Zefanja 3:11 - O Debleskro Drom 2021 (Sinte)

¹¹ An ko tsiro hunte ladjenn tumer Israelitarja tumen buder gar doleske kai tumen pral mande hadan, un jaake bud tchilatchepen kran. Me lau kol pre-phurden, kai rikran jaake bud pendar, mashkral dran tumende krik. Ap miri berga, kai me djiwau, dell buder kekes, kai krell pes bares.

O Debleskro Lab 2024 (Sinte-Manouche)

¹¹ An ko tsiro hounte ladjenn t'mer Israelitarya t'men bouder gar doleske kay t'men pral mande hadan, oun yaake boud čilačepen kran. Me lau kol pre-phourden, kay rikran yaake boud pendar, mashkral dran t'mende krik. Ap miri berga, kay me djivau, dell bouder kekes, kay krell pes bares.

Zefanja 3:11 ပူးပေါင်းရင်းမြစ်များ

Debleskri gili 131:1

I gili o Davidestar te giwell ap o drom an Jerusalem. Baro Dewel, me hom gar pre-phurdo, un mire jaka dikenn gar tele ap i wawarende. Me kamau gar baro koowa, witar gar sawo koowa, hoi dur pral mande hi.

Debleskri gili 49:5

Miro kand shunell ap gosewe laba, un hoi kolla kamenn te penell, kamau me tumende te sikrell pash o bashepen ap i dorjengri bashepaskri.

Debleskri gili 59:12

Ma de len mulo, te bistrenn kowa mire menshe gar! Trade len tiri sorjah, te nashenn le kate te kote! Stake len tele, tu, kai rikreh tiro wast pral mende.

Jesaja 11:9

Ap o Debleskri berga Zion krell buder kek tchilatcho koowa, witar gar dukrell jek i wawares. Jaake har o baro pani pherdo pani hi, jaake well i tseli phub pherde menshe, kai prindjrenn o baro Debles.

Jesaja 2:12

Leskro diwes wella, ko diwes o baro Deblestar, ko rajestar pral o bolepen un i phub. Ap ko diwes well hako pre-phurdo tiknes kerdo, ninna hakeno, kai hadas pes, hakeno kai kras pes bares.

Jesaja 45:17

O Israel well win lino o baro Deblestar dran o tchilatchepen hako tsireske. Kek ladj un kek praassepen well ap leste – an kek tsiro.

Jesaja 5:15

Un jaake well o mensho tikno, un hunte dikell dren, te hi lo tchi. Un kolla, kai dikan tele ap i wawarende, hunte tchiwenn pengre jaka tele pherdi ladj.

Jesaja 54:4

Ma dare! Tu weh gar wi-ladjedo koi tardo! Mukau kekes, te sal lo pral tute. Doleske ma ladj tut! Tu bistreh koi ladj, hoi ap tute his, har terno hals. Un ko tsiro, har tiro rom meras, well tuke buder gar an o shero.

Jesaja 56:7

kolen anau pash miri berga, kai me djiwau, un krau len bachteles an miro kheer, kai mangenn man i menshe an. Jon nai anenn mange viechen: sawe, hoi wenn mange chatchedo ap miri chatchepaskri, ninna sawe, hoi chan le glan mande. Un me dikau latches ap kowa. Miro kheer well kharedo: Kheer, kai i menshe dran hake themma o Debles an-mangenn.

Jesaja 61:7

Tumer hidjran bari ladj un praassepen, doleske lenn tumer kanna i baro them un i bacht, hoi atchella hako tsireske.

Jeremia 13:9

Kowa penell o baro Dewel: Ninna kamau me o tselo pre-phurdepen i menshendar dran Juda un Jerusalem paash te krell.

Jeremia 7:4

Ma patsenn kol chochene laba, te penenn jon: ‘Kate hi o baro Debleskro kheer, kai djiwell lo. Awa, kate hi o baro Debleskro kheer!’

Ezekiel 20:40

Ap miri bari berga an Israel, kai me djiwau, kote mangenn man i tsele Israelitarja an, halauter kai an o them hi. Un me lau len an o latchepen an, un kamau, te anenn le mange kote viechen un djob, jaake har glan tchinlo hi, ninna ko koowa, hoi mange ap i rig tchiwan.

Ezekiel 24:21

Kawa penell o baro Dewel, maro rai: Djinau, tumenge hi miro kheer o kamleder koowa. Un tumaro dji nashell pal leste. Tumer han pre-phurdo un patsenn, kolenge, kai kote hi, nai djal kek tchilatchepen. Tchatchepah, me dau miro kheer kolenge an o wast, kai krenn les pale-tchiddo. Un tumare mursh tchawe un tcha, kolen tumer kote an Jerusalem pale mukan, kolla wenn o chareha mulo dino.

Daniel 9:16

Ach, maro rai, kre pal tiro tselo tchatchepen! Un muk tiri choli pale te djal! Ab buder gar chojedo ap tiro foro Jerusalem un ap koi berga, kai tu djiwal. Mer un mare phure anam doosh ap mende un kram tchilatcho koowa. Un kolla lauter, kai djiwenn trul mende, praassenn doleske tiro fores Jerusalem un tire menshen.

Daniel 9:20

Un har me jaake miro baro Debleha rakrom, un man tele mangom, un leske miri doosh un i doosh mire menshendar Israel penom, un me glan leste trul o Debleskri berga rowom,

Micha 3:11

Tumare tchatchepangre mursha mukenn pen te makell. Tumare rashaja lenn lowe koleske, hoi le i menshenge penenn. Un i lowenge penenn o Debleskre rakepangre, glan-wi, hoi wella. Un tumer penenn: “O baro Dewel hi ap mari rig. Kek bibacht nai well pral mende.”

4. Mose 16:3

Un jon halauter wan khetne pash o Mose un o Aron, tchingran ap lende un penan: “Tumer krenn, har te wans bareder har mer wawar! O tselo kheer Israel hi o Debleskre menshe. Un o baro Dewel hi mashkral lende. Hoske hadenn tumer tumen pral o baro Debleskre menshende?”

Mateo 3:9

Ma penenn: O Abraham hi maro dad! Me penau tumenge: O Dewel nai krell dran kal barra o Abrahameskre tchawen.

Remarja 2:17

Hoi krenn tumer, i bibolde? Tumer sharenn tumen un penenn: “Me hom i biboldo un prindjrau o Moseskre laba. O baro Dewel hi miro Dewel.

Remarja 9:33

An o Debleskro lab hi tchinlo: Dikenn, me tchiwau i baro bar an o foro Zion. Pral koleste perenn le, un ap koleste choirenn le pen. Un kowa, kai ap leste patsella, kowa hunte ladjell pes gar glan mande.

1. Petro 2:6

An o Debleskro lab hi tchinlo: Me rodom jek kutch bar win, un tchiwom les an o foro Zion tele, jaake te well miro kheer ap leste soreles tardo. Un koon ap koleste patsella, atchell djido.