Zakarie 9:13 - O Debleskro Drom 2021 (Sinte)

¹³ Me kurau man i lurdentsa dran o grichtikro them. I menshe dran Juda hi miro kurepaskro bogo. I menshe dran Israel hi mire faile, un kol mursha dran Jerusalem hi miro charo, koleha len dau.

O Debleskro Lab 2024 (Sinte-Manouche)

¹³ Me kourau man i lourdentsa dran o grichtikro them. I menshe dran Youda hi miro kourepaskro bogo. I menshe dran Israel hi mire fayle, oun kol morsha dran Yerusalem hi miro rharo, koleha len dau.

Zakarie 9:13 ပူးပေါင်းရင်းမြစ်များ

Debleskri gili 144:1

I gili o Davidestar. Sharedo well o baro Dewel, kai rikrell peskre wasta pral mande. Job sikrell mange, har te kurap man. Mire wastenge sikrell lo har te dap i chareha.

Debleskri gili 149:6

Lengre muja denn bari gole, te sharenn le pengro Debles. An lengre wasta well len i charo, hoi ap dui rigja tchinella,

Debleskri gili 45:3

Tu hal shukeder har i wawar menshe. Dran tiro mui wenn latche laba. Tchatchepah o Dewel tchiwas peskri bacht ap tute, te atchell li hako tsireske ap tute.

Jesaja 49:2

Job kras miro rakepen har i charo, hoi mishto tchinell, un khatras man tel peskro wast. Un job kras mandar i failo, hoi dell mishto tchurje, un rikrell man khatedo har i faile an lengri possita.

Jeremia 51:20

Un job penell: Tu, foro Babilon, hals miro depaskro saster, miro kurepaskro tower; wawar natsjone dom tuha khetne, un wawar rajengre themma krom tuha paash.

Ropaskre gilja 4:2

I terne mursha dran o foro Zion, – kutch har o latcheder sonakai his le menge – kanna hi le gar budeder moldo har pirja, hoi kerdo wan dran tchik!

Amos 2:11

Tumare mursh tchawendar rodom sawen win, kai wan mire rakepangre. Un tumare terne murshendar rodom mange murshen win, kai mange kokres koi hi. Tumer Israelitarja, penenn mange: Hi kowa gar jaake? penell o baro Dewel.

Obadja 1:21

Un kolla ap i berga Zion, kai win lino wan dran o pandepen, len hi penepaske pral i Edomarja ap pengre berge. Un o baro Dewel hi o baro rai.

Efesarja 6:17

Ma bistrenn, te las tumen o Jesus Kristo dran o tchilatchepen un o merepen win! Kowa hi tumenge har i sasterni stadi ap tumaro shero. Lenn ninna o Debleskro lab an tumaro wast. Kowa hi har i charo, hoi dell tumen o Debleskro Ducho.

2. Timoteo 4:7

Me budrom phares o Jesuseske un dom miro patsepen gar pre. Me nashom jaake ap o Jesuseskro drom, har te woms i naashepaskro, kai nashell i rah drom. Kanna nashom o tselo drom.

Hebrearja 4:12

O Debleskro lab hi djido un sorelo, un tchinell sorleder har i charo, hoi tchinell ap dui rigja. Jaake har tchinell i charo dur dren an o mass, ninna an i kokale, jaake tchinell o Debleskro lab dur dren an o mensheskro dji, un sikrell leste, hoi hi latcho un tchilatcho an leskro djipen.

Debleskro tsiro 1:16

Un an leskro tchatcho wast his les efta bolepangre momlia. Un dran leskro mui was i charo, hoi ap dui rigja nai tchinella. Un leskro mui his har o kham.

Debleskro tsiro 17:14

Un jon kurenn pen ko terno bakreha. Un o terno bakro hi sorleder har jon. Job hi o rai pral i tsele rajende, un o pralstuno pral i tsele pralstunende. Un pash leste hi kolla, kolen job gole das un win rodas, kolla, kai ap leste patsenna.”

Debleskro tsiro 19:15

Un dran leskro mui well i charo win, hoi latches tchinella. Koleha kurell lo pes i menshentsa an i tsele themma, un well sorleder har jon. Job anell len i sasterno wasteha. Jaake har jek i drake paash stakrella, te well i mool win, jaake stakrell lo kolen paash, kai gar ap leste shunenna, un anell i choli o sorelo Deblestar ap lende.

Debleskro tsiro 19:21

Un kol wawar wan maredo o chareha, hoi dran o mui kolestar win djas, kai ap ko grai beshdo hi. Un i tsele tchirkle chan lengro mass, un wan tchalo.

Debleskro tsiro 2:12

“Tchin kau liil ap o Debleskro budepaskro, kai dell jak ap i patslende an o foro Pergamon: Kawa penell kowa, koles o charo hi, hoi ap dui rigja tchinella.