Zakarie 5:4 - O Debleskro Drom 2021 (Sinte)

⁴ O baro Dewel, ko rai pral o bolepen un i phub, penell, ko praassepen te well pral o tchorepaskro kheer un an o kheer kolestar, kai dell pes i chocheno sowel an o lab o baro Deblestar. Ko liil atchell an lengre khera, un chal len pre, ninna lengro kasht un lengre barra.”

O Debleskro Lab 2024 (Sinte-Manouche)

⁴ O baro Devel, ko ray pral o bolepen oun i phoub, penell, ko praasepen te vell pral o čorepaskro kheer oun an o kheer kolestar, kay dell pes i rhorheno sovel an o lab o baro Deblestar. Ko liil ačell an lengre khera, oun rhal len pre, ninna lengro kasht oun lengre barra.”

Zakarie 5:4 ပူးပေါင်းရင်းမြစ်များ

Hiob 18:15

An leskro kheer djiwenn palle kolla, kai gar lestar wenn. Un ap leskro kheer wenn jagakre barra witsedo.

Hiob 20:26

Leskro tselo kutch koowa well paash kerdo. Un i jag, hoi kek mensho tchiwas, chatchrell les pre, un kolla, kai an leskro kheer pral atchan.

Hiob 8:15

Rikrell lo pes ap peskro kheer, phagell kowa khetne. Rikrell lo pes ap kowa, hoi les hi, atchell kowa gar.

Hiob 8:22

Kolla, kai kamenn tuke tchilatchepen te krell, hunte ladjenn. Un i khera i tchilatchendar atchenn gar tardo.

Gosewe laba 3:33

O baro Dewel tchiwell i bibacht ap o kheer i tchilatchendar, un bacht ap o kheer kolendar, kai an o tchatchepen tardo hi.

Jesaja 24:6

Doleske chal i bibacht i tseli phub pre. Un kolla, kai koi djiwenn, lenn pengri phagi. Bud un budeder merenn. Un gar bud atchenn djido.

Jeremia 2:26

Har i tchorepaskro hunte ladjell peske, te well job tapedo, jaake hunte ladjenn penge kol menshe an o them Israel, ninna kol bare raja, un pralstune un rashaja un Debleskre rakepangre,

Hosea 4:2

Kowa, hoi pash tumende hatslo well hi koshepen, chochepen, tchorepen, menshe wenn mulo dino, un bud mursha chochenn pengre romjen, un bud djuwja pengre romen. Un jon marenn jekes pal o wawares.

Hosea 4:3

Doleske trushell o them, un i menshe merenn; ninna i diwje vieche, i tchirkle un i matche hunte merenn.

Amos 3:10

Jon dikenn gar ap o tchatchepen, penell o baro Dewel. Jon lenn penge brawlepen khetne an pengre khera, hoi tchoran le un lan le sorjah i wawarendar krik.

Zakarie 5:3

Un job penas ap mande: “Kowa hi o praassepen, hoi djal win pral o tselo them Juda. Kau liil penell: Hakeno, kai chochell, well win tradedo dran o them. Ninna hakeno, kai dell i chocheno sowel, well krik lino.

Zakarie 8:17

Kek te lell pes tchilatchepen glan, te anell lo ap o wawareste. Ma denn tumen i chocheni sowel! Kowa lauter hi djungeles an mire jaka”, penell o baro Dewel.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

5. Mose 28:16

Bibacht well ap tumende an o foro un ap tumari hachetikri phub.

5. Mose 7:26

Tumer hunte anenn kek sawi figura an tumare khera, te wenn tumer gar lentsa khetne mulo dino. Tchatchepah, dikenn ap lende har ap i djungelo koowa, un denn len paash.

Josua 9:20

un kamah maro sowel, hoi dam, te rikrell, un mukah len te djiwell, te well gar i choli o Deblestar pral mende. Kowa kamah lentsa te krell: