Zakarie 13:9 - O Debleskro Drom 2021 (Sinte)

⁹ Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

O Debleskro Lab 2024 (Sinte-Manouche)

⁹ Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

Zakarie 13:9 ပူးပေါင်းရင်းမြစ်များ

2. Samuel 7:24

Tu rodal tuke kol menshen Israel win, te wenn jon tire menshe hako tsiro, un tu, baro Dewel, wal lengro Dewel.

Hiob 23:10

Job djinell hawo drom me djau. Dikals lo palla, har djiwau, hatsals lo win, te hom djudjo har sonakai.

Hiob 28:1

Tel i phub nai hatsenn le rup. Un o sonakai, les hi i platsa, kai thowenn le les win.

Debleskri gili 144:15

Bachteles hi kol menshe, kolenge jaake djala! Awa, bachteles hi kol menshe, kolengro Dewel o baro Dewel hi!

Debleskri gili 43:4

Kote kamau me glan tiri Debleskri chatchepaskri te well, glan tute, miro Debleste, kai kreh, te giwap i bachtjatar. Miro bashepah ap i dorjengri bashepaskri kamau man te parkrap pash tute, miro Dewel.

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

Debleskri gili 91:15

Job dell ap mande gole. Doleske shunau me ap leste, un hom pash leste, te djal leske gar mishto. Me lau les win dran i bibacht un krau les bares.

Gosewe laba 17:3

Jaake har o rup an i jag tchiddo well, un o sonakai an i bob, jaake lell o baro Dewel i menshengre djia an o jak.

Kamlepaskri gili 2:16

Miro pirno hi miro, un me hom leskri. Job hatsell peskri bacht mank i lilja.

Jesaja 43:2

Te djah tu an o pani, me hom pash tute, te tassenn tut kol sorele panja gar. Un te djah tu an i jag, palle chatchell li tut gar, un nai krell tuke tchi.

Jesaja 48:10

Dik, jaake har rup an i jag tchiddo well, te wenn i djungele barra win, jaake mukom tumen an phare tsirja te well, te wenn djudjo mange.

Jesaja 58:9

Palle deh tu gole, un o baro Dewel rakrell ap tute pale! Hako kopo, kai deh gole ‘ab ap miri rig’, penell job: ‘Kate hom.’ Tu rikress kekes tele pash tute, un aness tchi ap jekeste pre, hoi gar tchatcho hi, un rakress gar djungeles pral leste.

Jeremia 24:5

Kowa penell o baro Dewel, ko Dewel pral o Israel: Kol menshe dran o them Juda, kolen tradom kate krik an ko them, kai i Kaldearja djiwenn, jon hi har i latche faige.

Jeremia 30:22

Tumer han mire menshe, un me hom tumaro Dewel.

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Jeremia 32:38

Jon hi mire menshe, un me hom lengro Dewel.

Jeremia 9:6

Doleske penell o baro Dewel, ko rai pral o bolepen un i phub: Har o rup an i jag djudjes kerdo well, jaake kamau mire menshen dukentsa djudjes te krell. Dell tchi wawares, hoi krap me nai mire menshenge.

Ezekiel 11:20

Palle krenn le, hoi lendar kamau, un djiwenn pal mire tchatchepaskre laba. Un jon hi mire menshe, un me hom lengro Dewel.

Ezekiel 14:11

Kowa krau, te perell o kheer Israel gar buder mandar tele, un krell pes buder gar pale-tchiddo dran ko tseli doosh, hoi le ap pende anenn. Un jon wenn mire menshe, un me wau lengro Dewel, penell o baro Dewel, maro rai.

Ezekiel 20:38

Kolen, kai mantsa phagan un mandar tele peran, tchiwau ap i rig. Ninna te lau len win dran kol themma, kai le wi-themarja his, well kek lendar an o them Israel. Palle dikenn un haiwenn tumer, te hom me o baro Dewel.

Ezekiel 36:28

Un tumer djiwenn an kau them, hoi dom tumare phurende, un han mire menshe, un me hom tumaro Dewel.

Ezekiel 37:27

Un me djiwau mank lende. Un me hom lengro Dewel, un jon hi mire menshe.

Daniel 11:35

Un mank kol gosewe hi sawe, kai wenn maredo, te wenn bud wawar soreles an o patsepen, un lengre djia djudjo kerdo o Debleske. Kowa djal jaake jek tsireske, bis ko diwes wella, kai o tsiro kai phubjake trujel hi.

Daniel 12:10

I djia bud menshendar wenn djudjo kerdo un wenn thodo, har sonakai an i jag thodo well. Un i tchilatche krenn dureder o tchilatchepen. un haiwenn kau koowa gar. Kokres kolla, kai o Debleskro drom prindjrenna, haiwenn ninna kau koowa.

3. Mose 26:12

Me djiwau pash tumende, un hom tumaro Dewel, un tumer han mire menshe.

Zakarie 10:6

Un me krau o kheer Juda soreles, un wau ap i rig kolenge dran o kheer Josef. Man hi i baro dji lenge, un mukau len pale te djal an pengro them. Te wenn le jaake har jon his, har krom len gomme gar pale-tchiddo. Me, o baro Dewel, hom lengro Dewel un shunau lengro mangepen.

Zakarie 12:10

O Davideskre menshenge un i menshenge an Jerusalem krau lengre djia pre, te wenn le kamles jek ap o wawareste un mangenn mandar latchepen. Un jon dikenn ap koleste, kai dan le an i rig tchurje. Un jon denn gole i ropah pral leste, har jek pral peskro mulo tchaweste gole dell, koles kek wawar tchawe hi, un har rowenn i menshe pral pengro phureder tchawo, kai meras.

Zakarie 8:8

Me anau len khere un mukau len an o foro Jerusalem te djiwell. Jon te wenn mire menshe. Un me wau lengro Dewel: Me mukau len gar, un jon djiwenn mantsa an o tchatchepen.”

Bičepangre 2:21

Un koon ap leste gole della, koles lell lo dran o tchilatchepen un o merepen win.

Hebrearja 8:10

Ap ko tsiro, hoi wella, penell o Dewel, rakrau pale lentsa, un anau len ap o newo drom. Me tchiwau miro tchatchepen an lengre shere, un tchinau mire laba an lengre djia. Un me hom lengro Dewel, un jon hi mire menshe.

Jakobo 1:12

Bachtelo hi kowa, koon mukell gar peskro patsepen, ninna te well i pharo koowa ap leste. Job hi moldo, te lell lo ko djipen, hoi gar pre-herella. Kawa djipen dell o Dewel kolen, kai les kamenna.

1. Petro 4:12

Kamle mala, tumaro dji well gar dareno, te wenn tumer soreles palla lino. Sawo koowa djal kolenge, kai patsle hi. Kote well diklo, har tumaro patsepen hi.

Debleskro tsiro 21:7

Kowa, kai soreles an o patsepen atchas, un gar pre das, kowa lell kau shukar koowa mandar. Me wau leskro Dewel. Un job well miro tchawo.

Debleskro tsiro 8:10

Un ko triinto bolepaskro phurdas an peskri phurdepaskri: Un i bolepaskri momeli chatchas har jag, un peras tele ap i phub. Un koja peras ap o triinto kotar hako lengsto panjestar, ninna ap ko pani, hoi wella dran i phub win.

Debleskro tsiro 8:11

Un ko bolepaskri momeli kharella shut. Un o triinto kotar kol panjestar was shutlo. Un bud kol menshendar, kai pijan ko pani, meran lestar.

Debleskro tsiro 8:12

Un o starto bolepaskro phurdas an peskri phurdepaskri. Un o kham las i dap, un o triinto kotar lestar was kalo. Ninna o tchon un i wawar bolepangre momlia lan i dap. Un o triinto kotar lendar was kalo. Jaake chatchas o kham gar ap o triinto kotar ap o diwes, witar gar chatchan o tchon un i bolepangre momlia ap o triinto kotar an i rat.

Debleskro tsiro 8:7

Un o glanstuno phurdas an peskri phurdepaskri. Koi das brishin, hoi his har barra, un jag o rateha mashkral ap i phub. Un o triinto kotar i tseli phubjatar chatchras, un o triinto kotar i tsele rukendar chatchras, ninna o tselo senlepen.

Debleskro tsiro 8:8

Un o duito bolepaskro phurdas an peskri phurdepaskri. Koi was i bari kotar bar, hoi chatchella, an o baro pani witsedo. Un o triinto kotar o tselo baro panjestar was har o rat.

Debleskro tsiro 8:9

Koi meras o triinto kotar lauterestar, hoi an o baro pani djiwas. Ninna hako triinto shiffo djas paash.