Zakarie 12:7 - O Debleskro Drom 2021 (Sinte)

⁷ O baro Dewel krell, te wenn glanstunes i lurde dran o them Juda i sorleder pral kolende, kai kurenn pen lentsa. Kowa krell lo jaake, te sharenn pen gar o Davideskre menshe un i wawar menshe an o foro Jerusalem, un dikenn tele ap i menshende an o them Juda.

O Debleskro Lab 2024 (Sinte-Manouche)

⁷ O baro Devel krell, te venn glanstounes i lourde dran o them Youda i zorleder pral kolende, kay kourenn pen lentsa. Kova krell lo yaake, te sharenn pen gar o Davideskre menshe oun i vavar menshe an o foro Yerusalem, oun dikenn tele ap i menshende an o them Youda.

Zakarie 12:7 ပူးပေါင်းရင်းမြစ်များ

Hiob 19:5

Tchatchepah, tumer patsenn, te han feteder har me, un kamenn mange te sikrell, te hi miri doosh, hoi anas man an i ladj!

Debleskri gili 35:26

Kre, te ladjenn le pen, un nai hadenn pengro shero gar pral, kolla lauter, kai hi bachtelo pral miri bibacht! Mu well praassepen un ladj ap lende, kai hadenn pen pral mande.

Debleskri gili 38:16

Tchatchepah, me tchiwau miro tselo patsepen ap tute, baro Dewel, te rakress tu mantsa, mo rai un mo Dewel.

Debleskri gili 55:12

O tchilatcho koowa hi baro mank lende. Ap i dromma, kai parenn un bikrenn le, wenn i menshe tikno rikedo un chochedo.

Jesaja 23:9

O baro Dewel, ko rai pral o bolepen un i phub penas, te well kowa jaake. Job kamas lenge ko tselo railepen krik te lell, koleha jon pen jaake bares kran, un kamas i an-dikle murshen ap i phub tiknes te krell.

Jeremia 30:18

Kowa penell o baro Dewel: Me anau mire menshen pale khere an pengro them, un krau miro dji haki familjake pre. Un o foro Jerusalem well pale pre-tchiddo ap peskre berge, un o baro rajeskro sorelo kheer kote, kai lo tardo his.

Amos 9:11

O baro Dewel penell: Ap ko diwes krau o Davideskro kheer newes, kowa hoi kanna khetne peredo hi. Kote, kai lo paash hi, krau les tseles. Kote, kai barra win phagedo hi, tchiwau len pale pre. Me krau les jaake har lo glan bud tsiro his.

Zakarie 11:11

Un koi sowel was phagedo ap kau diwes. Kol parepangre, kai i bakre bikran un ginan, dikan, hoi krom, un haiwan, o baro Dewel rakras dran kowa, hoi krom.

Zakarie 4:6

“Kol efta momlia hi o baro Debleskre jaka, hoi lauter dikenn, hoi ap i phub djala.”

Louka 10:21

An ko tsiro das o Debleskro Ducho o Jesuses i bari bacht an o dji. Un job penas: “Tata, tu hal o rai pral o bolepen un i phub, un me sharau tut. Kowa, hoi tu kreh, sikral tu kolende, kai gar bud djinenna. Un kolla, kai gosewo hi un bud djinenna, kolla haiwenn kowa gar. Awa, jaake kamal tu kowa.

Remarja 3:27

Koon nai sharell pes kanna? Kowa, kai rikras pes ap kol laba, hoi penenna, har te djiwas mer? Na-a, les hi tchi, te sharell lo pes. Kowa hi tchatcho glan o Debleste, kai ap o Jesus Kristeste patsella.

Jakobo 2:5

Shunenn, mire kamle phrala! O Dewel rodas kolen win, kai hi tchorwelo ap kai phub, te wenn le brawelo an o patsepen. Ko tsiro wella, kai djiwenn le leha khetne an o bolepen un lenn leskro brawlepen. Kowa lenna kolla, kai kamenn les o djijestar. Jaake penas les o Dewel.

Jakobo 4:6

Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.