Zefanja 3:15 - O Debleskro Drom 2021 (Sinte)

¹⁵ O baro Dewel las tumari phagi tumendar krik, un tradas kolen krik, kai rikran tumen tele. O baro Dewel hi o baro rai pral Israel, un hi pash tumende. Tumer hunte trashenn buder kek bibacht.

O Debleskro Lab 2024 (Sinte-Manouche)

¹⁵ O baro Devel las t'mari phagi t'mendar krik, oun tradas kolen krik, kay rikran t'men tele. O baro Devel hi o baro ray pral Israel, oun hi pash t'mende. T'mer hounte trashenn bouder kek bibarht.

Zefanja 3:15 ပူးပေါင်းရင်းမြစ်များ

1. Mose 30:23

Joi was an wawar koowa un anas i tchawes ap i phub un penas: “O Dewel las miri ladj mandar krik.”

Debleskri gili 149:2

Tu Israel, tiro dji mu bashrell pral koleste, kai kras tut. Tumer menshe dran Zion, giwenn i bachtjatar pral tumaro baro rajeste.

Debleskri gili 19:9

Kowa, hoi o baro Dewel menge penell, te kras mer, hi tchatcho, un krell maro dji bachtelo. Kowa, hoi lo mendar kamell, nai haiwell hakeno. Kowa hi har i momeli, hoi sikrell men o drom.

Debleskri gili 85:3

Tu lal o tchilatchepen, hoi tire menshe kran, lendar krik! Lengri tseli doosh bistral tu.

Jesaja 12:6

Giwenn un denn gole i bachtjatar, tumer, kai djiwenn an o foro Zion. O Israeleskro Dewel hi bares mashkral tumende.

Jesaja 25:8

O merepen lell lo krik hako tsireske. O baro Dewel, maro rai, khossell palle hakeneske i swa tele. Un koi ladj, hoi ap peskre menshende tchiddo hi an hake themma, lell lo lendar krik. Kowa penas o baro Dewel.

Jesaja 35:10

Kolen, kai job dran o pandepen win las, wenn pale khere, un wenn o gipah pash i berga Zion. Lengri bacht lell kek lendar. Lengre djia giwenn un bashrenn i bachtjatar. Un duk un ropen dell gar buder.

Jesaja 51:22

Kawa penell o baro Dewel, kai tiro rai un tiro Dewel hi, kowa, kai lell o koowa leskre menshendar an peskro wast: Dik, me lau ko khoro, hoi tut mates kras, dran tiro wast win. Tu hunte pijess buder gar dran o khoro, hoi pherdi miri choli his.

Jesaja 52:9

Giwenn khetne i bachtjatar, tumer dran o khetne phagedo foro Jerusalem! O baro Dewel las pes peskre menshenge an, un krell o foro Jerusalem newes.

Jesaja 54:14

An o tchatchepen weh tu soreles tardo. Tu hunte daress kekestar, te rikrell lo tiro djipen phares. Un tu hunte daress kek bibacht. Kaja nai well gar pash tute!

Jesaja 60:18

I kurepaskri gole well gar buder shunlo an tiro them. Paash-dine forja un kurepen dell gar buder koi. Na-a, mank tire massurja krell kek tuke tchilatchepen, un tu shareh man koleske.

Jesaja 65:19

Me ninna, wau bachtelo pral Jerusalem, un miro dji giwell pral mire menshende. Ropen well kote buder gar shunlo, witar gar dell jek gole i darjatar.

Jeremia 8:19

Dran o tselo them shunau me, har denn mire menshe gole. Kamell o baro Dewel buder gar o Dewel an Zion te well? Hi o fores Zion buder kek baro rai? Hoske kran jon man jaake chojedo [penell o baro Dewel], har mangan le pengre figuren un chochene deblen an, kai kekeske ap i rig wenna?

Ezekiel 35:10

Tumer penan: “Kol dui themma Israel un Juda pengre menshentsa hunte wenn maro. Las len menge dren!” Tumer bistran, te hi kowa miro them, kai me, o baro Dewel, djiwau.

Ezekiel 36:15

Me krau, te shuness buder gar o praassepen kolendar dran wawar themma, un hunte ladjess tut buder gar glan lende. Tu kreh buder gar, te hi tumare menshen buder kek tchawe. Kawa penell o baro Dewel, maro rai.

Ezekiel 39:29

Me tchorau miro ducho win ap o kheer Israel, un mukau len buder gar. Kawa penell o baro Dewel, maro rai.

Ezekiel 48:35

Kal star rigja o forestar hi khetne enja (9) kilometarja lengsto. Fun ko tsiro well o foro kharedo: O baro Dewel hi kai!

Amos 9:15

Me anau mire menshen pale an lengro them, hoi lende dom. Un kek nai tserdell len dran lengro them win. Kowa penell tumaro baro Dewel.

Micha 7:10

Kolla, kai rikrenn man tele un putchenn mandar ‘kai hi tiro baro Dewel’, jon hunte dikenn kowa, un hunte ladjenn. Un mire jaka dikenn, har le khetne stakedo wenna, har tchik ap i drom.

Habakuk 2:17

Tu dal i ruka ap i berga Libanon tele. Tu maral i viechen, kai kote djiwan. Lengri daar well kanna tiri daar. Tu maral bud menshen, kral lengro them un lengre forja paash, un djal sorjah ap halauterende, kai kote djiwenn. Ko tchilatchepen, hoi kral, well kanna pale ap tiro shero.

Habakuk 2:8

Tu tchoral i menshen an bud themma win. Tu maral bud lendar, kral lengro them un lengre forja paash, un djal sorjah ap halauterende, kai kote djiwenn. Doleske tchorenn tut kanna kolla win, kai djido atchan.

Zefanja 3:17

Tumaro baro Dewel hi pash tumende, job hi sorelo un hi ap tumari rig. Leskro dji giwell pral tumende, un job hi tumenge latcho. Tumari doosh lell lo tumendar krik an peskro baro kamlepen, un job dell gole i bachtjatar pral tumende,

Zefanja 3:5

Kowa lauter krenn le, ninna te djiwell o baro Dewel mank lende. Job krell kek tchilatchepen. Un leskro tchatchepen atchell soreles tardo. Jaake har hako diwes o kham pre djal, jaake sikrell lo hako diwes, har te djiwenn le an o tchatchepen. Kol tchilatche menshe krenn pale te pale djungelo koowa, un ladjenn gar.

Zakarie 12:3

Ap ko tsiro krau, te well o foro Jerusalem har i pharo bar i menshenge an hake themma. Kolla, kai kamenn les krik te hadell, dukrenn pengre wasta. Lurde dran i tsele themma ap i phub wenna, te kurenn le pen o foreha.”

Zakarie 14:11

Kote, an o foro Jerusalem djiwenn bud menshe. Kek wella, te dell lo o foro paash. I menshe kote nai djiwenn kek darjah.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Johanni 1:49

“Sikepaskro,” penas o Natanael, “tu hal o Debleskro tchawo. Tu hal o baro rai pral Israel.”

Johanni 12:15

“Tumer menshe an o foro Jerusalem, ma darenn! Tumaro baro rai wella un hi beshdo ap i terni esla.”

Johanni 19:19

O Pilato tchinas ap i kotar kasht: O Jesus dran Nazaret, o baro rai pral i biboldende. Ko kotar kasht was pral ap o trushel dino.

Johanni 5:30

Mandar nai krau me tchi. Me rakrau o tchatchepen win, jaake har o Dewel mange penella. Kowa, hoi rakrau pral i mensheste win, hi tchatcho. Me krau gar, hoi me kamau. Me krau halauter, hoi kowa kamella, kai bitchras man.”

Debleskro tsiro 12:10

Un me shunom i sorelo rakepen an o bolepen, hoi penas: Kanna las men maro Dewel dran o bengeskro wast win. Maro Dewel sikras peskri soor, un was o rai pral i tsele menshende ap i phub. Un job das peskri tseli soor koles, kai job win rodas, te well lo o baro rai pral halauter. Tele witsedo hi ko phukepaskro, kai anas i doosh ap mare phralende glan o Debleste o diwes un i rati.

Debleskro tsiro 18:20

Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.

Debleskro tsiro 19:16

Ap leskro ripen un ap leskri pralstuni heri hi i lab tchinlo, hoi kharella: o rai pral i rajende un o pralstuno pral i pralstunende.

Debleskro tsiro 7:15

Doleske hi le tardo glan o Debleskro beshepaskro un hi leskre rashaja an leskro kheer, un hi leske koi o tselo diwes un i tseli rat. Un kowa, kai ap o Debleskro beshepaskro beshdo hi, djiwell pash lende, un dell jak ap lende.