Zakarie 8:16 - O Debleskro Drom 2021 (Sinte)

¹⁶ Kowa hi, hoi hunte krenn tumer: Rakrenn o tchatchepen jek o wawareha. Denn hakeneste peskro tchatchepen, te well o tchingepen krik lino.

O Debleskro Lab 2024 (Sinte-Manouche)

¹⁶ Kova hi, hoy hounte krenn t'mer: Rakrenn o čačepen yek o vavareha. Denn hakeneste peskro čačepen, te vell o čingepen krik lino.

Zakarie 8:16 ပူးပေါင်းရင်းမြစ်များ

Debleskri gili 15:2

Koles kokres, kai i djudjo djipen djiwell, un hako tsiro krell, hoi tchatcho hi. Kowa, kai kek chochepen rakrella,

Debleskri gili 34:15

Rikrenn tumen pale dran o tchilatchepen un krenn o latchepen! Tumari tseli sorjah krenn lauter, te well kek tchingepen mank tumende!

Gosewe laba 12:17

I mursh o labestar rakrell o tchatchepen win. I chocheno, kai dell glan, te penell lo, hoi lo dikas un shunas, anell chochepen pre.

Gosewe laba 12:19

O tchatcho rakepen atchell hako tsireske. Chochene laba rikrenn gar rah.

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Jeremia 22:3

Kowa penell o baro Dewel: Krenn hakeneske, hoi mishto un tchatcho hi! Un lenn kolen, kai wan wi-tchoredo dran kol tchilatchengre wasta win! Un lenn tchi krik kol menshendar, kai hi wi-themarja pash tumende, witar gar kol tchawendar, kolen kek dad buder hi, un kol romjendar, kolengro rom meras. Ma djan sorjah ap jekeste pre! Ma bitchrenn kolen an o merepen, kai kek doosh ap lende lan.

Ezekiel 18:8

Te patsas lo lowe win, lell lo peske gar budeder lowe pale. Job rikrell peskro wast pale, te krell lo kek tchilatchepen. Un an i tchingepen dell lo jak, te lell hakeno peskro tchatchepen.

Ezekiel 45:9

Kawa penell o baro Dewel, maro rai: Kanna hi doha! Tumer raja pral o Israel, herenn pre, te rikrenn i menshen i sorjah tele! Dukrenn len buder gar! Krenn, hoi mishto un tchatcho hi! Mukenn tele, te tradenn mire menshen dran pengre khera win! Kawa penell o baro Dewel, maro rai.

3. Mose 19:11

Ma tchorenn! Ma rakrenn chochepen! Ma krenn chocheno koowa jek o wawareske!

Amos 5:15

Dikenn tchilatches ap kowa, hoi tchilatcho hi, un dikenn latches ap kowa, hoi latcho hi! Dikenn koi pre, te lell kowa peskro tchatchepen, koon an o tchatchepen hi! Palle nai well o baro Dewel latches kolenge, kai dran o kheer Josef pral atchenn. Job hi o rai pral o bolepen un i phub.

Amos 5:24

Krenn lauter, te well hakeneske peskro tchatchepen! Mukenn o tchatchepen te nashell an o tselo them har i lengsto pani, hoi les hako tsiro pani hi.

Micha 6:12

I brawele an o foro lenn i tchorwelen win, un rikrenn len tele. Un tumer halauter an o foro han chochene un rakrenn chochepen.

Micha 6:8

Na-a, o baro Dewel penas menge, hoi latcho hi, un hoi lo mendar kamella: Kowa hi: Rike tut ap o tchatchepen, ab latches ap o wawareste, un dja o tselo djijestar tiro Debleha!

Zefanja 3:13

Un kol pral-mukle menshe an o them Israel krenn kek tchilatchepen, un chochenn gar, un rakrenn gar dui tchipjentsa. Lenge djal mishto, un jon djiwenn kote kek darjah.

Zakarie 7:9

Me, o baro Dewel, ko rai pral o bolepen un i phub, penom glan bud bersha mire menshenge: “Tumer hunte denn jak, te well o tchatchepen kerdo. Un hakeno hunte krell peskro dji pre peskro phraleske un well leske latches.

Zakarie 8:19

Kowa penell o baro Dewel, ko rai pral o bolepen un i phub: “Kol diwessa an o starto, pantchto, eftato un deshto tchon, kai i menshe tchi chan, te rodenn le man, kal diwessa wenn i bachtelo tsiro o khereske Juda. An kal diwessa giwenn un khelenn le i bachtjatar. Tumenge penau, rodenn o tchatchepen! Un denn jak, te well kek tchingepen mank tumende!”

Zakarie 8:3

Me wau pale ap i berga Zion un djiwau mashkral an o foro Jerusalem. Palle kharell pes Jerusalem ‘foro, kai rikrenn pen i menshe ap o baro Debleste’. Un i berga Zion, kai djiwau me, o baro Dewel, ko rai pral o bolepen un i phub, kai berga kharell ‘Debleskri berga’.”

Mateo 5:9

Bachtele hi kolla, kai krenna, te well kek tchingepen mank i menshende. O Dewel kharell len peskre tchawe.

Efesarja 4:17

Me penau tumenge soreles, hoi mange o rai Jesus penas: Ma djiwenn buder har kol menshe, kai prindjrenn o Debles gar! Kowa, hoi an lengro shero trujel djala, hi tchi moldo.

Efesarja 4:25

Ma chochenn buder! Mer ham lauter phrala un phenja. Doleske rakrenn o tchatchepen jek o wawareha!

1. Tessalonikarja 4:6

Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.