Zakarie 9:3 - O Debleskro Drom 2021 (Sinte)

³ I menshe an Tirus kran penge sorele massurja, un lan jaake bud rup un sonakai khetne har tchik ap o drom hi.

O Debleskro Lab 2024 (Sinte-Manouche)

³ I menshe an Tirus kran penge zorele massurya, oun lan yaake boud roup oun sonakay khetne har čik ap o drom hi.

Zakarie 9:3 ပူးပေါင်းရင်းမြစ်များ

2. Samuel 24:7

Palle wan jon an o sorelo foro Tirus un an kol tsele forja, kai kol Hiwarja un kol Kanaanitarja djiwan, un ninna an o them Negev an o them Juda bis pash o foro Beersheba.

1. Rajengro liil 10:21

Un i tsele pipaskre tchare o rajestar Salomo his dran sonakai, un ko tselo koowa an o kheer, hoi kharell Libanoneskro weesh, his dran djudjo sonakai, tchi his dran rup kerdo. Rup his an i diwessa, kai o Salomo o baro rai his, tchi moldo.

1. Rajengro liil 10:27

Un o baro rai kras, te his an o foro Jerusalem jaake bud rup har barra. Un i zedertikre ruka his jaake bud har i diwje faigetikre ruka an o telstuno them.

Hiob 22:24

Te hi tuke tiro sonakai gar budeder moldo har tchik, tiro latcheder sonakai gar budeder har kol barra an i tikne panja,

Hiob 27:16

Ninna te las job peske jaake bud rup khetne har tchik, un bud bud koola an-ripaske,

Hiob 3:15

Woms tchiddo mank i pralstunende, kolen sonakai his, un kolengre khera pherdo rup his.

Jesaja 23:11

O baro Dewel hadas peskro wast pral o baro pani win, un anas traash pral i tsele rajengre themma. Job penas soreles, te wenn i sorele barrengre khera an o them Kanaan paash dino.

Jesaja 23:8

Koon penas, te well kowa pral o foro Tirus? Ko foro, hoi jaake sorelo his, te tchiwas lo raja dren pral wawar themma. Leskre parepangre his har rajengre tchawe, un leskre bikepangre his mank i pralstunende ap i tseli phub.

Ezekiel 26:12

Un jon randenn tiro brawlepen un tchorenn, hoi tuke parepah khetne anal. Tire massurja wenn tele phagedo, un tire shukar khera paash kerdo. Kol barra un ko kasht un tchik, hoi pral atchell, wenn an o baro pani witsedo.

Ezekiel 27:27

Tiro brawlepen un parepaskro koowa, halauter hoi tut his, perell an o baro pani. Kol mursha, kai ap o shiffo budrenn, un les ulerenn, un kolla, kai krenn, te djal kek pani dren, tire parepangre, tire lurde, tire budepangre, kai an tute hi, halauter tassenn an o baro pani. Ap ko diwes kai tu djal tele, djan le halauter khetne tuha tele.

Ezekiel 27:33

Har tire parepangre pral o baro pani djan, un an bud themma o brawlepen anan, kral tu koweha, hoi tut o parepaske his i raja ap i phub braweles.

Ezekiel 27:34

Kanna hal an kotja phagedo, un an o baro pani tele witsedo. Un tiro parepen halauter tele djas. Un kolla, kai tuke budran, halauter an o pani tassan.

Ezekiel 28:1

Un o baro Dewel penas ap mande:

Amos 1:9

O baro Dewel penell: I menshe dran o foro Tirus kran pale te pale djungelo koowa. Jon dan i tsele pandlen an i wasta kolendar dran o them Edom, un bistran, kai hi i pandle lengre phrala, un kai phrala hunte rikrenn khetne. Doleske lenn le pengri phagi un khaitenn man gar.

Josua 19:29

Fun kotar djas o drom bis pash o foro Rama, un dureder bis pash ko sorelo foro Tirus, palle bis pash o foro Hosa un dureder bis pash o Baro Pani. An o them Asser his i forja Mahaleb, Achsib,