Zefanja 1:13 - O Debleskro Drom 2021 (Sinte)

¹³ Lengro brawlepen well randedo, un lengre khera khetne dino. Jon krenn penge khera un djiwenn gar koi dren, un tchiwenn drakengre ruka an i phub, un pijenn kek mool kolendar.

O Debleskro Lab 2024 (Sinte-Manouche)

¹³ Lengro bravlepen vell randedo, oun lengre khera khetne dino. Yon krenn penge khera oun djivenn gar koy dren, oun čivenn drakengre rouka an i phoub, oun piyenn kek mool kolendar.

Zefanja 1:13 ပူးပေါင်းရင်းမြစ်များ

Jesaja 6:11

Un me putchom: “Har rah, rai?” Un job penas: “Bis te buder kek menshe an i forja djiwenn, witar kek mensho an i khera, un ko hachetikri phub har i mulo them was.”

Jeremia 15:13

[O baro Dewel penas:] Juda, me kamau te well tiro tselo brawlepen tuke tchoredo, jaake plaissreh tu ko tchilatchepaske, hoi kral an tiro tselo them.

Jeremia 4:20

Jek foro pal i wawar well dino. O tselo them denn le paash. Ap jek kopo hi mire un plachtene khera khetne dino.

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Jeremia 5:17

Jon chan tiro djob un tiro maro, tire tchawen, tire tchen, tire bakren un grumjen, tire drake, tire faigetikre ruka. Tumer patsenn, te djal tumenge tchi an tumare sorele forja. Kolen lenn jon tumendar o chareha krik.

Jeremia 9:11

Me putchom: Baro Dewel, hoske chatchell ko them un well mulo, jaake kai nai djal kek buder koi trujel? Koon hi gosewo un haiwell kowa? Ap koneste penal tu kowa, jaake te penell job kowa i wawarenge?

Jeremia 9:19

Shunenn, tumer djuwja, o baro Debleskro rakepen! Denn garda ap leskre laba! Sikrenn tumare tchende, har te giwenn le koi ropaskri gili; jek te anell i wawarat kai gili pashel:

Ropaskre gilja 5:2

Ko them, hoi men dal, hi an i wawarengro wast. Un an mare khera djiwenn wi-themarja.

Ezekiel 22:31

Doleske tchorau miri choli win pral lende. Miri tati choli well pral lende har i jag, un jon merenn. Jaake anau lengro tchilatchepen pale ap lengro shero. Kowa penell o baro Dewel, maro rai.

Ezekiel 7:19

Lengro rup witsrenn le ap o drom, un lengro sonakai hi lenge har tchik. Lengro rup un lengro sonakai nai lell len gar dran o merepen win, ap ko diwes, kai i choli o baro Deblestar pral lende well. Lengro rup un sonakai was tchi-moldo. Jon nai chan les gar, un nai krenn gar pengro per lestar pherdo. Lengro brawlepen his kowa, hoi anas len jaake dur, te peran le o baro Debleskro dromestar tele.

Ezekiel 7:21

Un me dau kowa an o wast kolendar, kai wenn dran wawar themma. Kol tchilatche ap kai phub randenn les, un krenn, te nai wenn kol figure buder gar an-mangedo.

Ezekiel 7:24

Doleske mukau lurden dran tchilatche natsjone pral o Israel te well, te lenn le lengre khera penge dren. Un kol raja, kai rikran i tchorwelen sorjah tele, lenge krau o pre-phurdepen paash. Un kol platse, kai mangan le pengre deblen an, mukau pale-tchiddo te krell.

Amos 5:11

Kowa krenn tumer: I tchorwelen rikrenn tele, un lenn lendar budeder djob har tchatcho hi. Doleske well jaake: An kol shukar newe khera, hoi tumenge kran, djiwenn tumer gar. Un i mool kol newe drakengre rukendar, hoi an i phub tchiwan, pijenn tumer gar.

Micha 3:12

Doleske well o Debleskro foro trujel witsedo har i hachetikri phub. Un an o foro Jerusalem atchell kek bar ap o wawar. Ap i berga, kai o Debleskro kheer tardo hi, wenn diwje burra baro. Kowa lauter well jaake dran tumari doosh.

Micha 6:15

Tumer tchiwenn djob an i phub, un nai anenn kek newo djob dren. Tumer krenn djet dran i djeteskre drake, un nai makenn tumen gar leha dren. Tumer krenn mool, un nai pijenn lat gar.

Zefanja 1:9

Ninna dau kolen i phagi, kai stenn an o wudar dren, te stakrenn le gar ap o kasht tel o wudar. Ninna kolen dau i phagi, kai anenn an pengro rajeskro kheer sawo koowa, hoi lan le chochepah un tchorepah.

5. Mose 28:30

Kowa mank tumende, kai putchas i terni tchai, te romedinerell li les, dikell, har i wawar mursh well un lell lat peske. Kowa, kai tchiwas peske i kheer pre, nai djiwell gar dren. Kowa, kai tchiwas drakengre ruka an i phub, nai chal gar lengre drake.

5. Mose 28:39

Tumer tchiwenn drakengre ruka an i phub, un denn garda ap lende. Un kirme wenn un chan i drake pre. Un tumer nai lenn kek drake dren, un nai pijenn kek mool lendar.

5. Mose 28:51

Un jon chan tumare viechen. Un halauter, hoi ap tumari phub bares was, chan le pre. Tumenge mukenn le tchi pral, kek djob, kek mool, kek djet un witar kek terne tumare grumjendar, bakrendar un busjendar. Jaake hunte merenn tumer i bokatar, bis te kek tumendar buder koi hi.