Zakarie 8:12 - O Debleskro Drom 2021 (Sinte)

¹² Na-a, kanna nai witsrenn le djob an i phub kek darjah. I drakengre ruka hidjrenn drake, i phub anell senlepen win, un o bolepen dell brishin. Un kolenge, kai pral atchan kal menshendar, dau kowa lauter, te atchell kowa lenge.

O Debleskro Lab 2024 (Sinte-Manouche)

¹² Na-a, kanna nay vitsrenn le djob an i phoub kek daryah. I drakengre rouka hidjrenn drake, i phoub anell zenlepen vin, oun o bolepen dell brishin. Oun kolenge, kay pral ačan kal menshendar, dau kova lauter, te ačell kova lenge.

Zakarie 8:12 ပူးပေါင်းရင်းမြစ်များ

1. Mose 26:12

O Isaak tchiwas djob an i phub an ko them. Un o baro Dewel tchiwas peskri soor koi pre. Jaake las o Isaak an ko bersh sheel kope jaake bud djob, har lo an i phub tchiwras.

1. Mose 27:28

Mu dell tut o Dewel brishin dran o bolepen un bud chapaske dran i phub, bud djob un mool.

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

Debleskri gili 72:3

Kote, kai job o baro rai hi, djiwenn i menshe i latcho djipen o Debleha, un tchatchepen well an o tselo them, ninna ap peskre tikne un bare berge.

Debleskri gili 85:12

Kate ap kai phub rikrah mer soreles ap o Debleste. Un dran o bolepen well o Debleskro tchatchepen ap mende.

Gosewe laba 19:12

Har koi gole, hoi i lewo dell, hi i choli o baro rajestar. Un leskro latchepen hi har o brishin ap i phub, hoi krell lat pale sapeno.

Jesaja 30:23

Palle dell o baro Dewel brishin ap o djob, hoi tu ap tiro kotar phub win witsral. Un tiri phub anell jaake bud djob win, te well tut budeder har doha maro. Un tire viechen well doha senlepen te chal ap i buchlo senelo them.

Jesaja 61:7

Tumer hidjran bari ladj un praassepen, doleske lenn tumer kanna i baro them un i bacht, hoi atchella hako tsireske.

Jeremia 31:12

Jon wenna pral ap i berga Zion, un denn gole i bachtjatar, un wenn bachteles pral kowa, hoi o baro Dewel len dell: djob, mool, djet un terne bakre un grumja. Lengre djia wenn sorelo har i garta, kolat hako tsiro doha pani hi. Un lenge hi buder gar ropaske.

Ezekiel 34:28

Un i menshe dran wawar themma randenn len buder gar win. Un i diwje vieche chan len buder gar. Jon nai djiwenn kek darjah. Un kek krell lenge buder traash.

Ezekiel 36:12

Un me mukau pale mire menshen Israel ap tumende te djiwell. Tumer berge wenn pale lengro them, kai djiwenn le hako tsiro. Un tumer krenn buder gar, te merenn lengre tchawe i bokatar.

Ezekiel 36:30

Me krau, te anenn i ruka bud rukengre. Un kowa hoi ap i phub pre djal, well bud un budeder. I menshe dran wawar themma nai san buder gar pral tumende, doleske, kai hi tumen tchi te chal.

Ezekiel 36:9

Tumer dikenn: Me hom ap tumari rig, un dikau latches ap tumende. Un ap tumende budrenn pale hache un witsrenn djob win ap i phub.

Hosea 13:3

Doleske hi le har i wolka, hoi taissarlakro sik krik djal, un har ko pani, hoi ap o senlepen hi, un sik buder gar koi hi. Awa, har o phuss hi le, hoi well dran i platsa win phurdedo, kai o djob win dino was, un har i jagakro ducho, hoi tserdell dran i wochni win.

Hosea 14:5

Jaake penell o baro Dewel: Me anau mire menshen pale ap miro drom, kai le tele peran. Me kamau len o djijestar, un hom buder gar chojedo ap lende.

Joel 2:19

Job penell lenge: Tchatchepah, me bitchrau tumen djob, mool un djet jaake bud, te nai chan tumen tchalo. Un i menshe dran wawar themma nai praassenn tumen buder gar.

Joel 2:22

Tumer diwje vieche, ma darenn! I phub well senelo, un i ruka hidjrenn pengre rukengre. Dell bud faige un drake.

3. Mose 26:3

Te djiwenn jaake, har me tumendar kamau un rikrenn kowa hoi me penom,

Zefanja 3:13

Un kol pral-mukle menshe an o them Israel krenn kek tchilatchepen, un chochenn gar, un rakrenn gar dui tchipjentsa. Lenge djal mishto, un jon djiwenn kote kek darjah.

Haggai 1:10

Doleske well dran o bolepen kek pani, un dran i phub well kek senlepen.

Haggai 2:18

Kau diwes hi o 24. (biish-te-starto) diwes an o enjato tchon. Kau diwes tchiwan tumer i telstune barra miro khereske jek ap o wawar. Kanna denn garda, har tumenge kau diwesseha djala!

Haggai 2:19

An tumare djobengre khera atchell doha djob. I drakengre ruka hidjrenn pale drake, i faigetikre ruka hidjrenn faige, i granatikre phabjengre ruka hidjrenn phabja, un i djeteskre ruka hidjrenn djeteskre drake. Kau diwesseha tchiwau miri bacht un miri soor ap tumaro them.

Zakarie 8:6

O baro Dewel, ko rai pral o bolepen un i phub, penell: “Ninna te patsenn kolla i Israelendar, kai palle pral atchan: ‘Kowa nai well gar’, krau me, te well kowa jaake. Kowa penell o baro Dewel, ko rai pral o bolepen un i phub.”

Maleachi 3:11

Un me rikrau i stepangren dur krik tumari phubjatar, te chan le gar kowa pre, hoi kote baro was. Un tumare drakengre ruka wenn pherde drake. Ko penell o baro Dewel, ko rai pral o bolepen un i phub.

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

1. Korintarja 3:21

Doleske hunte sharell pes kek mensho, koon peskro sikepaskro hi. Lauter hi tumaro:

5. Mose 32:2

Kowa hoi me tumen sikrau, hi har o brishin ap o senlepen. un miro rakepen har i sapeno ducho ap o khass.

5. Mose 33:13

Pral o kheer Josef penas lo: O baro Dewel hi latcho leske, un dell les doha brishin ap leskro them, un panja, hoi wenn dran i phub.

5. Mose 33:28

Un jaake nai djiwell o Israel kek darjah kote. Kek kamell tchingepen o Jakobeskre tchawentsa. An lengro them well djob un mool baro. Un o bolepen dell doha brishin.

Jakobo 3:18

Kolla, kai lenn o tchingepen mank i menshende krik, kolendar well latcho koowa, kai atchell hako tsiro.