Zefanja 1:10 - O Debleskro Drom 2021 (Sinte)

¹⁰ Ap ko diwes well i bari gole shunlo, hoi well kotar, kai o Matchengro Wudar hi. Un i ropen well shunlo, hoi well dran o Newo Foro. Un i kurepaskri gole well i tikne bergendar. Kowa penell o baro Dewel.

O Debleskro Lab 2024 (Sinte-Manouche)

¹⁰ Ap ko dives vell i bari gole shounlo, hoy vell kotar, kay o Mačengro Voudar hi. Oun i ropen vell shounlo, hoy vell dran o Nevo Foro. Oun i kourepaskri gole vell i tikne bergendar. Kova penell o baro Devel.

Zefanja 1:10 ပူးပေါင်းရင်းမြစ်များ

2. Samuel 5:7

O David las ko sorelo kheer Zion peske dren. Kowa hi kanna o Davideskro foro.

2. Samuel 5:9

Jaake djiwas o David an kau sorelo kheer un das les ko lab ‘Davideskro foro’. Un job kras budeder khera un kras o foro buchleder kotar, kai o Millo his bis mashkral an o foro.

2. Rajengro liil 22:14

Kote djan o rashai Hilkija, o Ahikam, o Achbor, o Shafan un o Asaja pash i Debleskri rakepaskretsa Hulda. Koja djiwas an o newo kotar o forestar Jerusalem. Lakro rom his o Shallum. Leskro dad his o Tikwa. Koleskro dad his o Harha. O Shallum das garda ap o ripjengro kheer. Un kol mursha rakran lah.

2. Familjakro liil 3:1

Un o Salomeskre budepangre kran pen ap i budi te krenn le o kheer o baro Debleske an o foro Jerusalem ap i berga Morija, ap i platsa, hoi o Salomeskro dad, o David, win rodas. Koja his koi djobeskri platsa, hoi o murshes Arauna his. Kowa his i Jebusari. Glan i tsiro mukas pes kote o baro Dewel o Davidestar te dikell.

2. Familjakro liil 32:22

Un jaake las o baro Dewel o Hiskija un kolen kai an o foro Jerusalem djiwan dran o wast o baro rajestar dran Assur – leskro lab his Sanherib – un dran o wast i tsele wawarendar. Un i menshe nai djiwan an o latchepen kolentsa, kai an i themma trul lende djiwenn.

2. Familjakro liil 33:14

Un pal kowa mukas lo win glan o Davideskro foro i bari massuri te krell. Koi massuri djas ap koi rig, kai o kham tele djal, pash o pani Gihon an i tala un dureder kote, kai o drom pash o Matchengro wudar djal, un trul ko foreskro kotar, hoi kharell Ofel. Un job bitchras bare lurden an hako sorelo foro an o them Juda.

2. Familjakro liil 34:22

Kote djas o rashai Hilkija khetne kolentsa, kolen o baro rai bitchras, pash i Debleskri rakepaskretsa, i Hulda. Koja djiwas an o newo kotar o forestar Jerusalem. Lakro rom his o Shallum. Leskro dad his o Tokhat. Koleskro dad his o Harha. O Shallum das garda ap o ripjengro kheer. Un kol mursha rakran lah.

Nehemia 12:39

un palle dureder bis pash o Efrajimeskro Wudar, un palle pash ko Phuro Wudar un palle dureder pash ko Matchengro Wudar un dureder bis pash ko turmo, hoi kharell Hananel, un dureder bis pash ko turmo, hoi kharell Mea, un dureder bis pash o Bakrengro Wudar. Un pash ko Stilepaskro Wudar atchan le tardo.

Nehemia 3:3

Un ko foreskro wudar, hoi kharella Matchengro Wudar tchiwan i mursha pre, kolengro dad o Senaa his. Jon tchiwan kol pesse buchle kashta pre, un tchiwan kol dui wudja dren, ninna i kashtengre un o saster, hoi kol wudja pandella.

Jesaja 59:11

Har pandle diwje vieche dah gole i dukatar, un rowah har i taube. Mare djia nashenn pal ko diwes, kai well menge o Dewel ap i rig, un lell men win dran i tchilatche wasta. Job well gar, un tchi djala.

Jeremia 39:2

An o deesh-te-jekto bersh, kai o Zedekja baro rai his, ap o enjato diwes an o starto tchon, phagan jon an o foro dren.

Jeremia 4:31

Me shunau i gole, har i djuwjatar, kai lell o ersto kopo i ternepen. Kaja hi koi gole o forestar Zion, kai taprell pal ducho, un peskre wasta pre hadell, un gole dell: Me hom nashedo! Kolla wenna un denn man mulo!

Ezekiel 6:13

Palle hi i mulo-dine tchiddo mashkral pengre chochene deblende, un trul lengre chatchepangre trujel ap haki tikni un bari berga, un tel hako baro ruk bud patjentsa, un tel hake wawar senele ruka, kai mangan le pengre chochene deblen an, un chatchran lenge latcho sungepaskro koowa. Un tumer dikenn un haiwenn, te hom me o baro Dewel.

Amos 8:3

An ko diwes giwenn i gipangre an o rajeskro kheer ropaskre gilja. An i tsele gaba un forja hi mule menshe tchiddo. Kolen witsran le pokones koi. Kowa penau me, o baro Dewel.

Zefanja 1:15

Kau diwes hi i diwes, kai o Debleskri choli pral i menshende well, i diwes pherdi daar un traash, i diwes, kai lauter paash dino un tele phagedo well, i diwes, kai tamlo well, un kali rati well, i diwes, kai kale wolke i phub tchakrenna,

Zefanja 1:7

Ma rakrenn tchi, te wenn glan o baro Debleste, maro rajeste! Ko diwes well sik, kai well o baro Debleskri choli pral i menshende. Kau diwes hi har i marepaskro diwes, kai viechen maredo wenn o Debleske un i chapen kerdo well. O baro Dewel kras ko chapen un das menshen khetne gole, te wenn le pash o chapen.