Zefanja 3:16 - O Debleskro Drom 2021 (Sinte)

¹⁶ An ko tsiro well penlo ap i menshende an o foro Jerusalem: Ma trashenn tumen, tumer an Jerusalem! Ma mukenn tumare wasta tele te perell!

O Debleskro Lab 2024 (Sinte-Manouche)

¹⁶ An ko tsiro vell penlo ap i menshende an o foro Yerusalem: Ma trashenn t'men, t'mer an Yerusalem! Ma moukenn t'mare vasta tele te perell!

Zefanja 3:16 ပူးပေါင်းရင်းမြစ်များ

Hiob 4:3

Tu sikral bud menshen o tchatcho drom, un kral khine wasta pale soreles.

Jesaja 25:9

Ap ko diwes penell hakeno: Dik, kowa hi maro Dewel! Ap koleste rikram men, te well lo ap mari rig. Job hi maro baro Dewel, ap koleste men rikram! Giwas i bachtjatar: Job las men win dran o merepen.

Jesaja 40:9

Tu, koi berga Zion, hal har i tchai, kai anell i latcho lab. Tu, o foro Jerusalem, hal bitchedo te aness bacht. Dja pre ap i bari berga! De sorjah gole, un ma dare! Dja pre ap i bari berga! Pen ap i forja an o them Juda: “Ake, tumaro Dewel!”

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Jesaja 44:2

Kowa hi, hoi me, o baro Dewel, tuke penau: Me krom tut un dom tut o djipen har gomme gar boldo hals; me hom ap tiri rig. Ma dare, miro budepaskro Jakob, tu Israel, koles me mange win rodom!

Jesaja 54:4

Ma dare! Tu weh gar wi-ladjedo koi tardo! Mukau kekes, te sal lo pral tute. Doleske ma ladj tut! Tu bistreh koi ladj, hoi ap tute his, har terno hals. Un ko tsiro, har tiro rom meras, well tuke buder gar an o shero.

Joel 2:21

Tu them, ma dare! Ab bachtelo un giw koleske, hoi o baro Dewel tuke lauter kras.

Zakarie 8:13

Tumer menshe dran o them Juda un dran o them Israel, hans i menshenge an wawar themma har menshe, ap kolende i bibacht tchiddo hi. Kanna krau tumentsa jaake, te dikenn le miri bacht ap tumende. Doleske ma darenn! Krenn tumare wasta soreles!”

Zakarie 8:15

Kanna kamau latchepen te krell ap o foro Jerusalem un ap o kheer Juda. Doleske ma darenn!

Johanni 12:12

O wawar diwes shunan kol bud menshe, kai ap ko Passa wan, kai o Jesus an o foro Jerusalem wella.

2. Korintarja 4:1

O Debles hi i baro dji menge, un das men kai budi, te sikras i menshende leskro drom. Doleske wah gar khino, te kras kowa.

Galatarja 6:9

Dikas, te was gar khino, te kras latcho koowa. Well ko tsiro, kai lah ninna latcho koowa.

Efesarja 3:13

Doleske mangau tumen: Ma awenn gar khino an tumaro patsepen, ninna te shunenn tumer, kai me tumenge stildo hom. Kowa, hoi lau ap mande, sikrell tumende, har bud tumer mange moldo han.

Hebrearja 12:12

Doleske awenn pale soreles! Hadenn tumare wasta pale pre, hoi khino wan! Krenn tumare herja pale soreles, an lende buder kek soor hi!

Debleskro tsiro 2:3

Tumer dan tumaro patsepen gar pre, un lan i pharo djipen mange ap tumende, un tumer wan gar khino an tumari budi mange.