1 Jon 3:14 - Pijin Bible

¹⁴ Yumi ya, yumi save dat yumi lusim finis wei blong dae, an yumi kasem nao tru laef. Yumi save diswan bikos yumi lavem olketa nara Kristin. Bat eniwan hu hemi no lavem nara Kristin, hemi stap yet long wei blong dae.

Pijin Deuterocanon

¹⁴ Yumi ya, yumi save dat yumi lusim finis wei blong dae, an yumi kasem nao tru laef. Yumi save diswan bikos yumi lavem olketa nara Kristin. Bat eniwan hu hemi no lavem nara Kristin, hemi stap yet long wei blong dae.

1 Jon 3:14 ပူးပေါင်းရင်းမြစ်များ

Sams 16:3

Olketa pipol long wol wea i obeim yu nao i barava nambawan pipol. An mi laekem tumas fo stap wetem olketa.

Provebs 21:16

Man lusim rod fo kasem save, bae hem kasem ples blong man i dae.

Matiu 25:40

Long taem ya, mi disfala King ya, bae mi ansarem olketa olsem, ‘Mi talem yufala tru samting nao, taem yufala duim kam enisamting long eniwan long olketa brata o sista blong mi hu hemi lou tumas, yufala duim diswan long mi nao ya.’

Gudnius abaotem Jisas Kraes wea Luk hemi raetem 15:24

Bikos disfala san blong mi wea hemi lus from mi an wea hemi olsem hemi dae, distaem hemi kambaek an hemi olsem hemi laefbaek moa.’ So olketa gohed fo kaikai an fo hapi nao.

Gudnius abaotem Jisas Kraes wea Luk hemi raetem 15:32

Bat mifala mas mekem fist an mifala mas hapi, bikos brata blong yu ya hemi lus from yumi an hemi olsem hemi dae finis, bat distaem hemi kambaek an hemi olsem hemi laefbaek moa.’”

Gudnius abaotem Jisas Kraes wea Luk hemi raetem 7:5

Hemi barava lavem tumas olketa pipol blong yumi, an hem seleva hemi bin givim seleni fo bildim preahaos blong mifala ya.”

Gudnius abaotem Jisas Kraes wea Jon hemi raetem 13:35

Sapos yufala lavem yufala evriwan, bae evri pipol i luksave dat yufala nao olketa disaepol blong mi.”

Gudnius abaotem Jisas Kraes wea Jon hemi raetem 15:12

Jisas hemi tok olsem moa, “Lo blong mi nao hemi olsem, yufala mas lavem yufala evriwan olsem mi lavem yufala tu.

Gudnius abaotem Jisas Kraes wea Jon hemi raetem 15:17

So hem nao lo blong mi fo yufala ya, yufala mas lavem yufala evriwan.

Gudnius abaotem Jisas Kraes wea Jon hemi raetem 5:24

“Mi talem yufala tru samting nao, sapos eniwan hemi herem an obeim evri toktok blong mi an hemi biliv long Dadi hu hemi sendem mi kam, man ya hemi garem tru laef wea hemi no save finis. Man olsem ya, bae olketa no jajem hem ya bikos hemi olsem man hu hemi dae finis bat hemi laefbaek moa.

2 Korin 5:1

Yumi save dat taem disfala bodi blong yumi long wol hemi dae, bae yumi go stap long niu bodi wea God bae hemi givim long yumi long heven. God nao hemi mekem disfala niu bodi, an diswan hemi save stap evritaem olowe nomoa.

Galesia 5:22

Bat olketa gudfala wei blong Holi Spirit nao hemi mekem man fo lavem evriwan, an fo barava hapi, an fo garem piis, an fo stap wiling fo weit nomoa, an fo kaen long pipol, an fo somaot gudfala wei, an fo kipim promis olowe,

Efesas 1:15

From diswan nao, stat long taem mi herem dat yufala biliv long Masta blong yumi Jisas, an mi herem dat yufala lavem tumas olketa pipol blong God,

Efesas 2:1

Long bifoa, yufala bin stap dae nomoa bikos yufala no obeim God an yufala gohed fo sin.

Efesas 2:5

Bat nomata yumi stap dae from sin blong yumi, God hemi mekem yumi laefbaek moa taem hemi mekem Kraes fo laefbaek moa from dae. !Olketa! !Kaenfala lav blong God nao hemi sevem yufala!

Kolosi 1:4

Bikos mifala bin herem nius finis wea yufala biliv strong long Jisas Kraes an wea yufala lavem tumas evriwan long olketa pipol blong God.

1 Tesalonaeka 4:9

Bae mifala no raetem enisamting moa abaotem wei fo lavem olketa Kristin fren, bikos God hemi tisim yufala finis fo lavem yufala evriwan.

Hibrus 13:1

Yufala mas gohed nomoa fo lavem yufala evriwan olsem olketa brata an sista.

1 Pita 1:22

Bikos yufala bin obeim disfala tru toktok, yufala bin mekem laef blong yufala klin from sin, an yufala save lavem olketa Kristin. An distaem, yufala mas lavem yufala evriwan long ful maen blong yufala.

1 Pita 3:8

Nao las samting long disfala tingting hemi olsem, yufala evriwan mas wanmaen an mas sore long yufala evriwan. Yufala mas lavem yufala evriwan olsem olketa tru brata, an yufala mas kaen long yufala an yufala mas hambol wetem yufala evriwan.

2 Pita 1:7

An yufala mas kaen long olketa Kristin olsem olketa i brata blong yufala, an yufala mas lavem evriwan.

1 Jon 2:3

Sapos yumi obeim olketa lo blong God, hemi klia nomoa wea yumi savegud long hem finis.

1 Jon 3:23

Lo blong hem hemi sei yumi mas biliv long San blong hem Jisas Kraes, an yumi mas lavem yumi evriwan olsem Kraes hemi talem finis.

1 Jon 4:12

No eniwan hemi lukim God yet. Bat nomata olsem, sapos yumi lavem yumi evriwan, God hemi stap joen wetem yumi an lav blong hem hemi barava kamap gud long laef blong yumi.

1 Jon 5:13

Mi raetem olketa samting ya long yufala hu i biliv long San blong God, mekem yufala barava save dat yufala garem disfala tru laef wea hemi no save finis.

1 Jon 5:2

So sapos yumi lavem God an yumi obeim olketa lo blong hem, oraet, yumi save dat yumi lavem olketa pikinini blong hem.