Zakarie 11:9 - O Debleskro Drom 2021 (Sinte)

⁹ Doleske penom: “Kamau buder gar te atchap i bakrengro tumenge. Kol bakre, kai merenna, mu merenn! Kolla, kai nashrenn pen, mu nashrenn le pen! Un kolla, kai djido atchenn, mu chan le jek o wawares!”

O Debleskro Lab 2024 (Sinte-Manouche)

⁹ Doleske penom: “Kamau bouder gar te ačap i bakrengro t'menge. Kol bakre, kay merenna, mou merenn! Kolla, kay nashrenn pen, mou nashrenn le pen! Oun kolla, kay djido ačenn, mou rhan le yek o vavares!”

Zakarie 11:9 ပူးပေါင်းရင်းမြစ်များ

Jeremia 19:9

Kol lurde, kai kamenn len te marell, tchiwenn pen trul o foro un pandenn les dren. Koi well sawo tchilatcho tsiro, kai kol menshe an ko foro jek i wawares pre chan, ninna pengre tchawen chan jon pre.

Jeremia 23:33

O baro Dewel penas ap o Jeremia: Te putchell tutar jek mire menshendar, i rakepaskro oder i rashai: Hoi penas o baro Dewel tuke, hoi phares ap tute tchiddo hi? Palle peness: Tumer han phares ap mande tchiddo. Kamau te witsrap tumen krik mandar, penell o baro Dewel.

Jeremia 23:39

palle djinenn, me hadau tumen pre har i pharo koowa, un witsrau tumen krik mandar, tumen un tumaro foro, hoi dom tumende un tumare phurende.

Jeremia 43:11

Job peskre lurdentsa well dren an o them Egiptia un well o sorleder. Palle merenn bud menshen, wawar wenn pandles lino, un wawar o chareha maredo. Hakeno well jaake tapedo har leske glan-wi diklo hi

Ezekiel 5:10

I tsiro well, kai chan dada pengre tchawen mashkral an Jerusalem, un tchawe chan pengre daden. Jaake pharo well miri phagi, hoi dau tumende. Un halauter, kai tumendar pral atchenn, wenn win tradedo ap hake rigja.

Hosea 4:6

Mire menshe prindjrenn o tchatcho drom gar. Doleske djan le tele. Tumer kaman lenge gar miro drom te sikrell. Doleske kamau me tumendar witar tchi te djinell. Tumer han buder gar mire rashaja. Tumer bistran miro drom. Doleske bistrau tumare tchawen.

Zakarie 13:8

O baro Dewel penell: “An o tselo them wenn triin menshendar dui tele dino un merenn. Kokres jek atchell djido.

Mateo 15:14

Mukenn le te rakrell! Jon hi korele un kamenn i korelen ap o wast te lenn. Un te lell i korelo i koreles ap o wast, perenn hake dui.”

Mateo 21:19

Un har job i faigetikro ruk dikas, djas lo kote un hatsas tchi har i patria kokres ap leste. Koi penas lo ap ko ruk: “Kek tsireske wenna pale faige ap tute!” Un ap jek kopo meras kau ruk tele.

Mateo 21:43

Awa, me penau tumenge: An ko tsiro, hoi wella, han tumer buder gar o Debleskre menshe. O Dewel dell wawar menshen khetne gole, te djiwenn le leha khetne. Un jon krenna, hoi o Dewel kamella.

Johanni 12:35

Penas o Jesus ap lende: “Koi momeli hi gar buder rah pash tumende. Djan tumaro drom jaake rah, har koi momeli pash tumende hi, te well gar i rati pral tumende! Koon an i rati djala, djinell gar, kai job djala.

Johanni 8:21

Pale penas o Jesus ap lende: “Me djau mange. Tumer rodenn man, un tumer merenn an tumaro tchilatchepen. Kote, kai me djaua, nai wenn tumer gar.”

Johanni 8:24

Doleske penom tumenge: Tumer merenn an tumaro tchilatchepen. Tumer te patsenn gar, kai me kowa hom, koon me hom, palle merenn tumer an tumaro tchilatchepen.”

Debleskro tsiro 22:11

Koon tchilatcho koowa krella, kowa krell kowa. Un koon djungelo koowa krella, kowa krell kowa. Un koon an o tchatchepen djiwella, atchell an o tchatchepen! Un koon o Debleha djiwella, kowa atchell o Debleha!