Zakarie 14:7 - O Debleskro Drom 2021 (Sinte)

⁷ Hi jek diwes, – o baro Dewel prindjrell les. Pal o diwes well kek rat. An ko tsiro, kai rati hunte wals, well gar tamlo.

O Debleskro Lab 2024 (Sinte-Manouche)

⁷ Hi yek dives, – o baro Devel prindjrell les. Pal o dives vell kek rat. An ko tsiro, kay rati hounte vals, vell gar tamlo.

Zakarie 14:7 ပူးပေါင်းရင်းမြစ်များ

Debleskri gili 37:18

O baro Dewel prindjrell i diwessa kolendar, kai ap leste shunenna pengro tselo djijeha, un lengro them atchell lenge hako tsireske.

Jesaja 11:9

Ap o Debleskri berga Zion krell buder kek tchilatcho koowa, witar gar dukrell jek i wawares. Jaake har o baro pani pherdo pani hi, jaake well i tseli phub pherde menshe, kai prindjrenn o baro Debles.

Jesaja 24:23

Un o tchon well lolo i ladjatar, un o kham ladjell pes un khatrell pes. O baro Dewel, ko rai pral o bolepen un i phub, well o baro rai ap i berga Zion an o foro Jerusalem. Un i phureder dikenn leskro railepen.

Jesaja 30:26

An ko tsiro, kai pandell o baro Dewel i pandepen trul o dukepen peskre menshendar, hoi job len das, un krell lengro nasselo un ratlo mass pale sasto, hi o tchon jaake sorelo har o kham. Un o kham hi efta kope sorleder har kanna.

Jesaja 45:21

Awenn un sikrenn, te hi tumen tchatcho. Rakrenn khetne un krenn win, hoi kamenn te penell! Koon hi kowa, kai mukas glan i rah tsiro te shunell, hoi kanna djal? Koon penas kowa glan-wi? Homs me kowa gar, o baro Dewel? Un dell kek wawar Dewel har man. Me hom i Dewel, kai o tchatchepen penell un krell. Un i Dewel, kai dran o merepen win lell, hom me kokres un kek wawar.

Jesaja 58:10

Tu dess tiro maro koles, kai bokell, un dess koles, kai les gar doha djipaske hi, lauter, hoi les hunte well. Palle djal tuke o kham pre an o kalepen, kai tu djiweh. Un tiri rati well har o mashkral-diwes.

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Jeremia 30:7

Awa, hawo djungelo diwes wella, i diwes, hoi hi har kek wawar! Ko tsiro hi pherdi daar o Jakobeskre tchawenge; jon nai djinenn, te wenn le win lino dran kowa lauter.

Daniel 12:4

Un tu Daniel, rike kau lab khatemen. Un pande i dori trul kau liil un tchip tiro sikepen pre, te nai krell les kek pre, bis ko tsiro wella, kai i phub buder gar rah koi hi. Palle rodenn bud koi dren un haiwenn bud un budeder.

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Amos 8:9

O baro Dewel, maro rai, penell: An ko diwes djal o kham tele mashkral o diwes. Un mashkral o diwes well i rati pral o them.

Mateo 24:36

Kek djinell ko tsiro, kaana kowa lauter wella. I bolepangre an o bolepen djinenn les gar, witar gar o Debleskro tchawo. Miro dad an o bolepen kokres djinell les.

Markus 13:32

Kek djinell ko diwes un ko tsiro, kai kowa lauter wella. I bolepangre an o bolepen djinenn les gar, witar gar o Debleskro tchawo. Miro dad an o bolepen kokres djinell les.

Bičepangre 1:7

Koi penas o Jesus: “O tsiro, kai o dad kowa krella, hi leskro koowa. Tumer hunte djinenn kowa gar.

Bičepangre 15:18

O Dewel krell kowa kanna, hoi job glan i rah tsiro penas.”

Bičepangre 17:26

Ko Dewel kras ko jek menshes, o Adames. Kolestar wan i tsele menshe an hake themma ap i phub. Job das len i tsiro, har rah jon djiwenna, un ninna an hawo them jon djiwenna.

Bičepangre 17:31

O Dewel djinell ko diwes, kai rakrell lo o tchatchepen win pral i tsele menshende, un job djal pal o tchatchepen. O Dewel rodas i murshes win, te well job tchatchepaskro rai. Koles kras job i mulendar djido. Jaake sikras o Dewel hakeneste, kai job kau murshes win rodas.”

1. Tessalonikarja 5:2

Tumer djinenna, o rai Jesus wella har i tchorepaskro an i rati.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 14:6

Un me dikom i wawar bolepaskres dur pral ap o bolepen. Kowa hunte penas i menshenge o latcho lab, hoi atchella un gar pre-herella. Job penas les i tsele menshenge, hoi ap i phub djiwenna, haki natsjona, haki harmenatsjona, hako rakepen, un an hake themma.

Debleskro tsiro 21:23

Pral o foro hi buder kek kham un kek tchon. O Debleskro railepen hi har o kham, un o terno bakro hi i momeli o foreske.

Debleskro tsiro 21:25

Un o foreskre bare wudja atchenn hako tsiro pre, un wenn buder gar pandlo. Della kek rati buder.

Debleskro tsiro 21:3

Un me shunom i sorelo rakepen. Kowa was kotar, kai o Debleskro beshepaskro tardo hi, un kowa penas: “Dikenn, o Debleskro kheer hi pash i menshende! Job djiwell pash lende. Un jon hi leskre menshe. Un o Dewel hi lengro Dewel kokres, un hi pash lende.”

Debleskro tsiro 22:5

An ko foro well buder gar rati. Len hunte well kek momeli, witar gar o kham, te dikenn le. O baro Dewel hi lengri momeli. Un jon hi bare raja hako tsireske.