Zakarie 9:16 - O Debleskro Drom 2021 (Sinte)

¹⁶ Ap ko diwes lell len lengro baro Dewel win dran i tchilatche wasta. Job hi lenge har i bakrengro, kai dell garda ap peskre bakren. Har i kutch barra ap i rajeskri stadi krenn le o them shukar.

O Debleskro Lab 2024 (Sinte-Manouche)

¹⁶ Ap ko dives lell len lengro baro Devel vin dran i čilače vasta. Yob hi lenge har i bakrengro, kay dell garda ap peskre bakren. Har i kouč barra ap i rayeskri stadi krenn le o them shoukar.

Zakarie 9:16 ပူးပေါင်းရင်းမြစ်များ

Debleskri gili 100:3

Ma bistrenn: O baro Dewel kokres hi o Dewel! Job kras men, un leskre ham mer. Leskre menshe ham, un job hi menge har i bakrengro, kai djal glan leskre bakre un anell len kote, kai len doha chapaske hi.

2. Mose 28:21

Un tchin an lende i laba o Israeleskre tchawendar, kolendar i deesh-te-dui bare familje wenn. Tchin an hako bar jek lab.

2. Mose 28:9

Le dui kutch barra, hoi kharenna Onyx! Un an kolende muk i laba o Israeleskre tchawendar dren te tchinell:

Jesaja 40:10

Dikenn, o baro Dewel, maro rai, well bari sorjah. Un job hi o rai pral halauter. Kolen, kai job win las dran o pandepen, hi pash leste. Awa, kolen, kai job peske ginas, djan leske glan win.

Jesaja 54:12

I turme ap tire massurja hi dran rubine, tire wudja dran kristallo, un tire massurja dran shukar barra, hoi bud moldo hi.

Jesaja 60:14

Un i tchawe kolendar, kai rikran tut tele, wenn pash tute, un tchiwenn pen glan tute tele. Un kolla, kai praassan tut, witsrenn pen glan tire herja an i tchik. Un jon kharenn tut ‘foro o baro Deblestar’, un ‘Zion, o foro o Israeleskro Deblestar’.

Jesaja 60:3

Un i menshe dran wawar themma wenna, te dikenn le, har railo tu hal. Un lengre raja wenna, te dikenn le ko railepen, hoi pral tute pre djas.

Jesaja 62:3

Un tu weh har i kutch rajeskri stadi an o baro Debleskro wast, awa, i rajeskro shereskro an tiro Debleskro wast.

Jeremia 23:3

Un me lau khetne kolen, kai djido atchan mire menshendar dran i tsele themma, kai tradom len. Me anau len pale khere. Kote djal lenge mishto, un jon wenn pale bud menshe.

Jeremia 31:10

Shunenn, tumer menshe dran wawar themma, hoi o baro Dewel penell! Djan pral o baro pani pash i panjeskre themma, un rakrenn kote leskre laba! Penenn: Kowa, kai tradas o Israel an bud themma, kowa lell len pale khetne un dell garda ap lende har i bakrengro ap peskre bakre garda dell.

Jeremia 31:11

O baro Dewel lell o Jakobeskre tchawen win dran o wast o sorelestar.

Ezekiel 34:11

Kawa penell o baro Dewel, maro rai: Me hom kai, un me dikau kanna pal mire bakren un rodau len.

Ezekiel 34:12

Jaake har i bakrengro, kai pash peskre bakre hi, kolen rodell, kai nashran pen, jaake rodau me mire bakren, un lau len pale dran haki platsa, kai le tradedo wan ap ko djungelo kalo diwes.

Ezekiel 34:31

Awa, tumer mire menshe, han mire bakre, ap kolende jak dau. Un me hom tumaro Dewel. Kawa penell o baro Dewel, maro rai.

Micha 5:4

Un job anell lenge i latcho tsiro. Te wenn i lurde dran o them Assur an maro them, un phagenn an mare khera dren, tchiwah mer sorele pralstunen un rajen pre, te rikrenn le len pale.

Micha 7:14

Baro Dewel, de jak ap tire menshende, har i bakrengro jak dell ap peskre bakre! Tu rodal tuke tire menshen win, te wenn le tiro. Jon djiwenn kokres an o weesh. Trul lende hi bud them latcho senlepah. Muk len pale an i themma Bashan un Gilead te djal, te hatsenn le kote latcho senlepen har an o phuro tsiro.

Zefanja 3:20

An ko tsiro anau tumen khere. un anau tumen khetne. An ko tsiro dikenn tumer: Me krau, te well tumenge pale lauter mishto. Me krau tumen bares un an-dikles an i tsele themma ap kai phub. Kowa penell o baro Dewel.

Haggai 2:23

O baro Dewel, ko rai pral o bolepen un i phub penell: Ap ko diwes dau me tut, Serubbabel, miro tchatcho wast. Tu hal miro bitchepaskro. Tu hal mange jaake kutch har i gustri, koleha miro lab ap i liil tchiwau. Tut rodom win, te budress mange. Kowa penell o baro Dewel, ko rai pral o bolepen un i phub.

Zakarie 10:6

Un me krau o kheer Juda soreles, un wau ap i rig kolenge dran o kheer Josef. Man hi i baro dji lenge, un mukau len pale te djal an pengro them. Te wenn le jaake har jon his, har krom len gomme gar pale-tchiddo. Me, o baro Dewel, hom lengro Dewel un shunau lengro mangepen.

Zakarie 8:23

Kowa penell o baro Dewel, ko rai pral o bolepen un i phub: “An ko tsiro wenn deesh wi-themarja pash jek biboldo, taprenn les ap leskri baja, mangenn lestar un penenn: ‘Mer shunam, o Dewel hi tumentsa. Doleske muk men tumentsa te djal!’”

Louka 12:32

Ma darenn! Kate han tumer gar bud un gar an-diklo. O Dewel, kai hi tumaro dad an o bolepen, kowa kamella, te lenn tumer leskro brawlepen un railepen.

Johanni 10:27

Mire bakre shunenn ap miro rakepen. Un me prindjrau len. Un jon djan mange palla.