Zefanja 1:18 - O Debleskro Drom 2021 (Sinte)

¹⁸ Lengro rup un sonakai nai lell len gar win dran koi bibacht ap ko diwes, kai o baro Debleskri choli pral lende wella. Leskri bari choli well har i jag pral o tselo them un krell halauter paash. Sik well o merepen pral halauter, kai kote djiwenn.

O Debleskro Lab 2024 (Sinte-Manouche)

¹⁸ Lengro roup oun sonakay nay lell len gar vin dran koy bibarht ap ko dives, kay o baro Debleskri rholi pral lende vella. Leskri bari rholi vell har i yag pral o tselo them oun krell halauter paash. Sik vell o merepen pral halauter, kay kote djivenn.

Zefanja 1:18 ပူးပေါင်းရင်းမြစ်များ

1. Mose 6:7

Doleske penas o baro Dewel: “Me lau i tsele menshen, kai me krom, pale krik i phubjatar, ninna i viechen, i baren un i tiknen, un i tchirkle. Khaitell man, kai krom len.”

1. Rajengro liil 14:22

Un i menshe an o them Juda kran, hoi djungeles his glan o baro Debleskre jaka. Un jon kran budeder tchilatcho koowa har lengre phure kran, un koleha choiran le les budeder har jon.

Hiob 21:30

Ap ko diwes, kai well i bibacht, kai well o Debleskri choli pral i menshende, atchell o tchilatcho djido.

Hiob 3:15

Woms tchiddo mank i pralstunende, kolen sonakai his, un kolengre khera pherdo rup his.

Debleskri gili 78:58

Jon mangan i wawarengre deblen an. Un choiran o Debles, har kran le penge chochene deblen.

Debleskri gili 79:5

Baro Dewel, har rah atchell tiri choli ap mende? Har rah chatchrell li har i jag?

Gosewe laba 11:4

O brawlepen hi i brawelenge tchi moldo ap ko diwes, kai o Debleskri choli pral i menshende well. Kol menshe, kai an o tchatchepen tardo hi, wenn win lino dran o merepen.

Gosewe laba 18:11

Glan i braweleskre jaka hi leskro brawlepen har i sorelo foro un har i bari massuri trul leste.

Jesaja 1:24

Doleske penell o baro Dewel, ko rai pral o bolepen un i phub, kai hi o Israeleskro sorelo Dewel: Dikenn tumen glan! Me dau tumen pale, hoi ap mande kran, tumen, kai kamenn man gar. Miri bari choli well pral tumende, kai krenn lauter wawartchandes, har me kamau.

Jesaja 10:17

Un ko Dewel, kai o Israeleskri momeli hi, well i jag, awa, lengro Dewel well i jagakri tchip, un chatchrell i subjengre burra un o subjengro senlepen pre ap jek diwes.

Jesaja 10:3

Hoi kamenn tumer te krell ap ko diwes, kai well tumari phagi pral tumende? Ap ko diwes, kai well i bibacht fun dural pral tumende? Pash koneste kamenn tumer palle te nashell? Un kai mukenn tumer palle tumaro brawlepen?

Jeremia 7:20

Doleske penell o baro Dewel, maro rai: Miri bari choli well pral kau foro, pral i menshende un pral i viechende, pral kol ruka an o weesh un pral ko djob an kau them. Miri choli hi har i jag, hoi kek nai krell win.

Jeremia 7:34

Un o them Juda well i mulo them. An lengre forja un ap kol dromma an Jerusalem giwell un sal kek buder i bachtjatar. Un koi bachteli gole o pirnestar un i pirnjatar shunah mer buder gar.”

Jeremia 9:11

Me putchom: Baro Dewel, hoske chatchell ko them un well mulo, jaake kai nai djal kek buder koi trujel? Koon hi gosewo un haiwell kowa? Ap koneste penal tu kowa, jaake te penell job kowa i wawarenge?

Ezekiel 16:38

Un me dau tut sawi phagi, har kol djuwja lenna, kai chochran pengro romes un maran i menshes. Un me mukau miri soreli choli pral tute te well.

Ezekiel 23:25

Me hom jaake chojedo ap tumende, te mukap len tuha choljah trujel te djal. Tiro nak un tire kanda tchinenn le tuke tele. Un kolla, kai tutar djido atchenn, wenn o chareha mulo dino. Tire mursh tchawen un tire tchen lenn le tutar. Un kowa, hoi tutar pral atchell, well an i jag chatchedo.

Ezekiel 7:11

Kolla, kai djan tchilatches i wawarentsa trujel, wan tchilatche raja. Tchi atchell lendar pral. Lengro brawlepen atchell gar, witar gar lengro railepen un an-dikepen.

Ezekiel 7:19

Lengro rup witsrenn le ap o drom, un lengro sonakai hi lenge har tchik. Lengro rup un lengro sonakai nai lell len gar dran o merepen win, ap ko diwes, kai i choli o baro Deblestar pral lende well. Lengro rup un sonakai was tchi-moldo. Jon nai chan les gar, un nai krenn gar pengro per lestar pherdo. Lengro brawlepen his kowa, hoi anas len jaake dur, te peran le o baro Debleskro dromestar tele.

Ezekiel 7:5

Kawa hi, hoi o baro Dewel, maro rai penell: Shunenn, bibacht pal bibacht wella!

Zefanja 1:11

Rowenn, tumer parepangre, kai djiwenn an o telstuno kotar o forestar! Kol tsele bikepangre, kai kote pengre lowe krenn, hunte merenna.

Zefanja 1:15

Kau diwes hi i diwes, kai o Debleskri choli pral i menshende well, i diwes pherdi daar un traash, i diwes, kai lauter paash dino un tele phagedo well, i diwes, kai tamlo well, un kali rati well, i diwes, kai kale wolke i phub tchakrenna,

Zefanja 2:2

glan ko diwes, kai well kowa, hoi job peske glan las, un tumer krik phurdedo wenn har o djobengri tchik, hoi i ducho krik phurdell; awa, glan ko diwes, kai well koi soreli choli o baro Deblestar pral tumende, un job i phagi pral tumende win rakrell!

Zefanja 3:8

Doleske djinenn, penell o baro Dewel, ko diwes well, kai wau me, un rakrau o tchatchepen win pral i phub. Me lom mange glan, te anap i menshen khetne dran wawar themma ap i phub, te tchorap miri choli pral lende win. Awa, miri soreli choli, hoi chatchell har i jag, well pral i tseli phub un chal lat pre.

Mateo 16:26

I mensheske wals kowa gar mishto, te lals lo o tselo brawlepen ap kai phub, un nashrals o djipen. I mensho nai dell tchi o Debleste, te lell lo ko djipen pale.

1. Korintarja 10:22

Ma choirenn o Debles! Mer ham gar sorleder har job.

5. Mose 31:17

Palle chatchell miri choli pre pral lende, un me mukau len, un wau lenge buder gar ap i rig. Bud djungelo pharo koowa pherdo duka un daar well pral lende. Un jon penenn palle ap ko diwes: ‘Kowa lauter well pral mende doleske, kai maro Dewel buder gar pash mende hi.’