Zakarie 8:7 - O Debleskro Drom 2021 (Sinte)

⁷ Kowa penell o baro Dewel, ko rai pral o bolepen un i phub: “Awa, me lau mire menshen win dran o them, kai o kham pre djala, ninna dran o them, kai o kham tele djal.

O Debleskro Lab 2024 (Sinte-Manouche)

⁷ Kova penell o baro Devel, ko ray pral o bolepen oun i phoub: “Ava, me lau mire menshen vin dran o them, kay o kham pre djala, ninna dran o them, kay o kham tele djal.

Zakarie 8:7 ပူးပေါင်းရင်းမြစ်များ

Nehemia 1:9

Te rissrenn tumer pale trujel pash mande, un rikrenn mire laba un djiwenn pal lende, palle anau tumen pale ap koi platsa, hoi win rodom, te wap kote prindjedo. Kowa krau me, ninna te wans tumer krik tradedo bis an o palstuno kotar ap i phub.’

Debleskri gili 113:3

Mu well lo sharedo kotar, kai o kham pre djala bis kote, kai o kham tele djala!

Debleskri gili 147:2

O baro Dewel tchiwella Jerusalem pale pre, un lauteren, kai krik tradedo wan, anell job pale khetne.

Debleskri gili 50:1

I gili o Asafestar. O Dewel rakrell, o baro un sorelo Dewel dell i menshen ap i tseli phub gole, kotar, kai o kham pre djas bis kote, kai lo tele djal.

Jesaja 49:12

Dikenn, mire menshe wenn fun dural: dran i themma, hoi serwes un tchatches tchiddo hi, un fun kotar, kai o kham tele djal.

Jesaja 59:19

Palle taprell i daar i menshen ap i tseli phub glan o baro Debleste un leskro railepen. Job wella har i diwjo sorelo pani hoi nashella, koles o ducho o baro Deblestar glan peste phurdell.

Jeremia 31:8

Awa, me, o baro Dewel, anau len dran o them, hoi kote tchiddo hi, kai norden hi. Un anau len khetne dran i tsele themma ap i phub, ninna kolen, kai korelo, bango un an wawar koowa hi, ninna i terne daja. Kolla lauter hi bud bud menshe, kai wenn pale kai.

Ezekiel 11:17

Me, o baro Dewel, lengro rai, lau len khetne dran kol tsele themma un natsjone, an kolende jon tradedo wan, un dau len o them Israel pale.

Ezekiel 36:33

Kawa penell o baro Dewel, maro rai: An ko tsiro, kai me tumari doosh tumendar tele thowom, mukau tumen pale an tumare forja te djiwell. Palle nai krenn tumer i forja pale newes, kolendar kanna tchi har barra pral hi.

Zakarie 10:6

Un me krau o kheer Juda soreles, un wau ap i rig kolenge dran o kheer Josef. Man hi i baro dji lenge, un mukau len pale te djal an pengro them. Te wenn le jaake har jon his, har krom len gomme gar pale-tchiddo. Me, o baro Dewel, hom lengro Dewel un shunau lengro mangepen.

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

5. Mose 30:3

palle krell tumaro baro Dewel peskro dji tumenge pre un lell tumen dran o pandepen win. Un job anell tumen pale khetne un pale pale dran i tsele themma, kai lo tumen tradas.