Zakarie 12:1 - O Debleskro Drom 2021 (Sinte)

¹ Kawa hi o lab, hoi penas o baro Dewel pral o Israel: Kowa penell o baro Dewel, kai kras o bolepen buchlo un tchiwas i phub soreles tardo, un das o menshes o ducho.

O Debleskro Lab 2024 (Sinte-Manouche)

¹ Kava hi o lab, hoy penas o baro Devel pral o Israel: Kova penell o baro Devel, kay kras o bolepen bourhlo oun čivas i phoub zoreles tardo, oun das o menshes o dourho.

Zakarie 12:1 ပူးပေါင်းရင်းမြစ်များ

1. Mose 1:8

Un o Dewel das o bolepen o lab ‘bolepen’. Un was rati un pale taissarlakro. Kowa his o duito diwes.

1. Mose 2:7

Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

Hiob 26:7

O Dewel kras o bolepen buchles pral kowa, kai tchi hi, un pandas i phub kote pre, kai tchi hi.

Hiob 37:18

nai kreh tu o bolepen buchles pral i phub, har job kowa kras, te well o bolepen soreles har i dikepaskri?

Debleskri gili 104:2

Har i baja tchiwal i bari momeli trul tute. Tu tserdal o bolepen buchlo har i bari plachta,

Debleskri gili 134:3

O baro Dewel, kai o bolepen un i phub kras, hi khere ap i berga Zion. Fun kotar mu tchiwell lo peskri bacht ap tute!

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Jesaja 40:12

Koon hi jaake baro, te nai lell lo i tsele panja an peskro wast? Koon nai tchiwell peskro wast ap o bolepen un penell, har buchlo kowa hi? Koon nai tchiwell i tseli tchik i phubjatar an i baro tcharo, te dikell lo har bud kowa hi? Un koon nai penell, har pharo i berge hi, un nai tchiwell len ap i waga? Kek mensho nai krell kowa!

Jesaja 40:22

Job hi kowa, kai hi o rai pral i tseli phub. Un kolla, kai ap i phub djiwenn, hi glan leste har stepangre. Job hi kowa, kai tchiwas o bolepen pral i phub har i buchli plachta, har te krell jek i plachteno kheer, te nai djiwell lo dren.

Jesaja 42:5

O baro Dewel hi maro rai, kowa, kai o bolepen kras, un har i plachta buchles kras. Ninna i phub kras lo, un lauter hoi li win anell. Un i menshen ap late dell lo o ducho, un djipen kolende, kai ap late djiwenn. Job penell:

Jesaja 44:24

Kawa penell o baro Dewel, kowa, kai ginas tut win dran i bibacht, un kowa, kai tut kras har gomme gar boldo hals: Me, o baro Dewel hom kowa, kai lauter kras, Me kokres krom o bolepen buchlo pral i phub, Un har me i phub soreles pre tchiwom, his kek kote pash mande.

Jesaja 45:12

Me hom kowa, kai kras i phub, un ko menshes, kai ap late hi, ninna. Mire wastentsa krom o bolepen buchles, un kol tsele momlia ap leste penom me, kai le wenn.

Jesaja 45:18

O baro Dewel hi o Dewel, kai o bolepen kras. Job hi o Dewel, kai i phub kras un soreles pre tchiwas. Job kras lat gar jaake, te nai djiwell tchi koi pre. Na-a, job kras lat jaake, te well djipen ap late. Job penell: Me hom o baro Dewel, un dell kek wawar Dewel har man!

Jesaja 48:13

Mire wastentsa krom i phub, un tchiwom o bolepen buchles pral i phub. Me dom len gole, un jon his koi tardo.

Jesaja 51:13

Bistran tumer o baro Debles, kowa, kai tumen kras? Job hi kowa, kai o bolepen buchles pral i phub kras, un i phub pre tchiwas. Hoske darenn tumer o tselo tsiro glan i choli kolendar, kai rikrenn tumen tele un kamenn tumen te marell? Lengri choli nai taprell tumen gar!

Jesaja 57:16

Kamau gar hako tsiro pral i menshende te tchingrell un man choirell. te merenn le gar lauter glan mande, kol menshe, kolen me krom.

Jeremia 10:12

Job, o baro Dewel, kras i phub peskri sorjah. Dran peskro goswepen tchiwas lo i phub soreles tardo, un kras o bolepen koi pral.

Jeremia 30:10

Doleske ma dare, tu, miro budepaskro Jakob! Ma traash, Israel, penell o baro Dewel. Shun, me lau tut un tire tchawen win dran ko dur them, kai pandle han. Tumer wenn khere an tumaro them. Kote djal tumenge mishto. Kek krell tumenge kote tchilatchepen. Tchi hunte krell tumenge daar.

Jeremia 30:16

Tu hunte djiness, kolla lauter, kai chan tut, wenn ninna chalo. Un lauter, kai kran tut daar, wenn pandles krik anlo. Un kolla, kai tchoran tiro koowa, wenn ninna win tchoredo. Un kolla, kai randan tut, wenn ninna randedo.

Jeremia 38:16

Kote das pes o baro rai Zedekja tchorchanes sowel un penas: Glan o djido Debleste, kai men maro djipen das, penau tuke: Me mukau tut gar te marell, un me dau tut witar gar an o wast kol murshendar, kai kamenn tut te marell.

Jeremia 50:34

O diwes well, kai lau len kote win, me hom sorelo. Me, o baro Dewel, ko rai pral o bolepen un i phub, lau lengro koowa an miro wast, un lau o kurepen krik i phubjatar, Pral i menshende an o them Babilonia anau traash.

Jeremia 51:15

Job, o baro Dewel, kras i phub peskri sorjah, un kras lat soreles an peskro goswepen, un kras o bolepen koi pral.

Ropaskre gilja 2:14

Kolla, kai hunte penans tuke o Debleskre laba, penan tuke chocheno koowa glan-wi, hoi tchi moldo hi. Un sikran tuke gar tiri doosh. Kowa te krans le, perals gar jaake har kanna peral. Na-a, jon mukan tut chochene laba te shunell, un anan tut o tchatcho dromestar tele.

Ezekiel 18:4

Djinenn, man hi o djipen hakenestar an miro wast – o dadeskro djipen jaake har o tchaweskro djipen. Kokres kowa, kai anell doosh ap peste, hunte merell.

Zakarie 9:1

Kawa hi o lab, hoi rakras o baro Dewel; kau lab well an o them Hadrach un djal bis an o foro Damaskus. Tchatchepah, o baro Dewel dikell ap i tsele menshende, gar kokres ap i menshende an Israel.

Maleachi 1:1

Kawa hi o lab, hoi penas o baro Dewel ap peskro rakepaskro, o Maleachi, te penell job kowa dureder ap i Israelitarja.

4. Mose 16:22

Kol dui mukan pen ap pengro mui te perell, un penan: “Ach Dewel, tu hal o Dewel, kai das hakenes o djipen! Te kras jek mursh i tchilatcho koowa, kameh tu doleske tiri choli pral i tsele menshende te tchiwell?”

Hebrearja 12:9

Har tchawe hams, dan men mare dada i phagi. Un mer hunte shunam ap lende. Kitse budeder hunte shunas ap maro dadeste an o bolepen, te djiwas.