Zakarie 12:5 - O Debleskro Drom 2021 (Sinte)

⁵ Un kol pralstune an o them Juda penenn an pengre djia: ‘I menshe an Jerusalem hi sorelo. Jon rikrenn pen soreles ap pengro baro Debleste, ko rajeste pral o bolepen un i phub.’

O Debleskro Lab 2024 (Sinte-Manouche)

⁵ Oun kol pralstoune an o them Youda penenn an pengre djia: I menshe an Yerusalem hi zorelo. Yon rikrenn pen zoreles ap pengro baro Debleste, ko rayeste pral o bolepen oun i phoub.

Zakarie 12:5 ပူးပေါင်းရင်းမြစ်များ

Debleskri gili 144:1

I gili o Davidestar. Sharedo well o baro Dewel, kai rikrell peskre wasta pral mande. Job sikrell mange, har te kurap man. Mire wastenge sikrell lo har te dap i chareha.

Debleskri gili 18:32

Jek kokres hi o Dewel. Kowa hi o baro Dewel. Jek kokres hi har i baro sorelo bar menge, kai nai khatrah men. Kowa hi maro Dewel.

Debleskri gili 18:39

Me dukrom len jaake, te nai stan le gar buder pre, un stakrom len tel mire herja.

Debleskri gili 46:1

I gili jekestar, kai hi dran i familja Korach. Kai gili hi o rajeske pral i gipangre, te giwell lo lat har koi gili ‘terne tcha’.

Jesaja 1:10

Tumer raja dran Sodom, shunenn o lab o baro Deblestar! Tumer menshe dran Gomorra, shunenn, hoi kamell maro Dewel tumenge te penell!

Jesaja 1:23

Tire pralstune hadan pen pral mande un djan khetne i tchorepangre. Un hakeno lendar mukell pes te ginell. Un kol tchawe, kolen kek dai un kek dad hi, kolenge krenn le kek tchatchepen win. Un ko koowa kol djuwjendar, kolengro rom meras, mukenn le gar glan pende te well.

Jesaja 1:26

Me dau tut pale tchatchepangre murshen un rakepangren, kai o tchatchepen win krenn, jaake har an i phure tsirja his. Un palle kharenn le tut ‘tchatchepaskro foro’ un ‘foro kolendar, kai ap o Debleste patsenna.’

Jesaja 28:5

Ap ko diwes hi o baro Dewel, ko rai pral o bolepen un i phub, har i shukar rajeskri stadi un shereskro sonakai kolenge, kai pral atchan leskre menshendar.

Jesaja 28:6

Un i tchatchepangre rajende dell lo o tchatchepen an o dji, te nai rakrenn le tchatchepah o tchatchepen win. Un kol kurepangren dell lo i soor, te nai tradenn le i lurden dran wawar themma pale dran o foro win.

Jesaja 29:10

O baro Dewel tchiwas i sopaskro ducho ap tumende. O Debleskre rakepangre hunte wans tumare jaka, – o Dewel kras len korelo, un i dikepangre dikenn buder tchi, har te wals i diklo trul lengre jaka pandlo.

Jesaja 32:1

Sik well i baro rai, kai krell halauter an o tchatchepen, un i pralstune pral o them denn hakenes peskro tchatchepen.

Jesaja 45:24

un penell mandar: “Kokres an o baro Debleste hi tchatchepen un soor.” Kolla, kai tchingran ap mande, wenna wi-ladjedo glan mande tardo.

Jesaja 60:17

Sonakai anau me, un gar lolo saster. Rup anau un gar saster. Lolo saster anau un gar kasht. Un saster anau un gar barra. Tire raja rikrenn tut buder gar tele. Tel lende djal tuke mishto un tut well tiro tchatchepen.

Jeremia 30:21

Un lengro rai well dran lende. Awa, lengro pralstuno hi jek lendar. Me mukau les glan mande te well. Kek nai well glan mande un atchell djido, te mukau les gar. Kowa penell o baro Dewel.

Jeremia 33:26

jaake tchiwau me gar mire menshen pale, kai wenna pal o David, kowa, kai mange koi his, un pal o Jakobeskre wawar tchawende. Dran o Davideskro kheer lau jekes, kai well o baro rai pral i menshende, kai wenna pal o Abraham, o Isaak un o Jakob. Me krau te well mire menshenge halauter pale mishto. Un me krau miro dji lenge pre.

Zakarie 10:12

Me, o baro Dewel, krau mire menshen soreles. Un jon mangenn man an un shunenn ap mande. Kowa penell o baro Dewel.

Zakarie 10:6

Un me krau o kheer Juda soreles, un wau ap i rig kolenge dran o kheer Josef. Man hi i baro dji lenge, un mukau len pale te djal an pengro them. Te wenn le jaake har jon his, har krom len gomme gar pale-tchiddo. Me, o baro Dewel, hom lengro Dewel un shunau lengro mangepen.

Zakarie 12:4

“An ko tsiro”, penell o baro Dewel, “krau me i grajenge bari traash, un i klissepangre wenn narwelo i darjatar. Awa, i tsele grajen kol menshendar krau korelo. Pral o kheer Juda rikrau mire jaka pre, te djal lenge kek tchilatchepen.

Zakarie 12:6

An ko tsiro krau, te wenn i pralstune an Juda har i jagakro tcharo mashkral an o weesh, un har i jag mank o phuss, hoi chatchell ap haki rig. Un jon chan kol tsele natsjone trujel pre. O foro Jerusalem atchell kai lo hi.”

Zakarie 14:14

Ninna i menshe dran Juda djan ap kolende an Jerusalem pre. Palle lenn i menshe dran Jerusalem ko kutch koowa khetne, hoi kol wawar menshen dran i themma trul lende trujel pash pende hi: Kowa hi bud sonakai, rup un kutch ripja.

Čačepangre 5:9

Miro dji hi i pralstunenge an Israel, un i lurdentsa, kai pendar win djan an o kurepen. Kolenge parkrenn tumen pash o baro Debleste!