, man ya hemi no garem disfala lav blong God.

1 Jon 3:17 ပူးပေါင်းရင်းမြစ်များ

Provebs 12:10

Gudfala man hemi lukaftarem olketa animol blong hem. Nogud man hemi mekem olketa safa.

Provebs 14:31

Man hemi mekful long puaman, hemi tingdaonem God hu hemi mekem man. Man hemi kaen long puaman, hemi tinghae long God.

Provebs 19:17

Taem yu kaen long puaman, Yawe hemi garem kaon long yu. Hem nao bae sensimbaek gudfala long yu.

Provebs 21:13

Yu no herem olketa pua pipol, no eniwan bae herem yu.

Provebs 28:9

Sapos yu les fo herem lo, Yawe bae les fo herem prea blong yu.

Gudnius abaotem Jisas Kraes wea Luk hemi raetem 3:11

Nao Jon hemi sei long olketa, “Eniwan long yufala hu hemi garem tufala kaleko, hemi mas givim wanfala fo man wea hemi no garem. An eniwan hu i garem kaikai, hemi mas searem wetem man hu hemi no garem eni kaikai.”

2 Korin 8:9

Yufala save finis long kaenfala lav blong Masta blong yumi Jisas Kraes. Nomata hemi ris tumas, hemi mekem hem seleva fo kamap pua fo helpem yufala. Hemi stap olsem pua man long wol, mekem yufala kamap ris.

Hibrus 13:16

An yufala mas no foget fo duim olketa gudfala waka an fo helpem olketa nara pipol, bikos olketa sakrifaes olsem nao, God hemi hapi long hem.

Jemes 2:15

Nao sapos wanfala Kristin fren hemi sot long kaleko an no garem inaf kaikai,

Jemes 2:16

an yufala sei long hem, “Yu no wari tumas, yu go faendem kaleko an kaikai.” ?Waswe, yufala tingse diskaen toktok nating ya hemi save helpem hem? Nomoa ya. Yufala mas givim olketa samting fo helpem hem nao.

1 Jon 4:20

Sapos eniwan hemi sei hemi lavem God, bat hemi heitem nara Kristin, man ya hemi laea. ?Sapos hemi no lavem nara Kristin wea hemi save lukim, hao nao hemi save lavem God hu hemi no save lukim?

1 Jon 5:1

Evriwan hu i biliv dat Jisas nao hemi disfala Kraes, olketa nao i bon kam olsem pikinini blong God. An evriwan hu i lavem Dadi blong yumi, olketa lavem olketa pikinini blong hem tu.