Zakarie 7:9 - O Debleskro Drom 2021 (Sinte)

⁹ Me, o baro Dewel, ko rai pral o bolepen un i phub, penom glan bud bersha mire menshenge: “Tumer hunte denn jak, te well o tchatchepen kerdo. Un hakeno hunte krell peskro dji pre peskro phraleske un well leske latches.

O Debleskro Lab 2024 (Sinte-Manouche)

⁹ Me, o baro Devel, ko ray pral o bolepen oun i phoub, penom glan boud bersha mire menshenge: “T'mer hounte denn yak, te vell o čačepen kerdo. Oun hakeno hounte krell peskro dji pre peskro phraleske oun vell leske lačes.

Zakarie 7:9 ပူးပေါင်းရင်းမြစ်များ

2. Samuel 9:7

Un o David penas ap leste: “Ma traash! Me kamau latchepen ap tute te krell. Kowa krau tiro dadeske Jonatan. Ko tselo brawlepen tiro papestar Saul kamau tuke pale te dell. Un tu nai chah hako diwes ap miri chapaskri.”

Hiob 31:20

dom me leste koola kerdo dran i balla mire bakrendar, te was leske tato. Un job parkras pes pash mande o tselo djijestar.

Hiob 6:14

Kones kek dji hi peskro maleske, koles hi gar o sorelo Dewel glan i jaka pash kowa, hoi lo krell.

Gosewe laba 21:3

Te djah o tchatcho drom un djiweh pal o Debleskro tchatchepen, hi kowa o baro Debleske budeder moldo har te anals leske viechen.

Jeremia 21:12

Tumer dran o Davideskri familja! Kowa penell o baro Dewel: Hako diwes, te rakrenn o tchatchepen win, denn jak, te lell hakeno peskro tchatchepen! Un lenn kolen, kai wan tele rikedo, dran kol tchilatchengre wasta win! Te krenn kowa gar, well miri choli pral tumende, har i jag, kai nai krell kek win. Tumer kran jaake bud tchilatchepen!

Jeremia 22:3

Kowa penell o baro Dewel: Krenn hakeneske, hoi mishto un tchatcho hi! Un lenn kolen, kai wan wi-tchoredo dran kol tchilatchengre wasta win! Un lenn tchi krik kol menshendar, kai hi wi-themarja pash tumende, witar gar kol tchawendar, kolen kek dad buder hi, un kol romjendar, kolengro rom meras. Ma djan sorjah ap jekeste pre! Ma bitchrenn kolen an o merepen, kai kek doosh ap lende lan.

Jeremia 7:23

Me penom lenge: Shunenn ap miro lab, palle kamau me tumaro Dewel te well, un tumer han mire menshe. Djan ap ko drom, kai me tumenge penom, palle djal tumenge mishto.

Jeremia 7:5

Mukenn tumaro phuro drom un tumaro phuro djipen, un awenn latcho ap hakeneste!

Ezekiel 18:8

Te patsas lo lowe win, lell lo peske gar budeder lowe pale. Job rikrell peskro wast pale, te krell lo kek tchilatchepen. Un an i tchingepen dell lo jak, te lell hakeno peskro tchatchepen.

Ezekiel 45:9

Kawa penell o baro Dewel, maro rai: Kanna hi doha! Tumer raja pral o Israel, herenn pre, te rikrenn i menshen i sorjah tele! Dukrenn len buder gar! Krenn, hoi mishto un tchatcho hi! Mukenn tele, te tradenn mire menshen dran pengre khera win! Kawa penell o baro Dewel, maro rai.

Hosea 12:7

Tumer Israelitarja, awenn pale pash tumaro Debleste! Krenn, hoi latcho un tchatcho hi! Hako tsiro rikrenn tumen ap tumaro Debleste!

3. Mose 19:15

Te well o tchatchepen win kerdo, palle de koles peskro tchatchepen, koles tchatcho hi! Ma tserde koles glan, kai tchorwelo hi, witar gar koles, kai brawelo hi. Hakeno hunte lell peskro tchatchepen.

Amos 5:24

Krenn lauter, te well hakeneske peskro tchatchepen! Mukenn o tchatchepen te nashell an o tselo them har i lengsto pani, hoi les hako tsiro pani hi.

Micha 6:8

Na-a, o baro Dewel penas menge, hoi latcho hi, un hoi lo mendar kamella: Kowa hi: Rike tut ap o tchatchepen, ab latches ap o wawareste, un dja o tselo djijestar tiro Debleha!

Zakarie 7:7

Kawa hi kowa, hoi o baro Dewel mukas te penell dran o mui leskre rakepangre, kai glan mande koi his, har o foro Jerusalem brawelo his, un bud menshe kote djiwan, ninna an i forja trujel un an ko mulo them, hoi kharell Negev, un an o telstuno them.

Zakarie 7:8

Kau lab penas o baro Dewel ap o Sacharja:

Mateo 23:23

Tumer tchatchepangre un Farisarja! Kowa, hoi tumer krenna, ko hi gar mishto! Tumaro patsepen hi chochepen. Tumer denna o Debleste o deshto kotar dran hako senlepen an tumari baar. Un tumer bistrenn ko bareder koowa, hoi o Dewel tumendar kamella: O tchatchepen, un o kamlepen, un o patsepen. Kawa hunte krenn, un ko wawar gar mukenn!

Louka 11:42

Tumer Farisarja, hoi tumer krenna, ko hi gar mishto. Tumer denna o Debleske o deshto kotar tumaro tselo senlepastar, hoi an tumari baar hi, un tumer bistrenn o tchatchepen un o Debleskro kamlepen. Kawa hunte krenn, un ko wawar mukenn gar!

Johanni 7:24

Tumer te penenn, kai i mensho i doosh ap peste anas, palle djan pal o tchatchepen un gar pal kowa, hoi dikenn tumare jakentsa!”

Johanni 7:51

“Pal maro tchatchepen nai dah kekes i phagi, te shunam gar lestar, hoi job rakrell pral kowa win. Mer dah ninna kekes i phagi, te djinah gar, hoi job kras.”

5. Mose 22:1

Te nashrell pes i grumni oder i bakro, hoi i wawar Israelitares hi, un tu dikeh les, palle wess leske ap i rig un aness les tiro phraleske pale.