1 Jon 2:15 - Pijin Bible

¹⁵ Yufala mas no lavem wei blong disfala wol o enisamting wea i stap long hem. Sapos eniwan hemi lavem wei blong disfala wol, hemi no save lavem Dadi ya.

Pijin Deuterocanon

¹⁵ Yufala mas no lavem wei blong disfala wol o enisamting wea i stap long hem. Sapos eniwan hemi lavem wei blong disfala wol, hemi no save lavem Dadi ya.

1 Jon 2:15 ပူးပေါင်းရင်းမြစ်များ

Matiu 4:8

Bihaen, Seitan hemi lidim Jisas moa fo go antap long wanfala maonten wea hemi hae tumas. An Seitan hemi som hem evri kantri long disfala wol, an hemi som hem tu enikaen samting wea i barava lukgud tumas wea olketa kantri ya i garem.

Matiu 6:24

An Jisas hemi sei moa, “No eniwan hemi save waka fo tufala deferen masta. Bae hemi laekem wanfala, an bae hemi no laekem narawan ya. An bae hemi tinghae long wanfala, an bae hemi no tinghae long narawan ya nao. So yu no save tinghae long God an long risis blong wol tu, olsem tufala masta blong yu.

Gudnius abaotem Jisas Kraes wea Luk hemi raetem 16:13

“No eni wakaman hemi save waka fo tufala deferen masta ya. Bae hemi laekem wanfala an bae hemi no laekem narawan. An bae hemi tinghae long wanfala an bae hemi no tinghae long narawan. So yu no save tinghae long God an long risis blong wol ya olsem tufala masta blong yu.”

Gudnius abaotem Jisas Kraes wea Jon hemi raetem 15:19

Bat sapos yufala i stap olsem pipol blong disfala wol nomoa ya, bae olketa lavem yufala bikos yufala pipol blong wol ya. Bat mi nao mi siusim yufala finis, mekem yufala kamap deferen from disfala wol. So yufala i no pipol blong disfala wol nao ya, an dastawe nao olketa heitem yufala.

Leta wea Pol hemi raetem go long sios long Rom 12:2

Yufala no letem yufala seleva fo falom wei blong disfala wol, bat yufala mas letem God hemi mekem yufala sens, mekem hemi givim niufala tingting long yufala. Long wei ya nao yufala save luksave long wanem God hemi laekem. From diswan, bae yufala save long olketa gudfala samting wea hemi stret an God hemi hapi long hem.

Galesia 1:10

?Waswe, mi trae fo mekem olketa pipol tokhapi long mi? !Nomoa! !Mi trae fo mekem God hemi tokhapi long mi! ?Yufala tingse mi trae fo suitim olketa pipol nomoa ya? Bat sapos hemi tru wea mi trae fo suitim olketa pipol nomoa, hemi had tumas fo mi stap wakaman blong Kraes nao ya.

Efesas 2:2

Long taem ya, yufala falom nomoa ravis wei blong disfala wol. Yufala obeim nomoa Seitan hu hemi bos blong olketa devol long skae, an wea hem nao hemi save bosim olketa pipol hu i no obei long God.

1 Timoti 6:10

Enikaen ravis samting nao hemi save kamaot long diskaen wei fo lavem seleni tumas. Samfala pipol hu i laekem seleni tumas, olketa gorong finis long biliv blong olketa nao, an olketa mekem olketa seleva fo filnogud tumas.

Jemes 1:27

Bat gudfala wei blong Kristin wea hemi barava stret long God Dadi blong yumi, hem nao fo helpem olketa wido woman an olketa pikinini wea mami an dadi blong olketa i dae finis, an fo no letem olketa ravis samting long wol fo spoelem gudfala laef blong yumi.

Jemes 4:4

Yufala lusim finis wei blong God. ?Waswe, yufala no save dat disfala wei fo falom wol hemi agensim God? So eniwan hu hemi laek fo falom wei blong wol, hemi enemi blong God nao.

1 Jon 3:17

Sapos wanfala man hu hemi garem plande samting hemi lukim nara man hu hemi sot long enisamting, bat hemi no laek fo helpem hem, oraet, man ya hemi no garem disfala lav blong God.

1 Jon 4:5

Olketa laea tisa i blong disfala wol nomoa. Dastawe nao toktok blong olketa hemi abaotem wei blong disfala wol nomoa, an olketa pipol blong wol i laekem tumas fo herem toktok blong olketa.

1 Jon 5:10

So eniwan hu hemi biliv long San Blong God, hemi garem strongfala tingting abaotem disfala toktok. Bat eniwan hu hemi no biliv long God, hemi no bilivim disfala toktok wea God hemi talemaot abaotem San blong hem. Diskaen man hemi mekem God fo luk olsem man fo laea nao.