Zakarie 8:14 - O Debleskro Drom 2021 (Sinte)

¹⁴ Kowa penell o baro Dewel, ko rai pral o bolepen un i phub: “Har kran man tumare phure chojedo, kamom i bibacht pral lende te anell, un tchi rikras man kolestar pale.

O Debleskro Lab 2024 (Sinte-Manouche)

¹⁴ Kova penell o baro Devel, ko ray pral o bolepen oun i phoub: “Har kran man t'mare phoure rhoyedo, kamom i bibarht pral lende te anell, oun či rikras man kolestar pale.

Zakarie 8:14 ပူးပေါင်းရင်းမြစ်များ

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Debleskri gili 33:11

Kowa, hoi o baro Dewel kamell te krell, atchell soreles tardo, un kowa, hoi les an peskro dji hi, te krell lo, atchell jaake rah har menshe koi hi.

Jesaja 14:24

O baro Dewel, o rai pral o bolepen un i phub, penas un das pes sowel: Jaake har me les mange glan lom, jaake krau les ninna. Un jaake har an miro dji hi te krap, jaake well ninna.

Jeremia 20:16

Ko diwes te well har kol forja, kai o baro Dewel paash kras, un kolla les gar khaitan. Taissarlake mu shunell lo ropen un mashkral o diweske o kurepaskri gole.

Jeremia 29:11

Djinau mishto, hoi man tumenge an o shero hi: latcho koowa un gar tchilatcho koowa, te djal tumenge jaake har tumer kamenna.

Jeremia 31:28

Jaake har garda dom, te wan le win tserdedo un khetne phagedo, paash kerdo, un tele dino un dukedo, jaake dau palle garda, te wenn le pale bares un soreles, penell o baro Dewel.

Jeremia 32:42

Kowa penell o baro Dewel: Jaake har me pral kal tsele menshende kai bari bibacht anom, jaake mukau ninna ko tselo latchepen pral lende te well, kai me lenge penom.

Jeremia 4:28

I phub rowella, un o bolepen riwell pes an kalepen. Me, o baro Dewel penom, hoi kamau te krell, un kowa khaitell man gar, un mukau gar kolestar tele.

Ezekiel 24:14

Me, o baro Dewel penom kowa, un me krau les ninna jaake. Kau tsiro was, te krap kowa. Me rikrau man gar pale, te dap tumen i phagi, tumer khaitenn man gar. Me krau miro dji gar pre tumenge. Tumer lenn tumari phagi pal kowa har djiwan un hoi kran. Kowa penell o baro Dewel, maro rai.

Zakarie 1:2

O baro Dewel, ko rai pral o bolepen un i phub, penas leske, te penell lo i menshenge Israel: Me, o baro Dewel, homs chojedo pral tumare phurende.

Zakarie 1:6

Kol laba, hoi jon, mire budepangre, tumare phurenge penan, tapran len. Koi mukan le pengro tchilatcho drom, un penan: Kowa, hoi o baro Dewel, ko rai pral o bolepen un i phub, mentsa kras, hi i phagi maro tchilatcho djipaske un ko tchilatcho koowa, hoi kram, jaake har penas lo.