Zefanja 1:16 - O Debleskro Drom 2021 (Sinte)

¹⁶ i diwes, kai i kurepaskri gole shunlo well, un an i phurdepangre phurdedo well, te djan i lurde an o kurepen, un phagenn tele kol sorele forja un bare massurja.

O Debleskro Lab 2024 (Sinte-Manouche)

¹⁶ i dives, kay i kourepaskri gole shounlo vell, oun an i phourdepangre phourdedo vell, te djan i lourde an o kourepen, oun phagenn tele kol zorele forya oun bare massurya.

Zefanja 1:16 ပူးပေါင်းရင်းမြစ်များ

Jesaja 27:13

Un ap ko diwes well an i bari phurdepaskri phurdedo. Un i Israelitarja, kai his nashedo an o them Assur, un kai his win tradedo an o them Egiptia, kolla lauter wenna un mangenn o baro Debles an ap o Debleskri berga an o foro Jerusalem.

Jesaja 32:14

An o rajeskro kheer well kek buder. Muklo well o foro, kai jaake bud menshe trujel nashenn. I sorele barrengre khera un o turmo, kai pral an o foro tardo hi, perenn khetne. Un mank lende djiwenn diwje burike i rah tsireske, un bakre un grumja chan kote.

Jesaja 59:10

Har korele taprah pal i wanta, har sawe, kai dikenn gar, kai le djan. Mashkral o diwes perah har te wals rati. Mank i saste ham jaake har te wams mule.

Jeremia 6:1

Tumer menshe dran o kheer Benjamin, nashenn dran Jerusalem! un phurdenn koi phurdepaskri an Tekoa! Krenn i jag ap i berga Bet-Kerem, te well o jagakro ducho i sikepen! Bari bibacht un merepen well kotar, kai norden hi.

Jeremia 8:16

Kolla, kai kamenn te kurenn pen mentsa, hi pash o foro Dan tardo. Fun kotar shunah koi gole lengre grajendar. O tselo them trissell koi goljatar hoi i graja denn. Jon wenna un chan ko tselo them pre, lauter, hoi ap ko them hi, kol forja un lauter, hoi koi dren djiwella.

Ezekiel 7:7

I bibacht perell pral tumende dren, pral tumende kai djiwenn an o them. O tsiro was, ko diwes hi koi, kai o ropen well, un buder kek gipen pral ap i berge hi.

Hosea 5:8

Phurdenn an i phurdepaskri an i forja Gibea un Rama! Denn i kurepaskri gole an o foro Bet-Awen! Tumer kurepangre dran o kheer Benjamin, nashenn glan, mer nashah tumenge palla!

Hosea 8:1

O baro Dewel penell: Phurde soreles an i phurdepaskri! Har i adlari wenn le pral miro them. Kolla kai kote djiwenn, rikran pen gar ap kowa, hoi lentsa win krom, un hadan pen pral mire laba.

Joel 2:1

Phurdenn an i phurdepangre! Denn bares gole ap miri berga, koi berga Zion! Trashenn, tumer lauter, kai djiwenn an o them Juda! O diwes o baro Deblestar wella sik!

Amos 3:6

Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Habakuk 3:6

Tchiwell job peskro piro ap i phub, palle trissell li. Lell job i wawar themma an o jak, trashenn i tsele menshe. Kol bare phure berge phagenn an kotja, un kol tikne phure berge perenn khetne, te nashell job – har an o phuro tsiro – pral i phub.

5. Mose 28:52

Un jon tchiwenn pen trul tumare forja, un mukenn kekes dren un kekes win, bis te kol bare un sorele forjengre massurja tele phagedo hi, kolendar tumer patsan, te well kek wergel. Kowa krenn le tumare tsele forjentsa an tumaro tselo them, hoi tumaro baro Dewel tumen das.

Josua 6:20

Koi phurdan i rashaja an i phurdepangre. Un har i mursha i phurdepangre shunan, dan le i kurepaskri gole. Koi peran i pre-tchidde barra trul o foro an pende khetne. Un i tsele lurde djan haki rigjatar pre an o foro. Jaake lan le o foro dren.