Zakarie 3:8 - O Debleskro Drom 2021 (Sinte)

⁸ Shun kanna, Jeshua, tu baro rashai: Tu un tire phrala, kai glan tute beshdo hi, tumer han i sikepen, hoi o baro Dewel kamell te krell an o tsiro, hoi wella: Me bitchrau miro budepaskres, kai kharell ‘newo ruk’.

O Debleskro Lab 2024 (Sinte-Manouche)

⁸ Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.

Zakarie 3:8 ပူးပေါင်းရင်းမြစ်များ

Debleskri gili 71:7

Ninna te patsenn bud, kai praassal tu man, hal tu mange har i sorelo kheer, kai nai khatrau man.

Jesaja 11:1

Jaake har well i tikno newo kasht dran i tele dino ruk, un i newo tikno ruk mank leskre draba win, jaake well i newo baro rai dran o Davideskro kheer.

Jesaja 20:3

Palle penas o baro Dewel: Jaake har miro budepaskro, o Jesaja, triin bersha nanges un pirkenes trujel nashas, te sikrell lo, hoi pral i themma Egiptia un Etiopia wella,

Jesaja 4:2

I tsiro wella, kai krell o baro Dewel peskro them Israel railo un shukar. Un kolla, kai pral atchan un an o them djiwenn, hi bachtelo pral ko bud latcho koowa, hoi i phub win anell. Un wawar menshe sharenn len koleske.

Jesaja 42:1

O baro Dewel penell: Ake, miro budepaskro; les hi miro wast. Me rikrau les, un rodom les mange win, un hom bachtelo pral leste. Miro ducho tchiwom ap leste, te anell lo miro tchatchepen pash i menshende an i tsele themma.

Jesaja 49:3

Un job penas ap mande: Miro budepaskro hal tu, Israel, ap tute sikrau miro railepen.

Jesaja 49:5

Kowa his o baro Dewel, kai kras man jaake, te wap leskro budepaskro, har gomme gar boldo wom. Job kamell, te anap o Jakobes pale pash leste, jaake te well o tselo Israel pash leste khetne. Un miri budi hi bud moldo an i jaka o baro Deblestar. Miro Dewel was miri soor. Kanna shunenn, hoi lo penas:

Jesaja 52:13

Dik, kowa, hoi miro budepaskro krell, djal leske mishto. Job well sharedo un bares kerdo, un well dur pral tardo.

Jesaja 53:11

Job las jaake bud daar un duka ap peste, doleske dikell job ninna i momeli, un leskro dji well tchalo. Miro budepaskro hi tardo an o tchatchepen. Un dran kowa lauter, hoi ap leste was, nai tchiwell job ninna bud menshen an o tchatchepen. Un lengri doosh lell job ap peste.

Jesaja 53:2

Job was baro glan o baro Debleste har i sano terno ruk, har i drab hoi dran i truk phub well. Les his kek shukapen un kek barepen. Un har mer les dikam, hatsam tchi, hoi an mare jaka shukar wals.

Jesaja 8:18

Me un kol tchawen, kai o baro Dewel man das, ham har i sikepen, hoi sikrell, hoi kamell o baro Dewel te krell an Israel, job, ko rai pral o bolepen un i phub, kai hi khere ap i berga Zion.

Jeremia 23:5

Ko diwes wella, penell o baro Dewel, kai mukau dran o Davideskri familja i mursh bares te well. Kowa hi an o tchatchepen tardo. Job well i latcho baro rai, un rikrell pes ap o Debleskro tchatchepen, un krell hoi mishto un tchatcho hi an o them.

Jeremia 33:15

An kol diwessa mukau i baro rai dran o Davideskri familja pre te stell, kai hi an o tchatchepen tardo. Kowa krell hoi mishto un tchatcho hi an o tselo them.

Ezekiel 12:11

Ap kowa, hoi krom, nai dikenn le, har lenge djal. Me hom lenge i sikepen: Jon hunte djan penge un wenn pandles krik anlo.

Ezekiel 12:6

Glan lengre jaka le halauter ap tiri phik! Un har tamlo was, dja win! Un tchip i diklo trul tire jaka, jaake te dikess gar o them, hoi mukeh. Kamau, te wess i sikepen i Israelenge, hoi sikrell lende, har dau len trad.

Ezekiel 24:24

O Hesekijel hi i sikepen tumenge. Jaake har job kras, krenn tumer palle ninna. Ap ko diwes, kai well kowa, djinenn un haiwenn tumer, te hom me o baro Dewel, tumaro rai.

Ezekiel 34:29

Me krau lengro them, te well lo i shukar baar, hoi hi prindjedo ko latchepaske, hoi kote baro well. Kek lendar hunte bokell buder gar. Un i menshenge an wawar themma hi le buder gar sapaske.

Ezekiel 37:24

Un jek dran i familja o Davidestar, kai hi har o David miro budepaskro, well lengro baro rai. Job well i bakrengro kolenge halauterenge, un dell jak ap lende. Un jon djiwenn pal mire tchatchepaskre laba un krenn, hoi lendar kamau.

Zakarie 6:12

Un pen leske: Kowa penell o baro Dewel, ko rai pral o bolepen un i phub: Ko mursh, kai well kharedo ‘newo ruk’, well baro ap peskri platsa. Un job krell o baro Debleske i newo kheer.

Louka 1:78

Maro Debles hi i baro dji menge. Leskro kamlepen well pash mende. Kowa hi har o kham, hoi djal pre ap o bolepen,