Zefanja 3:6 - O Debleskro Drom 2021 (Sinte)

⁶ O baro Dewel penell: Me krom, te hi tsele natsjone buder gar koi. Lengre forja hi paash. Lengre sorele khera hi tele phagedo, Kek menshe djiwenn buder koi. Ap i dromma djal buder kek mensho. Halauter hi krik.

O Debleskro Lab 2024 (Sinte-Manouche)

⁶ O baro Devel penell: Me krom, te hi tsele natsyone bouder gar koy. Lengre forya hi paash. Lengre zorele khera hi tele phagedo, Kek menshe djivenn bouder koy. Ap i dromma djal bouder kek mensho. Halauter hi krik.

Zefanja 3:6 ပူးပေါင်းရင်းမြစ်များ

Jesaja 14:26

Jaake his kowa an o Debleskro dji te krell lo ap i phub. Un leskro wast hadas lo pre, te dell lo i menshen an hake themma pengri phagi.

Jesaja 37:36

Un an koi rati was o baro Debleskro bolepaskro kote, kai i lurde dran o them Assur sowan, un maras 185.000 (sheel-ochta-deesh-te pantch serja) mursha lendar. Un har le taissarlakro pre stan, his kote lauter mule tchiddo.

Jesaja 6:11

Un me putchom: “Har rah, rai?” Un job penas: “Bis te buder kek menshe an i forja djiwenn, witar kek mensho an i khera, un ko hachetikri phub har i mulo them was.”

Jeremia 9:12

O baro Dewel penell koi pre: Me sikrom len miro drom, un jon mukan les, un shunan gar ap mire laba, un djiwan gar koi pal.

3. Mose 26:31

Me mukau tumare forja an kotja te dell, un dau kol platse paash, kai tumare chochene deblen an-mangan. Un kowa, hoi tumer mange chatchrenn, un ko latcho sungepen, hoi well win, kowa kamau buder gar te sungell.

Zefanja 2:5

Djungeles djal kolenge, kai pash o baro pani djiwenn, kol menshenge, kai kharenna Kretarja! O baro Dewel mukell tumenge te penell: Tu them Kanaan, them, kai djiwenn i Filistarja, me kamau tut te marell. Kek tumendar, kai kote djiwell, atchell djido.

Zakarie 7:14

Doleske tradom len an wawar themma, hoi prindjran le gar. Un lengro them was muklo. Kek budras un djiwas buder gar koi. Jaake kran le dran kau latcho them i mulo them.

Mateo 23:38

Doleske mukell o Dewel peskro kheer pash tumende un djiwell buder gar koi.

1. Korintarja 10:11

Kowa lauter, hoi ap lende was, sikrell men, hoi nai wella. Un mer, kai djiwah kau diwes un djinah, te atchell kau tsiro buder gar rah, menge was kowa tchinlo an i lila, te das mer jak ap mende.

1. Korintarja 10:6

Kowa, hoi kote djas, kamell menge soreles te penell, te djal maro dji gar pal o tchilatcho koowa, jaake har kolengro dji pal o tchilatchepen djas.

Josua 23:4

Dikenn, me dom tumen ko tselo them mank o pani Jordan un ko Baro Pani, hoi kote tchiddo hi, kai o kham tele djal. Jaake har i barra peran, dom tumare deesh-te-dui bare familjen lengro kotar them, ninna ko them, kolengre menshe gomme gar win tradedo hi.