Zefanja 2:15 - O Debleskro Drom 2021 (Sinte)

¹⁵ Jaake djala ko foreske, hoi hi jaake pre-phurdo, un koleskre menshe patsenn, te djal lenge kek tchilatchepen, un an pengro dji penenn: “Dell kek foro har maro foro!” Har muklo well ko foro! Diwje vieche djiwenna koi! Hakeno, kai nashell koi trujel, sal pral leste, un dell peskre wasta pral o shero khetne.

O Debleskro Lab 2024 (Sinte-Manouche)

¹⁵ Yaake djala ko foreske, hoy hi yaake pre-phourdo, oun koleskre menshe patsenn, te djal lenge kek čilačepen, oun an pengro dji penenn: “Dell kek foro har maro foro!” Har mouklo vell ko foro! Divye firhe djivenna koy! Hakeno, kay nashell koy trouyel, sal pral leste, oun dell peskre vasta pral o shero khetne.

Zefanja 2:15 ပူးပေါင်းရင်းမြစ်များ

Hiob 16:4

Te wans tumer ap miri platsa, palle nai rakroms me jaake har tumer nai kroms bare laba pral tumende, un trissloms miro shero pral tumende.

Hiob 27:23

Ko ducho hi har jek, kai dell i wasta pral leste khetne, un dell shol har te sals lo pral leste, kai lo ninna djal.

Jesaja 22:2

O foro hi pherdi gole un pherde bachtele menshe, kai diwjes trujel nashenn. Kek tumare lurdendar, kai mules ap o drom tchiddo hi, was mulo dino o chareha. Jon meran gar an o kurepen.

Jesaja 32:11

Trissenn, tumer djuwja, kai tumenge kek shero krenn, trissenn i darjatar, tumer, kai dikenn kokres ap tumende! Riwenn tumare ripja win, un tchiwenn i gono trul tumende!

Jesaja 32:14

An o rajeskro kheer well kek buder. Muklo well o foro, kai jaake bud menshe trujel nashenn. I sorele barrengre khera un o turmo, kai pral an o foro tardo hi, perenn khetne. Un mank lende djiwenn diwje burike i rah tsireske, un bakre un grumja chan kote.

Jesaja 32:9

Shunenn mishto, tumer djuwja, kai tumenge kek shero krenn pral kowa, hoi wella! Tumer tcha, kai dikenn kokres ap tumende, krenn tumare kanda pre un shunenn, hoi me rakrau!

Jesaja 47:10

Tu rikral tut ap tiro tchilatchepen un penal: “Kek dikas man!” Tiro goswepen un lauter, hoi djineh, kras tut pre-phurdo, jaake te penal an tiro dji: “Me hom i bareder. Kek well sorleder har me.”

Jeremia 18:16

Doleske well lengro them har i mulo them, kai le daar lenna. Un kolenge, kai dikenn kowa, atchell o rakepen krik. Un jon denn i wasta pral o shero khetne.

Jeremia 19:8

Me kamau sawi bari bibacht pral kau foro te anell, kai hakeneske, kai dikell kowa, o rakepen krik atchella un job pral leste sala.

Jeremia 50:13

Miri choli well jaake pral o foro Babilon, te djiwell nai kote kek mensho buder. Tchi har barra atchell lestar pral. Hakeneske, kai dikell kowa, atchell o rakepen krik. Job trissell peskro shero pral i tseli bibacht hoi kau foro tapras.

Ropaskre gilja 1:1

Jerusalem, har muklo hal koi tchiddo, tu, kai hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rajetsa hals pral wawar themma. Kanna hunte budress i wawarenge.

Ropaskre gilja 2:1

Ach, o baro Debleskri choli hi tchiddo ap o foro Zion har i kali rati! Jerusalem, hoi sharedo was bis an o bolepen, was tele witsedo ap i phub. Ap ko diwes, kai leskri choli pral i berga Zion was, his leske tchi, te his o foro i banko peskre pirenge.

Ropaskre gilja 2:15

Halauter, kai djan ap o drom, un dikenn tut, denn i wasta khetne pral o shero, denn shol, un tchiwenn o shero ap i rig, un san pral kowa, hoi tutar pral atchas, Jerusalem: “Hi kawa kau foro, pral koleste penlo was: Kek foro hi shukeder har kawa! I tseli phub dikell bachteles ap leste.”

Ezekiel 27:36

I parepangre dran wawar themma nai patsenn gar, hoi tuha djas, kai tu jaake sik tele djal un buder gar koi hal.

Ezekiel 28:2

Tu mensho, pen ap o rajeste pral o foro Tirus: Kawa penell o baro Dewel, maro rai: Tiro dji hadas pes un penas: “Me hom i dewel! Un hom beshdo ap i debleskri beshepaskri mashkral dren an baro pani!” Ninna te kreh, har te wals i dewel, hal tchi har i mensho!

Ezekiel 28:9

Te dikeh tu palle kolenge an o mui, kai tut mulo denn, peneh buder gar: “Me hom o Dewel!” Te hal an i wasta kolendar, kai marenn tut, haiweh, te hal i mensho un kek dewel.

Ezekiel 29:3

Pen leske: Kawa penell o baro Dewel, maro rai: Tu Farao, baro rai pral Egiptia, kanna sikrau les tuke! Tu hal har i baro tchilatcho viecho tchiddo an tire bare lengste panja, un peneh: “Ko baro lengsto pani hi miro. Mange krom les.”

Daniel 4:27

kharas lo win: “Ake, o baro foro Babilon! Me tchiwom les pre miri bari sorjah, te well lo miro foro, kai hom baro rai. Lauter, kai dikenn les, sharenn miro railepen.”

Nahum 3:19

Tchi hi, hoi tiro dukepen sasto nai krell! Ko dukepen, hoi tu lal, ap koleste hunte meress. Lauter kolla, kai tutar shunenn, denn i wasta pral o shero khetne. Kek hi koi, ap koleste gar pale te pale tchilatcho hals.

Habakuk 1:7

Daar un traash krenn le. Jon krenn penge pengro tchatchepen, un krenn jaake har jon kamenn.

Mateo 27:39

Un kolla, kai kote pashel wan, sikran i gushteha ap o Jesuseste, un praassan les.