Zakarie 9:4 - O Debleskro Drom 2021 (Sinte)

⁴ O Dewel, maro rai, lell lenge krik, hoi len hi, un witsrell lengro brawlepen an o baro pani. Un o foro well tele chatchedo an i jag.

O Debleskro Lab 2024 (Sinte-Manouche)

⁴ O Devel, maro ray, lell lenge krik, hoy len hi, oun vitsrell lengro bravlepen an o baro pani. Oun o foro vell tele rhačedo an i yag.

Zakarie 9:4 ပူးပေါင်းရင်းမြစ်များ

Gosewe laba 10:2

Tchoredo brawlepen hi tchitcheske. O tchatchepen lell tut dran o merepen win.

Gosewe laba 11:4

O brawlepen hi i brawelenge tchi moldo ap ko diwes, kai o Debleskri choli pral i menshende well. Kol menshe, kai an o tchatchepen tardo hi, wenn win lino dran o merepen.

Jesaja 23:11

O baro Dewel hadas peskro wast pral o baro pani win, un anas traash pral i tsele rajengre themma. Job penas soreles, te wenn i sorele barrengre khera an o them Kanaan paash dino.

Ezekiel 26:17

Un jon giwenn kai ropaskri gili pral tute: Ach, har wal tu an kotja dino, tu sharedo sorelo foro! Pash o baro pani hals tchiddo. Tu un kolla, kai an tute djiwan, hans i raja ap o baro pani. Tumendar daras o tselo them.

Ezekiel 28:16

Har tiro parepah brawelo wal, rikral wawaren sorjah tele. Un jaake lal doosh ap tute. Koi krom me tut pale-tchiddo, un tradom tut tele miri bergatar. Tu bolepaskro, kai jak dal, tut tradom win dran koi platsa, kai i kutch barra hi, hoi dikenn win har jag.

Ezekiel 28:18

Har paral tiro koowa chochepah, anal bud doosh ap tute. Jaake kral tu tire deblengre khera pale-tchiddo. Doleske mukom mashkral an tiro foro i jag win te phagell, hoi chatchras o foro pre, te atchas tchi har tchik pral. Hakeno nai dikas har tuke djas.

Ezekiel 28:2

Tu mensho, pen ap o rajeste pral o foro Tirus: Kawa penell o baro Dewel, maro rai: Tiro dji hadas pes un penas: “Me hom i dewel! Un hom beshdo ap i debleskri beshepaskri mashkral dren an baro pani!” Ninna te kreh, har te wals i dewel, hal tchi har i mensho!

Ezekiel 28:8

Jon marenn tut. Un tu mereh har jek, kai o chareha maredo well – mashkral ap o baro pani.

Amos 1:10

Me bitchrau i jag ap i massurja trul o foro Tirus, hoi chatchrell leskre sorele khera tele.

Zakarie 9:5

I menshe an o foro Ashkelon shunenn kolestar un trashenna, un kolla an o foro Gaza lenn bari daar, ninna kolla an o foro Ekron. Len hi buder kek, kai rikrell peskro wast pral lende. An o foro Gaza dell buder kek baro rai, un an o foro Ashkelon djiwell buder kek Israelitari.