Zefanja 2:6 - O Debleskro Drom 2021 (Sinte)

⁶ Ko them pash o baro pani well i them, kai i bakre anlo wenn, te chan le kote pengro senlepen. Un i bakrenge djan kote trujel, un anenn pengre bakre un busja pash o pani.

O Debleskro Lab 2024 (Sinte-Manouche)

⁶ Ko them pash o baro pani vell i them, kay i bakre anlo venn, te rhan le kote pengro zenlepen. Oun i bakrenge djan kote trouyel, oun anenn pengre bakre oun bouzya pash o pani.

Zefanja 2:6 ပူးပေါင်းရင်းမြစ်များ

Jesaja 17:2

Kol forja an Syria hi muklo, un i vieche nai chan kote, un kek hi koi, kai len krik tradell.

Jesaja 5:17

Mank i barra ko paash-dino forestar nashenn i bakre trujel un rodenn o chapen. Un i busja chan mank i khera, hoi kol brawele pale hunte mukan.

Jesaja 7:25

Ninna koi phub, hoi kanna i hachetikri phub hi, well jaake pherde subjengre burra un subjengro senlepen, te darenn i menshe, te djan le koi. Un jon tradenn i grumja koi, un i bakre stakrenn lauter khetne.

Jeremia 33:12

Kowa penell o baro Dewel, ko rai pral o bolepen un i phub: Ninna te dikell kau them kanna win har i mulo them, kai nai djiwenn kek menshe un kek vieche, well i tsiro, kai hi hako fores pale latcho them, kai i bakrengre pengre bakren anenna.

Ezekiel 25:5

Un me krau, te well tumaro baro foro Rabba i platsa, kai i khamele chan. Un tumare gaba un forja wenn i them, kai i bakre un busja djiwenn. Un tumer dikenn un haiwenn, te hom me o baro Dewel.