Zakarie 12:8 - O Debleskro Drom 2021 (Sinte)

⁸ An ko tsiro rikrell o baro Dewel peskre wasta pral i menshende an o foro Jerusalem. Un i menshe kote sikrenn pen jaake sorelo, te hi i bango jaake sorelo har o David his. Un i menshe dran o Davideskro kheer djan glan lende, har te djals o Debleskro bolepaskro glan lende.

O Debleskro Lab 2024 (Sinte-Manouche)

⁸ An ko tsiro rikrell o baro Devel peskre vasta pral i menshende an o foro Yerusalem. Oun i menshe kote sikrenn pen yaake zorelo, te hi i bango yaake zorelo har o David his. Oun i menshe dran o Davideskro kheer djan glan lende, har te djals o Debleskro bolepaskro glan lende.

Zakarie 12:8 ပူးပေါင်းရင်းမြစ်များ

Debleskri gili 8:5

palle putchau mandar: Hoi hi o mensho? Hoske well lo tuke an o shero? Hi lo tuke jaake kutch, te weh ap leskri rig?

Debleskri gili 82:6

Awa, me penom: ‘Tumer han debla, tumer lauter han tchawe o pralstunestar.’

2. Mose 14:19

Un o Debleskro bolepaskro, kai djal glan i Israelitarja, stas pre un djas pal lende. Un koi bari wolka glan lende hadas pes, un tchiwas pes pal lende jaake,

2. Mose 33:2

Un me bitchrau i bolepaskro. Kowa djal glan tumende. Un me tradau i wawar menshen an kau them win: i Kanaanitarja, i Amorarja, i Hetarja, i Perisarja, i Hiwarja un i Jebusarja.

Jesaja 30:26

An ko tsiro, kai pandell o baro Dewel i pandepen trul o dukepen peskre menshendar, hoi job len das, un krell lengro nasselo un ratlo mass pale sasto, hi o tchon jaake sorelo har o kham. Un o kham hi efta kope sorleder har kanna.

Jesaja 31:4

Kawa hi, hoi rakras o baro Dewel ap mande: I lewo – nai well i phuro, nai well i terno – hoi i vieches tapras, mukell pes gar lestar krik te tradell. Job dell gole un darell gar kolendar, kai ap i viechende jak dan, un kanna khetne kharedo wan, un bari gole ap leste denn. Ninna te hi kolla bud, trashell lo lendar gar. Jaake wau me, o baro Dewel, ko rai pral o bolepen un i phub, tele ap i berga Zion, te kurap man mire menshenge.

Jesaja 33:24

Un kek mensho, kai kote djiwell, penell buder: “An mande hi kek soor.” Un kol menshe, kai an kau foro djiwenn, kolenge hi pengri phagi krik lino.

Jesaja 49:7

O baro Dewel, kowa, kai o Israel dran o tchilatchepen win lell, un kokres leskro Dewel hi, job penell koleske, kai i menshe tele dikenn ap leste, un koles i menshe dran bud themma gar kamenna, un lengre raja lestar pengro budepaskro krenn, ap koleste penell o baro Dewel: Bare raja dikenn tut, un stenn pre glan tute. Un pralstune dikenn tut un witsrenn pen ap i phub glan tute, Jon dikan, kai rikrau pash tute, me, o Israeleskro Dewel, kai tut win rodom.

Jesaja 53:3

I menshe dikan tele ap leste, un tchiwan les ap i rig. I mursh pherde duka un nasslepen his lo. I grecho his lo lenge, glan koleste jon pengro shero krik rissran. Un menge his lo tchi-moldo.

Jesaja 63:9

dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Jeremia 27:10

Kal menshe penenn tumenge chochepen. Te patsenn tumer lenge, wenn tumer dran tumaro them krik anlo. Me tradau tumen mandar krik, un tumer merenna.

Hosea 1:7

I menshenge dran o kheer Juda krau miro dji pre. Me, o baro Dewel, hom lengro Dewel, un wau lenge ap i rig. Kowa krau gar o bogeha, o chareha, un o kurepaskro koowa, witar gar i grajentsa un i kurepangre wurdjentsa.

Hosea 12:3

Ninna i menshenge an o them Juda rikrell o baro Dewel lengro tchilatcho koowa glan i jaka. Job dell o Jakobes peskri phagi koleske, hoi lo kras, un har lo djiwas.

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

3. Mose 26:8

Pantch tumendar lenn i sheel lurdenge palla, un i sheel tumendar nashenn 10.000 (deesh-serja) lurdenge palla, te denn le len mulo. Kolla, kai kamenn tumen te marell, wenn tumendar o chareha mulo dino.

Micha 5:8

Israel, hade tiro wast pral halauterende, kai kurenn pen tuha, te atchell kek lendar djido!

Micha 7:16

te dikenn kolla an i wawar themma, hoi menge kreh, un hunte ladjenn pen an pengri tseli soor. Lenge atchell o rakepen krik, un jon kamenn buder tchi te shunell.

Micha 7:8

Ma san pral mande, tumer, kai kamenn man tele te rikrell! Ninna te wom ap i phub witsedo, stau me pale pre. Ninna te hom an i kali rat beshdo, hi o baro Dewel miri momeli.

Zakarie 10:7

Un i mursha dran o kheer Efrajim hi palle sorelo har bare kurepangre, un bachtelo har kolla, kai pijan mool. Lengre tchawe dikenn kowa un denn gole i bachtjatar. Lengro dji giwell dran kowa, hoi o baro Dewel kras.

Zakarie 2:5

An i wawar dikepen dikom i terno murshes i dorjah an peskro wast, te dikell lo pal, har baro tchomone hi.

Zakarie 9:14

O baro Dewel mukell pes te dikell pral peskre menshende, [te rikrell lo peskre wasta pral lende]. Leskro failo djal sik har o bolepaskri jag. O baro Dewel, maro rai, mukell an i bari phurdepaskri te phurdell. Job djal an o sorelo ducho, hoi well kotar, kai o kham pralstunes tardo hi.

Zakarie 9:8

“Me kokres dau garda ap miro them, te wenn kek lurde dran wawar themma dren. Kek baro rai i wawar themestar nai rikrell mire menshen tele. Mire jakentsa dikau kanna koi pre.”

Maleachi 3:1

O baro Dewel, ko rai pral o bolepen un i phub penell: Denn jak, me bitchrau miro bitchepaskres! Job krell glan mande o drom jaake, har mange mishto hi. Un ko rai, kolestar tumer penenn, te rodenn les, kowa well sik pash peskro kheer. Ko bitchepaskro, kai tumentsa pral kowa rakrell, hoi tumentsa win krom, ap koleste tumer tumaro tselo djijeha dikenna, job hi gar dur.

Mateo 1:23

I terni tchai, kai gomme kek murshestar an tapedo was, lella i ternepen. Un jon denn les o lab Emmanuel. Kowa kharella: O Dewel hi mentsa.”

Remarja 9:5

Lengre phure hi o Abraham, o Isaak un o Jakob. Ninna o Jesus Kristo was i Israelitari, har was lo boldo. Sharas o Debles pral kowa lauter hako tsireske. Amen!

1. Timoteo 3:16

Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.

Hebrearja 11:34

Wawar wan an i jag witsedo, un i jag nai chatchan len gar. Wawaren kaman i menshe i chareha te marell, un jon nai nashan penge. Kolla, kai kek soor buder an lende his, kolen kras o Dewel soreles. An o kurepen lan le i soor, te tradan le i wawar lurden krik.

Josua 23:10

Jek mursh tumendar tradell jek-sero murshen. Tumaro baro Dewel, job hi kowa, kai kurell pes tumenge lentsa, jaake har lo penas.

Debleskro tsiro 22:13

Mandar was halauter. Un lauter well pale glan mande. Me hom o glanstuno un o palstuno, kowa, kolestar lauter was, un koleha lauter pre-herell.

Debleskro tsiro 22:16

Me, o Jesus, bitchrom miro bolepaskres pash tumende, te penell lo kau koowa i patslenge. Me hom o Davideskro tchawo. Me hom koi raili bolepaskri momeli, hoi djal pre taissarlake ap o bolepen.”