Zefanja 3:4 - O Debleskro Drom 2021 (Sinte)

⁴ Lengre dikepangre krenn, har te well tchi, un hi pherdo chochepen. Lengre rashaja krenn sawo koowa, hoi krell o Debleskro kheer pale-tchiddo, un penenn o Debleskro lab gar tchatches dureder.

O Debleskro Lab 2024 (Sinte-Manouche)

⁴ Lengre dikepangre krenn, har te vell či, oun hi pherdo rhorhepen. Lengre rashaya krenn savo koova, hoy krell o Debleskro kheer pale-čiddo, oun penenn o Debleskro lab gar čačes doureder.

Zefanja 3:4 ပူးပေါင်းရင်းမြစ်များ

Jesaja 9:15

I pralstune pral i menshende anenn i menshen ap bange dromma un krenn te djinenn jon buder gar, hoi tchatcho hi.

Jeremia 23:32

Me kurau man kolentsa, kai chochene sunja rakrenna, un anenn mire menshen o tchatcho dromestar tele lengro chochepah un dinelo rakepah. Me bitchrom len gar, un dom len kek lab, te penenn le kowa dureder. Jon molenn tchi mire menshenge, penell o baro Dewel.

Jeremia 5:31

O Debleskre rakepangre rakrenn chochepen, un kol rashaja rodenn penge ko feteder win, un mire menshe kamenn kowa jaake. Hoi kamenn tumer te krell, te hi tumaro tsiro trujel?

Jeremia 8:10

Lengre djuwjen dau wawar murshende. Un lengre kotja them dau kolende, kai tradan len krik. Halauter, tikne un bare, chochenna, te wenn le brawelo. Ninna i Debleskre rakepangre un rashaja chochenn i menshen,

Ropaskre gilja 2:14

Kolla, kai hunte penans tuke o Debleskre laba, penan tuke chocheno koowa glan-wi, hoi tchi moldo hi. Un sikran tuke gar tiri doosh. Kowa te krans le, perals gar jaake har kanna peral. Na-a, jon mukan tut chochene laba te shunell, un anan tut o tchatcho dromestar tele.

Ezekiel 22:26

Tire rashaja rissrenn mire laba trujel. Un krenn kowa pale-tchiddo, hoi mange hi. Kowa, hoi mange dino was, hi lenge gar budeder moldo har hako wawar koowa. I wawar menshenge sikrenn le gar, hoi pale-tchiddo un hoi gar pale-tchiddo hi. Un jon pandenn pengre jaka, te wenn o Debleskre diwessa gar dren rikedo. Jaake krenn le, te wap me buder gar sharedo.

Ezekiel 22:6

I pralstune pral Israel, kai djiwenn an tumaro foro, krenn har te wals len jaake bud penepaske, te nai marenn le menshen.

Ezekiel 44:23

I rashaja hunte sikrenn mire menshende, hoi mange, o Debleske hi, un kowa, hoi i menshenge hi. Un jon hunte djinenn, hoi pale-tchiddo glan mande hi, un hoi gar pale-tchiddo glan mande hi.

Hosea 9:7

O tsiro hi koi, kai me tumenge tumari phagi dau, un tumaro tchilatchepen ap tumare sherja pale anau. Un tumer Israelitarja haiwenn kowa! Tumer penenn: “I narwelo hi ko Debleskro rakepaskro! Ko mursh, koles o Debleskro ducho hi, rakrell dinelo koowa!” Jaake baro hi tumari doosh un tumari choli ap mande!

Micha 2:11

Te woms me i mursh, kai nashell o ducho palla, un rakroms o chochepen, un me penoms: “Pijenn bud mool un wawar pipen!” Palle penans tumer mandar: “Hawo latcho rakepaskro hi kau mursh!”

Micha 3:11

Tumare tchatchepangre mursha mukenn pen te makell. Tumare rashaja lenn lowe koleske, hoi le i menshenge penenn. Un i lowenge penenn o Debleskre rakepangre, glan-wi, hoi wella. Un tumer penenn: “O baro Dewel hi ap mari rig. Kek bibacht nai well pral mende.”

Maleachi 1:6

O baro Dewel, ko rai pral o bolepen un i phub, penell: I tchawo hunte hadell peskro dades, un i budepaskro hunte dikell pre ap peskro rajeste. Me hom tumaro dad – hoske hadenn man gar? Me hom tumaro rai – hoske dikenn gar pre ap mande? Tumer rashaja, tumer dikenn tele ap mande. Un tumer putchenn: Hoi kram, kai peneh ‘tumer dikan tele ap mande?’

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

Maleachi 2:8

Tumer rashaja nashan miro dromestar ap i wawar drom. Un bud menshe peran tumentsa miro dromestar tele. Tumer sikran lende buder gar o tchatcho drom, un phagan ko lab, hoi me i Levitarentsa win krom. Doleske penau me, o baro Dewel, ko rai pral o bolepen un i phub:

Mateo 7:15

Denn jak, te patsenn gar kol chochene rakepangren, kai penenn, te wans le o Deblestar bitchedo! Jon krenn, har te wans le tumare phrala. An lengro dji hi le diwje djukle, kai marenna.

2. Korintarja 11:13

Tchatchepah, jon wan gar o Jesus Kristestar bitchedo. Jon hi chochene, un krenn, har te bitchrals len o Jesus Kristo.

1. Johanni 4:1

Latche phrala un phenja, ma patsenn hakenes, koon penella, te hi les o Debleskro Ducho! Dikenn ap leskro rakepen, te djinenn tumer, te well kowa tchatchepah o Deblestar! Bud chochene rakepangre nashenn ap i phub trujel. Kolla penenna i menshenge, te well lengro rakepen o Deblestar. Kowa hi gar tchatcho.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.

Čačepangre 9:4

Un jon dan les efta-deesh rupene kotja dran o kheer, kai mangan le o debles Baal-Berit an. Kol lowentsa ginas o Abimelech diwje depangre, hoi leske palla djan.

1. Samuel 2:22

Un o Eli his kanna bud phuro. Un job shunas lauter, hoi leskre tchawe ap i Israelitarja kran, ninna te his le pash kol djuwjende tchiddo, kai glan o Debleskro plachteno kheer pengri budi kran.