Zakarie 2:9 - O Debleskro Drom 2021 (Sinte)

⁹ Me kokres, penell o baro Dewel, wau i jagakri massuri trul o foro, un djiwau kote, un krau ko foro sorelo un shukar.’”

O Debleskro Lab 2024 (Sinte-Manouche)

⁹ Me kokres, penell o baro Devel, vau i yagakri massouri troul o foro, oun djivau kote, oun krau ko foro zorelo oun shoukar.”

Zakarie 2:9 ပူးပေါင်းရင်းမြစ်များ

Jesaja 10:32

I lurde dran o them Assur atchenn an o foro Nob. Lengro baro rai hadell peskro wast, te dell lo trad o fores Jerusalem ap i berga Zion.

Jesaja 11:15

Un o baro Dewel mukell i kotar o baro panjestar pash o them Egiptia truk te well. Un leskro wast mukell i sorelo tato ducho pral o pani Eufrat te djal, te atchenn lestar kokres efta tikne panja pral, hoi nashenn, jaake te nai djan le pengre kirchentsa koi wergel.

Jesaja 12:6

Giwenn un denn gole i bachtjatar, tumer, kai djiwenn an o foro Zion. O Israeleskro Dewel hi bares mashkral tumende.

Jesaja 13:2

Ap i bari nangi berga tchiwenn i sikepen pre! Denn soreles i lurden khetne gole! Sikrenn len i wastentsa, te djan le dren an o foreskre wudja, kai i raja djiwenn.

Jesaja 14:2

Un menshe dran wawar themma anenn i Israelitarjen an ko them pale, hoi o baro Dewel len das. Un kol wi-themarja, mursha un djuwja, wenn lengre budepangre. Un kolla, kai i Israelitarjen pandles krik lan, kolen lenn jon pandles, un wenn i raja pral kolende, kai rikran len tele.

Jesaja 19:16

Ap ko diwes darenn i Egiptarja har djuwja; jon trissenn i trashatar glan o baro Debleste, ko rajeste pral o bolepen un i phub, ap ko diwes, kai hadell lo peskro wast, te dell lo len.

Jesaja 26:1

Ap ko diwes giwenn le kai gili an o them Juda: Men hi i sorelo foro. O Dewel tchiwas sorele massurja trul mende, te krell kek menge tchilatchepen.

Jesaja 33:1

Djungeles djal tuke, kai tu lauter khetne dal, un kokres wal gar khetne dino. Djungeles djal tuke, tu phukepaskro, ap koleste kek phukras. Pal kowa, kai dal halauter khetne, weh tu ninna khetne dino. Pal kowa, kai phukral ap hakeneste, phukrenn le ap tute ninna.

Jesaja 33:21

Kote hi o baro Dewel soreles pash mende. Job hi maro tchatchepaskro rai, un kowa, kai menge glan djal, awa, maro baro rai, kai men dran o merepen win lell. Un o foro hi tchiddo pash buchle lengste panja. Un kek bero ulerell ap lende. Un kek kurepaskro shiffo ulerell ap lende trujel.

Jesaja 33:23

Te well jek shiffo, palle hi lengre pesse shelle gar soreles pandlo, un nai rikrenn ko mashkralstuno pesso kasht gar. Un kol plachte hi gar buchles kerdo. Palle wenn kolla, kai pash o pani djiwenn un lenn, hoi le hatsenn. Ninna kolla, kai bango djan, hidjrenn tchomone krik, – jaake bud hi koi.

Jesaja 4:5

Pral i tseli berga Zion un pral kai platsa, kai wenn le khetne, bitchrell o baro Dewel palle jek wolka ap o diwes, un i jagakro ducho an i rati. Jaake tchakrell lo o foro peskro railepah

Jesaja 48:16

Stakrenn glan mande, un shunenn kawa! Glan i rah tsiro penom tumenge, hoi wella. Kowa penom gar an i khatepen. Har kowa was, homs koi. Un kanna bitchras man o baro Dewel, maro rai, un das man peskro ducho.

Jesaja 60:18

I kurepaskri gole well gar buder shunlo an tiro them. Paash-dine forja un kurepen dell gar buder koi. Na-a, mank tire massurja krell kek tuke tchilatchepen, un tu shareh man koleske.

Jesaja 60:19

Tut hunte well buder gar o kham ap o diwes, witar gar o tchon an i rat, te well tut i momeli. Na-a, o baro Dewel well tuke i momeli hako tsireske. O railepen tiro Deblestar well tiri momeli.

Jeremia 27:7

I menshe dran i tsele themma hunte budrenn leske un leskro tchaweske, un koleskro tchaweske, bis te well ko tsiro, kai nashrell ninna leskro them peskri soor. Un menshe dran wawar bare themma un lengre sorele bare raja wenn i raja pral lende.

Jeremia 28:9

I rakepaskro, kai penell bacht glan-wi, kolestar djinenn le gar, hi lo bitchedo o baro Deblestar oder gar. Kowa well diklo, te well kowa tchatcho, hoi lo glan-wi penas.”

Jeremia 8:19

Dran o tselo them shunau me, har denn mire menshe gole. Kamell o baro Dewel buder gar o Dewel an Zion te well? Hi o fores Zion buder kek baro rai? Hoske kran jon man jaake chojedo [penell o baro Dewel], har mangan le pengre figuren un chochene deblen an, kai kekeske ap i rig wenna?

Ezekiel 39:10

Un jon hunte lenn buder kek kasht an o weesh khetne, witar gar hunte denn le ruka tele, te well len jagakro kasht. Na-a, kol karmangre lenn le un krenn lentsa pengri jag. Un jon randenn kolen win, kai kaman len win te randell. Kolla, kai kaman pash lende te tchorell, wenn kanna lendar win tchoredo. Kawa penell o baro Dewel, maro rai.

Joel 2:27

Un tumer Israelitarja dikenna, te hom me mashkral tumende. Me, o baro Dewel, hom tumaro Dewel un kek wawar. Un tumer, mire menshe, wenn an kek tsiro buder praassedo.

Habakuk 2:17

Tu dal i ruka ap i berga Libanon tele. Tu maral i viechen, kai kote djiwan. Lengri daar well kanna tiri daar. Tu maral bud menshen, kral lengro them un lengre forja paash, un djal sorjah ap halauterende, kai kote djiwenn. Ko tchilatchepen, hoi kral, well kanna pale ap tiro shero.

Habakuk 2:8

Tu tchoral i menshen an bud themma win. Tu maral bud lendar, kral lengro them un lengre forja paash, un djal sorjah ap halauterende, kai kote djiwenn. Doleske tchorenn tut kanna kolla win, kai djido atchan.

Zefanja 2:9

Me, o baro Dewel, kai hom o rai pral o bolepen un i phub un o Israeleskro Dewel, me dau man sowel pash miro djipen: Ko diwes wella, kai djal kol themenge Moab un Ammon har i forjenge Sodom un Gomorra. Hako tsireske wenn kal themma i mulo them, kai loneskre grube hi, un diwjo senlepen bares wella. Kolla, kai mire menshendar djido atchan, jon randenn len win, un lenn penge ninna lengro them.

Zefanja 3:15

O baro Dewel las tumari phagi tumendar krik, un tradas kolen krik, kai rikran tumen tele. O baro Dewel hi o baro rai pral Israel, un hi pash tumende. Tumer hunte trashenn buder kek bibacht.

Zakarie 2:11

Stenn pre, tumer menshe dran Zion, kai djiwenn an o them Babilonia, nashenn tumenge!”

Zakarie 2:8

Un o ersto penas ap o wawareste: “Naash un pen ko terno mursheske i dorjah: ‘An o foro Jerusalem wenn jaake bud menshe un vieche, te nai wenn kek massurja trul leste.

Zakarie 4:9

Un job putchas: “Djineh gar, hoi kolla hi?” Me penom: “Na-a, miro rai.”

Zakarie 6:15

Dran dur themma wenna kolla, kai krenn o baro Debleskro kheer. Un palle dikenn tumer, kai o baro Dewel, ko rai pral o bolepen un i phub, kowa hi, kai bitchras man pash tumende. Te krenn tumer kowa, hoi tumaro baro Dewel tumenge penell, wella kowa halauter jaake.

Zakarie 9:15

O baro Dewel, ko rai pral o bolepen un i phub, rikrell peskre wasta pral peskre menshende. Jon wenn i sorleder un stakrenn i barra tele, hoi ap lende witsedo wan. Jon pijenn un denn gole har te wans le mato i moljatar. Jon wenn jaake pherdo rat, har i tcharo pherdo viechengro rat hi, hoi well win tchoredo o Debleske ap leskri chatchepaskri, un hoi nashell pral i rigja tele.

Johanni 13:19

Me penau tumenge kowa kanna, te patsenn tumer, te wella kowa. Ap ko tsiro djinenn tumer, kai me hom kowa, koon me hom.

Johanni 16:4

Te well ko tsiro, hunte djinenn tumer, kai kowa jaake wella, har me les tumenge penom. Me penom tumenge kowa gar, har homs pash tumende. Kanna penau tumenge kowa.